add one
gallery images

უსახლკარო

გთხოვთ დაგვეხმაროთ რომ გვქონდეს ერთი პატარა ოთახი მაინც რომელიც იქნება ჩვენი  კერა და არ ვიქნებით შიშით რომ გაგვიშვებენ სახლოდან
gallery images

თავისუფლება მიხეილ სააკაშვილს.

თავისუფლება მიხეილ სააკაშვილს. FREE TO MIKHEIL SAAKASHVILI.
gallery images

არა შქმერის განადგურებას

ნუ დავუშვებთ შქმერის გაუკაცრიელებას! ერთად შევაჩეროთ ეს ბოროტება, რომელიც ცდილობს შქმერი დაამსგავსოს ჭიათურას.    ერთად შევაჩეროთ ეკოლოგიური კატასტროფა! ერთად შევაჩეროთ ჩვენი მიწის შვილებისთვის მომწამლავ გარემოდ ქცევა! ერთად შევაჩეროთ რაჭის განადგურება!   სოფელ შქმერის მიმდინარე ტერიტორიაზე მანგანუმის მოპოვების მიზნით შპს ,,ტექნოლოჯი2021“-ზე 10 წლის ვადით გაიცა ტერიტორიები.  ლიცენზიის ძალაში შესვლიდან სამი წლის ვადაში კომპანიას ევალება  სასარგებლო წიაღისეულის რესურსის შესწავლა კერძოდ ჭაბურღილების, შურფების, თხრილების და სხვა სამუშაოების შესრულება. ამ დრომდე ადგილზე მუშაობს ტექნიკა და  ისე აწარმოებს სამუშაოებს,  რომ ადგილობრივებისთვის უცნობია რა ტიპის სამუშაოებს მოიცავს შესწავლა.   ჩვენ შეგვწევს ძალა, შევაჩეროთ 10-წლიანი ჯოჯოხეთი რომელიც ჩვენს მხარეს აქვს წინ! დავდგეთ ერთად საერთო მტრის წინააღმდეგ. 
gallery images

