add one
gallery images

დაამზადოს საქართველოს ბანკმა საბანკო ბარათები ოკუპაციის თემაზე

მოგესალმებით მეგობრებო,ჩვენი სურვილია საქართველოს ბანკმა დაამზადოს საბანკო ბარათები საოუკუპაციო თემაზე,თუნდაც ლიმიტირებული რაოდეობით,რათა თითოეულ მოქალაქეს შეეძლოს მისვლა და ბარათების ჩანაცვლება ჩვენი ახალი დიზაინით,რომელიც ფოტოზეა მითითებული 
gallery images

მოვითხოვთ გონივრულ ვადებს ჰიბრიდული ავტომობილების აქციზის გაძვირებაზე

საქართველოს საგადასახადო კოდექსში,  188-ე მუხლში შეტანილ იქნა ცვლილება , მსუბუქი ავტომობილების აქციზის განაკვეთის  შესახებ.  მარჯვენა საჭიანი ჰიბრდული ავტომობილები ვეღარ ისარგებლებენ არსებული (-60%იანი) შეღავათით.კანონპროექტი მესამე მოსმენით მიღებულ იქნა ამა წლის 29 მაისს და ამოქმედდა   1 ივნისს . მიღებული კანონის დადგენილი ვადები არის უსამართლო!!!ავტოდილერები და რიგითი მოქალაქეები  მოვითხოვთ, კანონის მიღებამდე ნაყიდი ყველა მსუბუქი ავტომობილის აქციზის განაკვეთი განისაზღვროს ძველი ტარიფით..
gallery images

თამბაქოს დაუბრუნდეს ძველი ფასი!!!

1-ლი იანვრიდან თამბაქოს ფასი საგრძნობლად გაიზარდა, რაც ჩვენი ქვეყნისთვის ნამდვილად დიდი ფასია. მოგეხსენებათ თამბაქოსთვის თავის დანებება ძალია ურთულესი საკითხია და ამ საკითხის გადაჭრა ყველა ნორმალურ ადამიანს უჭირს. რეგულაციებმა, რომლებმაც სიგარეტის ფასზე იმოქმედა, ხალხს ფაქტიურად თამბაქოს მოწევის საშუალება წაართვა.1. აქვს ძალიან მაღალი ფასი რაც ყველასათვის ხელმისაწვდომს ვერ ხდის, გვიწევს დიდი ფასის გადახდა.2. როდესაც თამბაქოს მიღება გვინდა ჩვენი ორგანიზმი განიცდის სურვილის დათრგუნვას, რაც საბოლოოდ ნერვულ სისტემაზე მოქმედებს. * ჩვენი მოთხოვნაა თამბაქოს დაუბრუნდეს ძველი ფასი (სანამ რეგულაციები შემოვიდოდა და ფასები გაიზრდებოდა) და ჩვენი უფლებები ჩვენ თვითონვე ვმართოთ.გვინდა, რომ ჩვენი ჯანმრთელობა ჩვენვე განვკარგოთ და საკუთარ თავს  რეგულაციების დაწესების ან მოხსნის შესაძლებლობა ჩვენვე დავუწესოთ. ვფიქრობთ, რომ ხალხის მოთხოვნას ჩვენი მთავრობა მოუსმენს და ჩვენ ინტერესებს დაიცავს.  
gallery images

ანაკლიის პორტის მხარდასაჭერად

მოგესალმებითმოცემული პეტიცია მიზნად ისახავს ანაკლიის პორტის მხარდაჭერას - საპენსიო თანხების სრულ ინვესტირებას პორტშივინაიდან მოცემული პროექტი არის სტრატეგიულად უმნიშვნელოვანესი გვსურს გამოვხატოთ მხარდაჭერა იმისათვის რომ მშენებლობა შეუფერხებლად განხორციელდეს იმის მიუხედავად თუ ვინ იქნება პროექტის სათავეში.მოცემული პროექტი არ უნდა იყოს პოლიტიკური სპეკულაციების მიზანი ვინაიდან ეს ყველაფერი ჭირდება ჩვენს შვილებს და ქვეყანას და არა კონკრეტულ ბიზნესსამისათვის გთავაზობთ რომ შევაგროვოთ ხელმოწერები და ჩვენს მიერ გამომუშავებული საპენსიო თანხების ინვესტიცია მოხდეს სწორედ ამ პროექტში, რომლის მომგებიანობაზე და მნიშვნელობაზეც ყველა ერთხმად თანხმდება.1 მილიარდ ლარზე მეტი შეუძლია საზოგადოებას მიმართოს ყოველწლიურად მოცემულ პროექტში რაც მის შეუფერხებლად განხორციელებას შეუწობს ხელსარანაირი მნიშვნელობა არ აქვს ვინ იქნება ამ პროექტის სათავეში. მთავარია ამ პროექტის განხორციელება და ჩვენს მიერ გამომუშავებული საპენსიო თანხების სწორ მომგებიან ინვესტირებაში. თუ ფიქრობთ რომ მისაღებია საპენსიო თანხების ინვესტირება ანაკლიის პორტში, მოაწერეთ ხელი.მადლობა.
gallery images

უარი ეთქვას კანონპროექტს, რომელიც ითვალისწინებს ურეკში, გრიგოლეთსა და ფოთში აზარტული თამაშების განვითარების წახალისებას.

ხელისუფლება ურეკში, გრიგოლეთსა და ფოთში აზარტული თამაშების განვითარებას ხელს შეუწყობს. კანონპროექტი, რომელიც პარლამენტში ეკონომიკის სამინისტრომ წარადგინა,  აღნიშნულ ტერიტორიებზე სამორინეს მოწყობის სანებართვო მოსაკრებლის განსხვავებული განაკვეთით დაბეგვრას ითვალისწინებს. “კანონპროექტი ითვალისწინებს ერთის მხრივ, ლანჩხუთის მუნიციპალიტეტის, დაბა გრიგოლეთის ტერიტორიაზე, ოზურგეთის მუნიციპალიტეტის დაბა ურეკის ტერიტორიასა და ფოთში სამორინეს მოწყობის სანებართვო მოსაკრებლის განსხვავებული განაკვეთით დაბეგვრას, ხოლო მეორე მხრივ, დაბა გრიგოლეთში, დაბა ურეკსა და ფოთში სანებართვო მოსაკრებლის გადახდისაგან გათავისუფლებას ახლადაშენებული არანაკლებ ოთხმოცნომრიანი სასტუმროს ტერიტორიაზე სამორინეს მოწყობის შემთხვევაში, ახლადაშენებული სასტუმროების ტერიტორიაზე სამორინეს მოწყობის ნებართვის კანონპროექტის მიღება არ გამოიწვევს აუცილებელი ხარჯების გამოყოფას სახელმწიფო ან ადგილობრივი თვითმმართველი ერთეულის ბიუჯეტიდან"-ნათქვამია კანონპროექტში. 
gallery images

შორეული მომავლის გაურკვეველი პენსია თუ ყოველთვიურად ხელშესახები 40_ზე მეტი ახალი მილიონერი