#FREEMISHA - გადაიყვანეთ მიხეილ სააკაშვილი სამოქალაქო კლინიკაში

საქართველოს იუსტიციის მინისტრს რატი ბრეგაძეს   არასამთავრობო ორგანიზაციების ერთობლივი მიმართვა ქვემოთ ხელმომწერი არასამთავრობო ორგანიზაციები, მოქალაქეები, მოგიწოდებთ იუსტიციის მინისტრს - რატი ბრეგაძეს, რომლის პასუხისმგებლობის ქვეშ არის სპეციალური პენიტენციური სამსახური. ბატონო რატი, ერთხელ მაინც იყავით იუსტიციის მინისტრი, და ნუ იქნებით პოლიტიკური გადაწყვეტილების მიმღები! ჩვენ ვიხილეთ კადრები, რომლებიც გაავრცელა საქართველოს იუსტიციის სამინისტროს სპეციალურმა პენიტენციურმა სამსახურმა - მიხეილ სააკაშვილის მოტყუებით #12 პენიტენციური დაწესებულებიდან #18 პენიტეციურ დაწესებულებაში გადაყვანის კადრები, ფიზიკური და სიტყვიერი შეურაცხყოფის ამსახველი კადრები. ამ კადრებს ვაფასებთ როგორც ძალადობას, არაადამიანურ მობყრობას, პოლიტიკურ ანგარიშსწორებად, განსხვავებული აზრის დევნად, ადამიანის უფლებების დარღვევად, პოლიტიკურ ნაბიჯად - რომელიც ნაკარნახევია რუსეთის მიერ! ბატონო რატი, ჩვენ გვახსოვს არააერთი პატიმარი, რომელიც გადაყვანილ იქნა კერძო კლინიკაში! ბატონო რატი, თქვენ ამისკენ მოგიწოდათ ევროპის სხვადასხვა ინსტიტუციებმა, სტრასბურგის სასამართლომ! ბატონო რატი, პოლიტიკურია ასევე მისი მოთავსება იმ საკანში, სადაც 40-დღეზე მეტი მოშიმშილე საქართველოს პრეზიდენტ სააკაშვილს წაართვით სუფთა ჰაერის (ჟანგბადის) სუნთქვის უფლება! - დიახ პოლიტიკურია, რამეთუ იმგვარად გყავთ მოთავსებული ის საკანში (და ეს არ არის არანაირად პალატა), რომლის ფანჯრის გაღებისთანავე მოპირდაპირე კორპუსიდან იწყება სხვა პატიმრების მიერ ორგანიზებული შეურაცმყოფელი შეძახილები, ლანძღვა-გინება და სხვა მესამე პრეზიდენტის მიმართ! ბატონო რატი, მოგიწოდებთ, დროულად მოხდეს საქართველოს მე-3 პრეზიდენტის მიხეილ სააკაშვილის გადაყვანა კერძო კლინიკაში რათა თავიდან ავიცილოთ ცუდი შედეგები, წინააღმდეგ შემთხვევაში ეს ძალიან ცუდად აისახება საქართველოს რეპუტაციაზე! ყოველგვარი ეს ნაბიჯი არის მხოლოდ რუსული ნარატივი! რუსული ნარატივია ასევე ის ფაქტი, რომ თქვენ და თქვენმა სამინსიტრომ და პენიტენციურმა სამსახურმა გაასაჯაროვა მიხეილ სააკაშვილზე ძალადობის ვიდეო მასალა, რაც გამოიყენა რუსულმა ტელეკომპანია РОССИЯ-1, რაზეც არ გვახსოვს არც ერთი თქვენი და მთავრობის სსხვა წევრის არც ერთი განცხადება, არც კი დაგმეთ აღნიშნული ფაქტი. რუსული ნარატივია, ევროპარლამენტარების არ შეშვება პრეზიდენტ სააკაშვილის მოსანახულებლად! ქვემოთ ხელმომწერი არასამთავრობო ორგანიზაციები, საქართველოს მოქალაქეები მოგიწოდებთ, დაუყოვნებლივ მოხდეს რეფორმატორი საქართველოს მე-3 პრეზიდენტის მიხეილ სააკაშვილის გადაყვანა კერძო კლინიკაში (როგორც იყო თავიდან ნათქვამი - ვივა მედში), დაუყოვნებლივ მოხდეს შესაბამისი სამედიცინო დახმარების აღმოჩენა! თავისუფლება მიხეილ სააკაშვილს! ჩვენ ბოლომდე დავიცავთ ჩვენი ქვეყნის მე-3 პრეზიდენტს, მის სიცოცხლეს, თავისუფლებას, მის ოჯახს, მათ უფლებებს! ჩვენ დავიცავთ ჩვენი ქვეყნის თავისუფლებას! ჩვენ დავიცავთ საქართველოს ევროპულ მომავალს!   ხელმომწერი ორგანიზაციები: „ახალგაზრდა თაობა“ /დ.დონერიანი/„მონიტორინგის ცენტრი - საზოგადოება“ /ე.კერესელიძე/„ახალი ძალა საქართველოსთვის“ /ლ.შველიძე/„ახალგაზრდა ინტელექტუალთა გაერთიანება - ლაზარე“ /ჯ.კვარაცხელია/„ამერიკის მხარდამჭერთა ლიგა“ /ი.კიკიანი/"თავისუფალი ხმა" /ნ.კურტანიძე/საინიციატივო ჯგუფი - "ხალხის ხმა" /მ.მინდიაშვილი/
gallery images

არა პოლიტიკურ და-ЗАМОК-ებას!