უბრალო ადამიანის განზრახ დაუკორექტირებელი უშუალო ტექსტი: გასულ 1 თვეში საპენსიო ფონდში აგროვდა 41 000 000 ლარი, რომელიც უბრალოდ გვიდევს და დღითიდღე ღირებულებას კარგავს. რადგანაც, ჯერ თავად ის სანდო ჯგუფი ვერ შეგვიქმნია, რომელიც თავისმხრივ მერე სხვა ჯგუფს უცხოელებისგან დააკომპლექტებს რომელიც ამ ფულს სადმე დააბანდებს. ამასთან, გაცხადებული ვადებით ირკვევა, რომ ამ პროცედურებს დაახლოებით 1 წელი დასჭირდება. ეს 41 მილიონი ბლოკჩეინის სამართლიანობის გავლით შემთხვევითი ალბათობის პრინციპით 41 კაცისთვის რომ მიგვეცა იანვარში უკვე 41 ახალი მილიონერი გვეყოლებოდა. რათქმაუნდა არა ნაღდი ფულის სახით და არა სამოგზაუროდ, აუცილებელი პირობით რომ მხოლოდ ბიზნეს საქმიანობისთვის შეიძლებოდეს გამოყენება,ამდენივე ახალი მილიონერი ამ თვეშიც და ასე შემდეგ,  თუნდაც 5 წლის მერე შემხვდეს მეც, ან მეტის. (37 წლის შემდეგ სათუო რაოდენობის პენსიას გამოგიტყდებით მირჩევნია)  მე თუ არა პირობითად ბიძაჩემს ხომ მოუწევდა ან სხვას საახლობლოდან. წარმოიდგინეთ მასშტაბი, 41 ახალი მილიონერი ყოველ თვე, ეს ხალხი დებილები ხომ არ არიან ქარხნებს გააკეთებენ, ფერმებს შექმნიან ან თუ არ ეხერხებათ 5 რჩეულ ნათესავს (თვითონ უკეთ იციან ვინ ჭკვიანია)  წამოაწყებინებენ სხვადასხვა საქმეს და სამუდამო წილს მიიღებს იმათგან. რომელიმე 5 კაციან თუნდაც უცხოელების ჯგუფს როგორი ნასწავლებიც არ უნდა იყვნენ ისინი, ასიიათასობით იმედ მიცემული ქართველი თავების ნაფიქრმა აჯობოს იქნება.  თან იმ მოწვეულ, ხალხს მილიონებს იქეთ თუარ გადავუხდით არანაირი ემოციური ბრმა არ აქვთ ჩვენს სამსობლოსთან და მხოლოდ პატიოსნების იმედად ვერ ვენდობით, ჭკვიანები თუ არიან კარგად იციან რამხელა შანსი აქვთ..მოკლედ, ეკონომიკა როგორი სისწრაფით აფეთქდება ძნელი მისახვედრი არაა გონებას თუ დავძაბავთ, 30 წლის შემდეგ (გვითხრეს ამდენი მოიცადეთო, თორე ვეჭვობ ბევრად მალე) გვექნება ქვეყანა რომელიც ფრენა ფრენით დააფინანსებს ჩვენივე პენსიონრებს. ამ პერიოდის ბოლოს დშვების დონეზე გვეყოლება 15 000 მილიონერი, შესაძლოა რამდენიმე მილიარდერიც ახლავე თუ დავიწყებთ. მთელი ქვეყანა იქნება დასაქმებული, გამყარდება ლარი, დაიკლებს ფასები, გვექნება ადგილობრივი პროდუქცია და ა.შ. სხვა შემთხვევაში, ვიქნებით იქ სადაც ახლა ვართ. მუდამ დახმარების ლოდინში ყოფნა არავის უნდა, რატომ უნდა ავირჩიო გადმოგდებული 1 ცალი თევზი  სადილად, როცა ანკესს თუ მომაწვდი მე თავად ვითევზავებ  ყოველ დღე. რატომაც არა, მოდით გაიტანონ განხილვაზე და იმსჯელონ ამაზეც, ბევრად სულელური იდეებიც მოგვისმენია ზემოდან.  ასე რომ მოვრჩი, ჩემი სათქმელი სულ ეს იყო.
gallery images

ქ. რუსთავის მერიისადმი მიმართვა რუსთავ-თბილისის სამარშრუტო ავტობუსების დაწესების თაობაზე

რუსთავ-თბილისის მიმართულებით მგზავრთა გადამყვანმა კომპანიამ შპს ,,ინტერ ტრანს"-მა თვითნებურად გააძვირა მომსახურება, უკვე მერამდენედ, ბოლო რამოდენიმე წლის განმავლობაში. საფასური არ შეესაბამება მოსახლეობის ეკონომიკურ მდრომარეობას. სტუდენტებსა და თბილისში მომუშავე ქ. რუსთავის მოქალაქეებს არ აქვთ საშუალება აღნიშნული ღირებულების გადახდის. სატრანსპორტო კომპანია არ ითვალისწინებს მგზავრთა ინტერესებს. ყოველივე ზემოთქმულიდან გამომდინარე, მივმართავთ ქ. რუსთავის მერიას და ვითხოვთ, რომ გამოიყოს ქალაქის ბიუჯეტიდან თანხები, გამოცხადდეს ტენდერი, შეიძინონ ავტობუსები, რომლებიც მოემსახურება მოსახლეობას ადეკვატურ ფასებში და მისცემს მას საშუალებას, რომ გადაადგილდეს დედაქალაქის მიმართულებით უპრობლემოდ და შეუფერხებლად. 
gallery images