არა პოლიტიკურ და-ЗАМОК-ებას! მაშინ, როდესაც საქართველოს მე-3 პრეზიდენტი მიხეილ სააკაშვილი არის ქართული ოცნებისა და ვლადიმერ პუტინის პირადი პატიმარი! მაშინ, როდესაც ხელისუფლებამ 30 ოქტომბრის ადგილობრივი თვითმმართველობის არჩევნების მეორე ტური გააყალბა! მაშინ, როდესაც ხელისუფლებას არ აწყობს მასობრივი აქციები, პროტესტი! მაშინ, როდესაც ქართულ ოცნებას სურს ძალაუფლების შენარჩუნება! ქართული ოცნება გეგმავს 4-10 ნოემბრის შუალედში გამოაცხადოს LOCKDOWN, გააჩეროს საზოგადოებრივი ტრანსპორტი, აღადგინოს კომენდანტის საათი, სკოლები და უნივერსიტეტები გადააიყვანოს on-line სწავლების რეჟიმზე. აღნიშნული შეზღუდვების დაწესებას ხელისუფლება გეგმავს 2022 წლის მარტ-აპრილამდე ეტაპობრივი გადავადებებით, COVID-19 პანდემიის ქოლგას ამოფარებული ე.წ. წერტილოვანი შეზღუდვების სახელით, მითუმეტეს, რომ საქართველოს კანონში საზოგადოებრივი ჯანმრთელობის შესახებ 453 მუხლში წინასწარ აქვთ გაწერილი, რომ ნებისმიერი შეზღუდვის დაწესება შეუძლიათ 2022 წლის 1 იანვრამდე მთავრობის დადგენილების საფუძველზე. ჩვენ გვახსოვს ხელისუფლების განცხადებები: ეკატერინე ტიკარაძეს - შეზღუდვების დაწესების ინიციატივა არ გააჩნია - https://1tv.ge/news/ekaterine-tikaradze-am-etapze-shezghudvebtan-dakavshirebit-iniciativebi-ar-gvaqvs/; პრემიერ ღარიბაშვილის განცხადება - შეზღუდვების დაწესება არ იგეგმება - https://1tv.ge/news/irakli-gharibashvili-shezghudvebs-ar-vgegmavt-saubari-iqneba-ara-raimes-chaketvaze-aramed-martiv-regulaciebze-rogorebicaa-pirbadis-tareba-khalkhmravali-shekrebebis-shezghudva/; აქვე გვახსოვს პრემიერ ღარიბაშვილის მუქარა - ქვეყნის ჩაკეტვა შეუძლია 1 საათში - https://tabula.ge/ge/news/672504-gharibashvili-shezghudvebze-1-saatshi-shemidzlia ზუსტად პრემიერის ამ მუქარის შემცველი, ანტიდემოკრატიული და ადამიანის უფლებების წინააღმდეგ მიმართული განცხადებიდან, არჩევნების გაყალბების შემდეგ, ძალაუფლების შენარჩუნების მიზნით და აქციების შიშით, ასევე გავრცელებული სხვადასხვა ინფორმაციით, ვრწმუნდებით, რომ ხელისუფლება გეგმავს ქვეყნის ჩაკეტვას, ეკონომიკის გაჩერებას, LOCKDOWN-ს, ტრანსპორტის შეზღუდვას და კომენდანტის საათის დაწესებას. ჩვენ, ქვემოთ ხელმომწერი არასამთავრობო ორგანიზაციები ვთვლით, რომ მმართველმა ძალამ გააყალბა არჩევნები და ძალაუფლების შენარჩუნების მიზნით, აქციების შიშით, გეგმავს ამ შეზღუდვების დაწესებას მხოლოდ და მხოლოდ პოლიტიკური მიზნებით და ეს იქნება რუსული მეთოდით მოსახლეობის პოლიტიკური და-ЗАМОК-ება! ჩვენ გვსურს დემოკრატიულ სახელმწიფოში ცხოვრება! უთხარი არა პოლიტიკურ შეზღუდვებს! არა პოლიტიკურ და-ЗАМОК-ებას!     ხელმომწერი ორგანიზაციები: „ახალგაზრდა თაობა“ /დ.დონერიანი/„მონიტორინგის ცენტრი - საზოგადოება“ /ე.კერესელიძე/„ახალი ძალა საქართველოსთვის“ /ლ.შველიძე/„ახალგაზრდა ინტელექტუალთა გაერთიანება - ლაზარე“ /ჯ.კვარაცხელია/„ამერიკის მხარდამჭერთა ლიგა“ /ი.კიკიანი/"თავისუფალი ხმა" /ნ.კურტანიძე/საინიციატივო ჯგუფი - "ხალხის ხმა" /მ.მინდიაშვილი/
gallery images

ბატონო მიხეილ, გთხოვთ, შეწყვიტოთ შიმშილობა!

ბატონო მიხეილჩვენ, საქართველოს მოქალაქეები, რომელთათვისაც ძვირფასია ჩვენი ქვეყნის მესამე პრეზიდენტის სიცოცხლე, მოგმართავთ თხოვნით, შეეწყვიტოთ შიმშილობა - ისევ საქართველოს საკეთილდღეოდ.გთხოვთ ყურად იღოთ ჩვენი, საქართველოს მოქალაქეების თხოვნა და არ გაწიროთ თქვენი სიცოცხლე. თქვენი სიცოცხლის შეწყვეტა ხომ სწორედ თქვენს და საქართველოს მტრებს გაახარებდა. თქვენ ცოცხალი, ჯანმრთელი და დღეგრძელი სჭირდებით საქართველოს. 
gallery images

მიმართვა საქართველოს მეოთხე და მეხუთე პრეზიდენტებს

ადგილობრივი არჩევნების მეორე ტურზე ქართველი ამომრჩეველი უკიდურესი პოლარიზაციის პირობებში მიდის. საზოგადოება გახლეჩილია და რთულია შერიგებისათვის საჭირო საერთო წერტილების მოძიება. ვითარებას აუარესებს  პატიმრობაში მყოფი საქართველოს მესამე პრეზიდენტის, მიხეილ სააკაშვილის შიმშილობა, რაც თითქმის ერთი თვეა გრძელდება. მისი  ჯანმრთელობის მდგომარეობა დღითიდღე უარესდება და ცხადია, რომ ფატალური შედეგის დადგომის შემთხვევაში, ქვეყანა შესაძლოა დესტაბილიზაციისა და სამოქალაქო დაპირისპირების წინაშე დადგეს. შექმნილი  ვითარებიდან გამოსავალი ჩვენ, საზოგადოებამ ერთად უნდა ვეძიოთ.  შექმნილ ვითარებაში, სასიცოცხლოდ მნიშვნელოვანია საზოგადოების კონსოლიდაციისკენ, ურთიერთ-მტრობის და პოლარიზაციის შემცირებისკენ ქმედითი ნაბიჯების გადადგმა. მნიშვნელოვანია ამ პროცესში ყველა იმ ადამიანის ჩართვაც, რომელთაც ინსტიტუციურად ნეიტრალური და ობიექტური როლის შესრულება შეუძლია. ამ მიზნების მიღწევისთვის, უდიდესი როლის შესრულება შეუძლია ქვეყნის პრეზიდენტს. პრეზიდენტის ინსტიტუტი არ ექვემდებარე პარტიულ ინტერესებს და მისი პირდაპირი კონსტიტუციური მოვალეობაა ქვეყნის ერთიანობასა და ეროვნულ დამოუკიდებლობაზე ზრუნვა. ვფიქრობთ, რომ ქვეყნის მოქმედმა პრეზიდენტმა, მის წინამორბედთან (მეოთხე პრეზიდენტთან) ერთად, უნდა დაიწყოს აქტიური დიალოგი და ქმედითი ნაბიჯების გადადგმა საზოგადოების კონსოლიდაციის გზებზე, რა დროსაც დისკუსიის ერთ-ერთი ცენტრალური საკითხი მესამე პრეზიდენტის პენიტენციურ დაწესებულებაში ყოფნა და შიმშილობა უნდა იყოს. მათ ასევე აქვთ შესაძლებლობა ამ პროცესში საზოგადოება ჩართონ და ქვეყნისთვის მნიშვნელოვანი ინიციატივებით გამოვიდნენ.  ვთხოვთ, საქართველოს მოქმედ პრეზიდენტს, ქალბატონ სალომე ზურაბიშვილს და მეოთხე პრეზიდენტს, ბატონ გიორგი მარგველაშვილს, შეხვდნენ ერთმანეთს, რათა განიხილონ ქვეყანაში არსებული ვითარება და იმსჯელონ გამოსავლის გზებზე.  ბატონო გიორგი და ქალბატონო სალომე! გვჯერა, რომ საქართველოს მომავალი სტაბილური განვითარება მხოლოდ  გაბედულ, პატრიოტულ  და საზოგადოების გაერთიანებისკენ მიმართულ ნაბიჯებზე გადის და სწორედ თქვენ შეგიძლიათ ამ კრიზისულ მდგომარეობაში გამოსავლის ძიებისკენ მიმართული მნიშვნელოვანი ნაბიჯების გადადგმა. 
gallery images

FREE PRESIDENT MIKHEIL SAAKASHVILI

Honorable Members of US Congress,     The Georgian Immigrants living in the United States express their utmost concern over the rapidly deteriorating political situation in Georgia. The ruling party, Georgian Dream, led by an oligarch Bidzina Ivanishvili, is quickly and irreversibly destroying democratic institutions and pulling the country into the Russian orbit.      The foregoing crisis has been exacerebated by the imprisonment of President Mikheil Saakashvili on politically motivated charges.  We call on the United States Congress to act in defence of young Georgian Democracy, the fundamental rights of Georgian people to free and fair elections, the rule of low and democratic values. Silence is not an option. Democracy in Georgia is in peril. Euro-Atlantic ideals are worth defending in any part of the world.  We urge the Congress to act decisively with all the tools at its disposal, including personal sanctions on the oligarch Ivanishvili, effectivelly governing the country and the members of Georgian government who seem to only serve the oligarch.  We, the Georgian American community, call on all friends of Georgia in the United States Congress to use their moral authority and political leadership to help us save democracy in Georgia.  Pease see attached file full version of petition.     
gallery images

მოხდეს ინფრასტრუქტურის მოწესრიგება მუხიანი - 2 დასახლებაში.