ქართული ღვინის მუზეუმი - თბილისის სავიზიტო ბარათი

საქართველო უკვე დიდი ხანია ღვინის სამშობლოს სტატუსით სარგებლობს. აქ მევენახეობა-მეღვინეობის მსოფლიოში უძველესი ნაკვალევია აღმოჩენილი. ღვინის ისტორია ნეოლითის ხანაში დაიწყო და ამის დამადასტურებელი ფაქტები ყველაზე ცხადად ჩვენს ქვეყანაში გამოჩნდა. არაერთმა არქეოლოგიურმა აღმოჩენამ დაადასტურა , რომ ადამიანისა და ვაზის ურთიერთობა ძვ.წ. VI ათასწლეულიდან დაიწყო და რომ საქართელოს ტერიტორიაზე არამხოლოდ პირველი კულტურული ვაზი გვხვდება, არამედ ღვინის პირველი ნიშნებიც.აქედან გამომდინარე აუცილებლად მიგვაჩნია საქართველოში და კერძოდ თბილისში შეიქმნას მაღალი დონის  ქართული ღვინის მუზეუმი რომელიც ქვეყნის და ჩვენი დედაქალაქის სავიზიტო ბარათი გახდება. რატომ თბილისში? თუ გავითვალისწინებთ ბოლო წლებში ტურისტული ნაკადის დინამიურ ზრდას (დაახლოებით 8 მილიონი ტურისტი წლის განმავლობაში) ყველაზე აქტიური ადგილი ძველი თბილისის ტერიტორიაა. სადაც  უკვე რამოდენიმე წელია უფუნქციოდ დგას ეგრეთ წოდებული ,,დოქები’’-ს  ნაგებობა. ამ ადგილას მუზეუმის არსებობა დიდწილად გარანტიაა იმისა, რომ  სტუმრების უმრავლესობა  ადვილად მოხვდება ამ მუზეუმში რაც მისი რენტაბულობის გარანტია იქნება. ამავე დროს გაცოცხლდება დღემდე უფუნქციოდ არსებული ნაგებობა.მიზანშეწონილად მიგვაჩნია, რომ ვინაიდან საქმე ეხება ქვეყნის სახეს და იმიჯს,  მუზეუმის კონცებციის შექმნა და მოწყობა  უნდა ითავოს სახელმწიფომ.
gallery images

დაემატოს დიდ დიღომს საჭირო რაოდენობის მუნიციპალური ტრანსპორტი ! შეწყდეს მოსახლეობის უმწვავესი პრობლემის იგნორირება!

მოგეხსენებათ, დიდი დიღმის მოსახლეობა სავარაუდოდ, 50 ათას ადამიანს უტოლდება. დედაქალაქის გარეუბანი ინტენსიურ კავშირშია ქალაქთან. მოსახლეობისთვის საზოგადოებრივი ტრანსპორტით გადაადგილება აუტანელ კოშმარად იქცა. პრობლემა მუნიციპალური ტრანსპორტის სიმცირეა. ყოველდღიურად, განსაკუთრებით კი დილა - საღამოს მგზავრთა ნაკადი 1000-ჯერ და მეტად აჭარბებს ტრანსპორტის რაოდენობას. 2-3 საათიანი ლოდინის შემდეგ, ტრანსპორტის სალონში შესაღწევად დიდი ძალისხმევაა საჭირო. ჩვენი მოთხოვნები 3 პუნქტს მოიცავს:1. დიდი დიღმიდან გამავალ მუნიციპალური ტრანსპორტის ხაზებს დაემატოს მიკრო და მაკრო ავტობუსების რაოდენობა;2. შემცირდეს მგზავრთა ლოდინის შუალედი;3. დაინიშნოს ორთაჭალის მიმართულებით მუნიციპალური ტრანსპორტი.გთხოვთ, უმოკლეს ვადაში მოაგვაროთ ზემოაღნიშნული მოთხოვნები.P.S. პრობლემა მინიმალური და მოგვარებადია.პატივისცემით, დიდი დიღმის მოსახლეობა,საინიციატივო ჯგუფი "დიდი დიღმის მეგობრები" #გინდა_იყო_კარგი_მერი?_დაამატე_ლურჯი_MAN-ი. 
gallery images

ვეტერანების სოციალური შეღავათების გაზრდის შესახებ

ახლად ინიცირებული სახელმწიფო ბიუჯეტით, ვეტერანების საქმეთა [სამარცხვინო] სახელმწიფო სამსახური ფინანსდება 6.3 მილიონი ლარით, საიდანაც, ამ სტრუქტურაში დასაქმებული პირების მომსახურებისთვის განსაზღვრულია საერთო ჯამში 4 მილიონ ლარზე მეტი, ხოლო დარჩენილი, დაახლოებით 2 მილიონი ლარი ხმარდება ვეტერანთა სოციალურ მომსახურებას.აუცილებელია, გაიზარდოს ვეტერანების სოციალური შეღავათები და შეიკვეცოს ხელოვნურად გაზრდილი ბიუროკრატია! 
gallery images

სოფელ გირევამდე მიმავალი საავტომობილო გზის ბოლო მონაკვეთის გაუმჯობესებისთვის

            გირევი პირიქითა თუშეთის დასავლეთით ბოლო დასახლებული ადგილია, თუშეთის უმეტესი სოფლების მსგავსად, მხოლოდ სეზონური მოსახლეობით (40 კომლამდე). გირევის სიახლოვეს არის ციხე-სოფლები და ნასოფლარები - ჰეღო, დაქიურთა, ჭონთიო, ნაკუდურთა. ამ უკანასკნელის გარდა ყველას ეროვნული მნიშვნელობის ძეგლის სტატუსი აქვს მინიჭებული. აქვე არის განთავსებული შსს სასაზღვრო პოლიციის სექტორი „გირევი“.            გირევამდე გრუნტის საფარიანი საავტომობილო გზა მიდის, თუმცა, უშუალოდ სოფლის მისადგომებთან, ბოლო 300-400 მეტრიან მონაკვეთზე, გზა ორჯერ კვეთს მდინარე პირიქით ალაზანს.            წყალმცირობის დროს (აგვისტოს ბოლო - სექტემბერი) მდინარის სიღრმე  გზასთან გადაკვეთის ადგილებში 50 სანტიმეტრს აჭარბებს, კალაპოტის სიგანე კი რამდენიმე მეტრია. ეს სირთულეებს უქმნის როგორც ადგილობრივ მოსახლეობას, ასევე მესაქონლეებს და ვიზიტორებს - აგვისტომდე მდინარის გადალახვა მხოლოდ დიდი სატვირთო, ან „შნორკელით“ აღჭურვილი მაღალი განმავლობის მანქანით არის შესაძლებელი - უმეტესი დრო მდინარის სიღრმე 1 მეტრს აღემატება.            ამის გამო, გირევის მოსახლეობისთვის მგზავრობა და ტვირთის გადაზიდვა თუშეთის სხვა სოფლებთან შედარებით კიდევ უფრო გაძნელებული და სარისკოა, ტურისტული სეზონიც თვე-თვენახევრით გვიან იწყება და უფრო ხანმოკლეა, ხოლო მდინარის გადალახვა სხვადასხვა საშუალებით მოძრავი ვიზიტორებისთვის წყალმცირობის დროსაც სირთულეებთანაა დაკავშირებული, რის გამოც ხშირია მდინარის ნაპირიდან უკან მიბრუნების შემთხვევებიც.            აქედან მომდინარეობს გირევამდე მიმავალი საავტომობილო გზის ბოლო მონაკვეთის გაუმჯობესების, მდინარის ორჯერ გადაკვეთის თავიდან აცილების დიდი სურვილი, რომლის განხორციელებაც მთავრობის გადაწყვეტილებამდე რიგითი მოქალაქეების მხარდაჭერაზეა დამოკიდებული.
gallery images
gallery images

გაიზარდოს განბაჟების ლიმიტი

300 ლარის ნაცვლად განბაჟება გაიზარდოს მინიმუმ 500 ლარამდე.დოლარის კურსის მატებასთან დაკავშირებით 300 ლარიანი ზღვარი ძალიან ცოტაა, მითუმეტეს ვიხდით ღირებულებისა და წონის 18%-ს.
gallery images