10 წელზე მეტია, რაც მუხიანი -2 დასახლებასა და კერძოდ, მუხიანის აგარაკებზე, მათ შორის გამარჯვების და სამეგრელოს ქუჩებზე და მათთან მიმდიბარე ჩიხებში, რამოდენიმე კილომეტრიანი საგზაო მონაკვეთი კატასტროფულ მდგომარეობაშია. აღნიშნულ პრობლემას, თან ერთვის GWP მიერ პასუხისმგებლობის მოხსნა, აღნიშნული დასახლებისთვის საკანალიზაციო სისტემის მოწესრიგების შესახებ, რაც კიდევ უფრო ამძიმებს მოცემულობას.   მუდმივად მზარდ დასახლებაში, ასეულობით ოჯახი ცხოვრობს, რომელთაც ყოველდღიურად უწევთ გადაადგილება ტალახიან, დანგრეულ და სახიფათო გზაზე; მათ შორის მცირეწლოვანებსა და მოხუცებს, რომელთაც ჩანთით უწევთ ყოველდღიურად ორი წყვილი ფეხსაცმლის ტარება სკოლაში და მაღაზიაში მისასვლელად.   ვითხოვთ, მიეცეს დასახლებაში მაცხოვრებელ ასეულობით ოჯახს საშუალება, ადამიანურ პირობებში იცხოვრონ და გადაადგილნენ საკუთარ ოჯახებში. სირცხვილია, რომ 2021 წელს თბილისის ერთერთ ყველაზე დიდ უბანში ასეთი ვითარებაა შექმნილი. საკანალიზაციო სისტემა მოუწესრიგებელია, წყლის მიწოდება გრაფიკით ხორციელდება, საფეხმავლო ბილიკები ფიზიკურად არ არსებობს. მუდმივად ატალახებული გზა არამყარი ნიადაგით, საფრთხეს უქმნის მაღლობზე აშენებულ კერძო სახლებს და ნაგობებსაც.   ვითხოვთ სასწრაფო რეაგირებას!  
gallery images

არა! სააკაშვილის უკანონო გათავისუფლებას

ბოლო დღეებში გავრცელდა ინფორმაცია, რომ მიხეილ სააკაშვილის გათავისუფლების მოთხოვნაზე ხელმომწერებს შეუერთდა რამდენიმე ეპისკოპოსი, რომლებიც არიან საქართველოს საპატრიარქოს სინოდის წევრები. ეს მეუფეები თავის პოზიციას გაჭირვებაში ჩავარდნილ მოყვასზე ზრუნვის საბაბით და იმით ხსნიან, რომ ზოგადად ძალიან აწუხებთ ერის გახლეჩისა და მძიმე მდგომარეობაში მყოფი პატიმრის პრობლემები, რის გამოც ამტკიცებენ, რომ მხოლოდ კეთილშობილური მიზნები ამოძრავებთ. თუმცა, არ გვგონია, ისინი იმდენად გულუბრყვილო ადამიანები იყვნენ, რომ ვერ ხვდებოდნენ, რას ნიშნავს ასეთ მოთხოვნაზე ხელმოწერა. თუ მაინც გულუბრყვილო პოზაში განაგრძობენ დარჩენას, ასეთ შემთხვევაში გვინდა მათ (და სხვებსაც) ავუხსნათ - მიხეილ სააკაშვილის განთავისუფლების მოთხოვნა ნიშნავს, რომ ისინი მოითხოვენ, რეანიმირებული და რეაბილიტირებულ იქნას: ქუჩებში ადამიანების მკვლელობები და ციხეებში პატიმართა მიმართ წამებები და არაადამიანური, ღირსების შემლახველი მოპყრობები; სახელმწიფოს ინტერესების სახელით მოქალაქეებისთვის ქონებების ჩამორთმევები; საპროტესტო აქციების გადაჭარბებული ძალის გამოყენებით და სამაგალითო სისასტიკით დარბევები, რომელსაც ზოგ შემთხვევაში თან ახლავს მშვიდობიანი მომიტინგეების მკვლელობები; ანტირუსული ისტერიის საფარქვეშ ტერიტორიებისა და ქონებების რუსეთზე გადაცემისათვის ხელსაყრელი პირობების შესაქმნელი მოქმედებები; მედიის დარბევები და მისი მონოპოლიზაციისკენ მიმართული ღონისძიებები; კიდევ მრავალ საფრთხეზე შეიძლება საუბარი, მაგრამ თუ ჩვენი „გულუბრყვილო“ ეპისკოპოსები ფიქრობენ, რომ ამ ყველაფერთან სააკაშვილს არავითარი შეხება არ ჰქონია და ის უდანაშაულოდ ზის ციხეში, მაშინ პირდაპირ უნდა განაცხადონ, რომ ან სააკაშვილის მმართველობის ამ ბოროტებებს ადგილი არ ჰქონია და 2003-12 წლებში მიშა ახალი საქართველოს დამაარსებელი და აღმაშენებელია, ან უნდა აღიარონ, რომ კი, ბევრი ბოროტება ხდებოდა მისი მმართველობის დროს, მაგრამ მან ამის შესახებ არაფერი იცოდა (ფანატიკოსთა ცნობილი თეზის მსგავსად, რომ “სტალინის დროინდელი მასობრივი მსხვერპლების შესახებ სტალინმა არაფერი იცოდა“). შეუძლებელია გონიერ ადამიანს მართლა ეგონოს, რომ სააკაშვილის თავისუფლებაში ყოფნა ერის გამთლიანებას შეუწყობს ხელს და არა პირიქით. ისიც უცნაურია, როგორ დაუთუთქა გული ასე ერთსულოვნად რამდენიმე ეპისკოპოსს ერთი პატიმრის შიმშილობამ და რატომ მრავალ სხვა ისეთ პატიმარზე არ გამოუჩენიათ ასეთი ქრისტიანული გულმოწყალება, რომლებიც დღეები კი არა, ლამის თვეები აგრძელებდნენ შიმშილობას, თანაც უფრო მკაცრ პირობებში? თუ სააკაშვილი განსხვავებულია რომელიმე მათგანისგან? თუ ყოფილი პრეზიდენტობა რაიმე უპირატესობას ანიჭებს დანაშაულის ჩამდენ რომელიმე მოქალაქეს? თუ ბრაზილია, ისრაელი, ფილიპინები, სამხრეთ კორეა, გერმანია ან თუნდაც საფრანგეთი ნაკლებად დემოკრატიული ქვეყნები არიან, როდესაც თავის დამნაშავე ყოფილ ლიდერებს ასამართლებენ და ციხეებშიც სვამენ? კითხონ ამ „გულუბრყვილო“ ეპისკოპოსებმა სააკაშვილის რეჟიმის დროს ჩახოცილი და დაინვალიდებული შვილების მშობლებს, სააკაშვილის გათავისუფლებით რა მესიჯს გაუგზავნის მათ სახელმწიფო. სინამდვილეში ეს სწორედ განხეთქილების გაღრმავებას გამოიწვევს და შეიძლება ქვეყანა სამოქალაქო ომამდეც კი მიიყვანოს, ამაზეც ხომ უნდა ფიქრობდნენ სულიერი მამები. ან, ჩვენო ძვირფასო მეუფეებო, თქვენ რომ სანდრო გირგვლიანის, ირინა ენუქიძის, მამა-შვილი ვაზაგაშვილების, ბუტა რობაქიძის, სულხან მოლაშვილის, გიორგი გამცემლიძის, სერგო თეთრაძის, როინ შავაძის, გია კრიალაშვილის და სადისტურად მოკლული სხვა მრავალის ოჯახის წევრები იყოთ, მაშინაც მოაწერდით ხელს სააკაშვილის გათავისუფლების მოთხოვნას? იქნებ მართლა გულუბრყვილოდ გგონიათ, რომ არც კაცების გაუპატიურების კასრებში გადამალული მრავალი კადრის შესახებ იცოდა არაფერი ქვეყნის პრეზიდენტმა? ჰოდა წარმოიდგინეთ, როგორ შეხედავდით მსხვერპლის ოჯახის მდგომარეობაში მყოფები თქვენი ოჯახების გამამწარებელი სისტემის შემქმნელს, აი სწორედ ასე გიყურებთ დღეს თქვენ ძალიან ბევრი ადამიანი. ამ ყველაფრიდან გამომდინარე, როდესაც ზოგიერთი ოპოზიციური პარტიაც კი არ უერთდება დამნაშავე ყოფილი პრეზიდენტის გათავისუფლების მოთხოვნას და ეპისკოპოსები იწყებენ „პოლიტიკანობას“, ისღა დაგვრჩენია, ან დავიჯეროთ მათი გულუბრყვილობა, ან მათი ქმედების უკან მხოლოდ ანგარება დავინახოთ, რომლის მოტივი გარკვეული დივიდენდების თუ სხვა მატერიალური სიკეთეების მიღებაა. მოკლედ, პეტიციაზე ხელმომწერმა ეპისკოპოსებმა ამ ხელმოწერით თავისთავზე უფრო მეტი თქვეს, ვიდრე სააკაშვილზე.
gallery images