გაიზარდოს განბაჟების ზღვარი 300 ლარიდან 1000 ლარამდე

როგორც მოგეხსენებათ, დღესდღეობით სხვა ქვეყნაში ნაყიდ და ჩამოტანილ ნივთებზე მოქმედებს შემდეგი წესი, თუ მისი ღირებულება აღემატება 300 ლარს, მაშინ თქვენ იხდით ბაჟს (ღირებულების 18%) როდესაც ეს წესი შემოიღეს, ლარი დოლართან მიმართებაში იყო ბევრად მყარი ვიდრე ახლაა, ამასთან ერთად საქონლის შემოდინებაც ბევრად გაზრდილია. არც თუ ისე დიდი ხნის წინ, შემოვიდა ახალი კანონი, მდგომარეობის გაუმჯობესების მაგივრად, მთავრობამ გადაწყვიტა რომ თუ აქამდე ერთი ნივთის ღირებულება არ უნდა ყოფილიყო 300 ლარზე ნაკლები, ახლა ნივთების ღირებულებას კრებენ და ჯამში თუ 300 ლარს აღემატება ერთ ჯერზე გამოწერილი ნივთების ღირებულება, იხდით ბაჟს.  მივმართავ თხოვნით ყველა შესაბამის სტრუქტურას, მხედველობაში მიიღოს ხალხის თხოვნა, გაზარდოს ზღვარი 1000 ლარამდე და დააბრუნოს ძველი წესი, დაანგარიშება ერთეულ ნივთებზე. 
gallery images

შმცირდეს საწვავზე დაწესებული აქციზის გადასახადი (დაუბრუნდეს 2017 წლის პირველ იანვრამდე არსებულ ნიშნულს)

 არსებული პეტიციის და შემდგომში ამ პეტიციაზე ხელმომწერთა მთავარი მოთხოვნა იქნება, გაუქმდეს საქართველოს მთავრობის მიერ 2017 წლის პირველი იანვრიდან საწვავზე გაზრდილი აქციზის გადასახადი. რომელიც შეადგენდა 250 ლარს და იქნა გაორმაგებული და ამჟამად შეადგენს 500 ლარს 1 ტონა ნებისმიერი ოქტანობის მქონე ბენზინის საწვავზე, ხოლო დიზელის შემთხვევაში ფასმა გაორმაგებულ ნიშნულსაც გადააჭარბა და 150 ლარიდან აწეულ იქნა 400 ლარამდე. 1 ლიტრი ბენზინის შემთხვევაში მხოლოდ აქციზი ნაცვლად 25 თეტრისა გახდა 50 თეთრი, ხოლო დიზელის შემთხვევაში ნაცვლად 15 ისა ამჟამად შეადგენს 0.40 ლარს. (საშუალოდ საქართველოში არსებული ავტომობილები 100 კმ. მანძილზე მოიხმარენ 8-10 ლიტრ ბენზინს, რომლისტვისაც მოსახლეობას მხოლოდ აქციზი უჯდება 4-5 ლარი ყოველ 100 კილომეტრზე) ქვეყანაში რომლის მოსახლეობაც 3.5 მილიონამდეა, ქვეყანაში რომელშიც 300000 ამდე ლტოლვილი და იძულებით გადაადგილებული ადამიანია, ასევე 600000 მდე სოციალურად დაუცველია, უმუშევართა რიცხვი ისეთი მაღალია რომ ჯერჯერობით ვერ მოახერხეს დათვლა, და სადაც მომუშავეთა 60 პროცენტის ხელფასის ოდენობაც კი მინიმალურია. ასეთ მდგომარეობაში არსებული ქვეყნისათვის აქციზის ფასის ზრდა, მითუმეტეს გაორმაგება და გასამმაგება უკვე ასახულია და მომავალში კიდევ უფრო ბევრ უარყოფით შედეგს გამოიღებს ჩვენი თითოეული მოქალაქისთვის.სწორედ ამ არსებულმა მიზეზებმა და ქვეყანაში არსებულმა დგომარეობამ გვაიძულა მივმართოთ საქართველოს მთავრობას და ასევე პარლამენტს თხოვნით:გაუქმდეს 2017 წლის პირველ იანვრიდან ძალაში შესული კანონი, საწვავის აქციზის მატებასთან (გაორმაგება-გასამმაგება) დაკავშირებით და აქციზის გადასახადი დაუბრუნდეს  2017 წლის პირველ იანვრამდე არსებულ ნიშნულს. მადლობა.