თავისუფლება მიშას!

არ აქვს მნიშვნელობა მოგწონთ თუ არა მიხეილ სააკაშვილი. აქ მთავარია კითხვა, რომელზე პასუხი ყველას გვაქვს და ეს კითხვა ასეთია: გვაქვს თუ არა საქართველოში დამოუკიდებელი მართლმსაჯულება, არის თუ არა რიგითი მოსამართლე თავისუფალი პოლიტიკური გავლენებისგან და შეგვიძლია თუ არა ვანდოთ ივანიშვილის სახელისუფლებო გუნდს საქართველოს მესამე პრეზიდენტის გასამართლება. #თავისუფლებამიშას
gallery images

Მიხეილ სააკაშვილის კამერაში დაყენდეს ვიდეოკამერა, რომ ქართველმა ხალხმა 24 საათის განმავლობაში ონლაინ რეჟიმში ვუყუროთ მის დასჯას

Დაყენდეს მიხეილ სააკაშვილის საკანში ვიდეო კამერა, რომლის საშუალებითაც ონლაინ რეჟიმში ვუყურებთ მის ტანჯვას.
gallery images

არა სტუდენტების იძულებით ვაქცინაციას!

არა სტუდენტების იძულებით ვაქცინაციას!  3 სექტემბერს უნივერსიტეტებმა სტუდენტებს დაუგზავნეს ელექტრონული წერილის სახით იმპერატიული მოთხოვნა,რომლის მიხედვითაც 4 ოქტომბრამდე დისტანციურად ხორციელდება სწავლის პროცესი,არადისტანციურად კი დაიშვებიან მხოლოდ სრულად ვაქცინირებული სტუდენტები ან სტუდენტები უარყოფითი PCR ტესტით (განახლება ყოველ 72 საათში).  ასევე მოითხოვეს 4 ოქტომბრამდე სტუდენტებმა პერსონალურ გვერდზე ატვირთონ ვაქცინირების დამადასტურებელი დოკუმენტი covid-19-ის ბარათი QR კოდით. მოთხოვნიდან გამომდინარე,უნივერსიტეტები სტუდენტებს ართმევენ არჩევანის თავისუფლებას და ადგილი აქვს პირდაპირ იძულებას ვაქცინაციასთან დაკავშირებით,რაც წინააღმდეგობაში მოდის ადამიანის ფუნდამენტურ უფლებებთან. მოვითხოვ საჯარო და კერძო სექტორის წარმომადგენლებს, მათ შორის,უნივერსიტეტებს აეკრძალოთ მოქალაქეებზე,რომელთაც არ სურთ ვაქცინაცია,მათზე განახორციელონ პოლიტიკური,სოციალური ან რაიმე სხვა სახის ირიბი თუ პირდაპირი ზეწოლა და ამ სახით ვაქცინირების იძულება. ის რომ საქმე გვაქვს პირდაპირ იძულებასთან,მკაფიოა,რადგან თითქმის არცერთ სტუდენტს არ გააჩნია იმის საშუალება,რომ ყოველ 72 საათში გაიკეთოს პისიარ ტესტი,რის გამოც ისინი იძულებულნი იქნებიან გაიკეთონ მათთვის არასასურველი ვაქცინა.
gallery images

პეტიცია - "ვითხოვთ საზოგადოებრივი ტრანსპორტის აღდგენას!"

საზოგადოებრივი ტრანსპორტის მუშაობა დაუყოვნებლივ უნდა აღდგეს !  როდესაც ქვეყანაში იზრდება ავადობის მაჩვენებელი სახელმწიფომ უნდა უზრუნველყოს მოქალაქეთა მიმართვიანობა საავადმყოფოებში, განსაკუთრებით ეპიდემიების დროს. ანუ საზოგადოებრივი ტრანსპორტი კი არ უნდა აკრძალოს, არამედ პირიქით უნდა გაზარდოს მათი რაოდენობა. საზ-ტრანსპორტის აკრძალვით საავადმყოფოების გზა პრაქტიკულად გადაუკეტეს სოციალურად დაუცველებს და სიღარიბის ზღვარს მყოფ ოჯახებს. მათ არ ჰყავთ კერძო ავტომობილები და არც ტაქსის ფული აქვთ.  ჯანდაცვის მომსახურება ეფექტიანია თუ დაავადების გამოვლენა ხდება ადრეულ სტადიაზე და ეს შესაძლებელია სამედიცინო დაწესებულებებში დროული მიმართვიანობით (ტრანსპორტირებით). დედაქალაქში საავადმყოფოების უმრავლესობა გაფანტულია, ამიტომ დედაქალაქის მერიამ მინიმუმ ის მარშრუტები უნდა აღადგინოს რომელიც თბილისის სხვადასხვა რაიონს დააკავშირებს კლინიკებთან. ბოლო პერიოდში აცრის მსურველები ვერ ახერხებენ რეგისტრირებულ კლინიკებთან გადაადგილებას, რაც იმას ნიშნავს რომ ფერხდება ვაქცინაციის პროცესი. იმის მიუხედავად რომ სახელმწიფომ დანიშნა კოვიდ კლინიკებამდე ტრანსპორტი, მოქალაქეებისთვის მაინც გაურკვეველია მათი მaრშუტი და გარეუბნებში ეს ტრანსპორტი საერთოდ არ მოძრაობს (მაგ. ლილოს დასახლებიდან ადამიანი ვარკეთილის მეტრომდე უნდა მივიდეს რომ იქიდან სახელმწიფოს დანიშნულ მარშუტით ისარგებლოს კოვიდ კლინიკამდე)    სავაჭრო თუ საწარმო ობიექტები ასევე ვერ იმუშავებს საზოგადოებრივი ტრანსპორტის გარეშე. როგორ მივა პერსონალი სამუშაოდ? როგორ მივა მომხმარებელი სავაჭრო ობიექტზე? კერძო ავტომობილებით? ტაქსით? არა, ეს არ არის რეალური! 300-1000 ლარის ხელფასის მქონე პერსონალი ტაქსით სამსახურში ვერ გამოცხადდება, მათი გადაადგილების საშუალება არის საზ-ტრანსპორტი.  ანუ, ერთი მხრივ ჩვენ მივიღეთ უფლება, რომ გაიხსნას სავაჭრო ობიექტები, ხოლო მეორე მხრივ არავინ იცის პერსონალი და მომხმარებელი როგორ აღმოჩნდებიან ადგილზე. საზ-ტრანსპორტის აკრძალვით უკვე მივიღეთ გაუარესებული სოციალური მდგომარეობა, ათიათასობით უმუშევარი ადამიანი, შემოსავლის გარეშე დარჩენილი ოჯახები.  
gallery images

მოითხოვე ახალი ხიდი

სოფელ შრომასა და ქალაქ ლაგოდეხს შორის, დამაკავშირებელი ხიდი ძალიან ცუდ მდგომარეობაშია. ხიდს ესაჭიროება სრული რეაბილიტაცია. როდესაც „ქართულ ოცნებას“ არ ესმის ხალხის ხმა და საზოგადოების სამართლიანი მოთხოვნები, ჩვენი, თითოეული მოქალაქის ვალია, ეს ხმა გავაგონოთ. კამპანია მიზნად ისახავს, ლაგოდეხის მერაის აჩვენოს ხალხის და დაანახოს იმ ადამიანების მოთხოვნა, ვისაც უკეთეს ლაგოდეხში უნდათ ცხოვრება. ხიდს, დიდი ისტორია აქვს. სახელიც საკმაოდ მიმზიდველია „სიყვარულის ხიდი“ ამ პროექტის განხორციელებით ლაგოდეხს ექნება ახალი ტურისტულად აქტიური კიდევ ერთი ლოკაცია, რაც შემდგომში გაანვითარებს მიმდებარე ტერიტორიას და რაც ყველაზე მთავარია მოქალაქები უსაფრთხოდ ისარგებლებენ ხიდით.