add one
gallery images

თავისუფლება დავით-გარეჯის მცველ, გიორგი იჩუკაიძეს!!!

     სამშობლოს სიყვარული ქართველისათვის სასჯელს არ იმსახურებს.     2020 წლის 14 იანვარს, გიორგი იჩუკაიძემ, დავით-გარეჯის ტერიტორიული ერთიანობისათვის გადადგა თავგანწირული ნაბიჯი. მან ქართველ და აზერბაიჯანელ მესაზღვეებს მოუწოდა სამართლიანობის აღდგენისაკენ, რაც სამართალდარღვევად აღიქვა სახელმწიფომ და ნაცვლად იმისა, რომ დემარკაცია-დემილიტაციის კომისიას საბაბად მიეჩნია აღნიშნული მოვლენა და სახელმწიფოებრივ ინტერესებში გაეთვალისწინებინა გიორგის თავგანწირვა მას შეეფარდა ,,ხონის“ ფსიქიატრიულ კლინიკაში 3 წლით იძულებით თავისუფლების აღკვეთა. რაც ითვალისწინებს მკაცრი პროტოკოლით, ვიდეო კამერების წინაშე ,,სამკურნალოდ“ ფსიქოტროპული პრეპარატების მიღებას, რაც პრაქტიკულად გამოუსწორებელ ზიანსც მიაყენებს მის ჯანმრთელობას.     გიორგი იჩუკაიძე ყველა ქართველის სათქმელი თქვა, რითაც სამსხვერპლოზე მიიტანა საკუთარი სიცოცხლე.     ვთხოვოთ პრეზიდენტსა და შეწყალების კომისიას ელექტრონული ხელმოწერებით გიორგი იჩუკაიძის სასჯელის ანულირება.
gallery images

მოიმატოს პენსიები!!! შემცირდეს ბანკი ლიბერთის 30% (!!!!) წინსწრებით აღებულ პენსიის განაკვეთი!

როდემდე უნდა გაგრძელდეს საკუთარი ხალხის, ყველაზე დაუცველი ფენის გენოციდი საქართველოში?! 20 ლარის მომატება მაღალი ინფლაციის ფონზე ადამიანების სრული ცინიკოსობა და დაცინვაა! წინსწრებით აღებული 2-3 თვის პენსიის შემთხვევაში, პენსიონერს უწევს 30% დატოვება ბანკში ყოველთვიურად!!! როგორ შეიძლება გადარჩეს პენსიონერი ამ დამცინავ თანხაზე? როგორ უნდა იყიდოს წამლები? როგორ უნდა იკვებოს? სითბოში იყოს და შუქიც ჰქონდეს? ტრანსპორტით იმგზავროს და კიდე იყოს ჯამრთელი, და აქტიური ამომრჩეველი?!!! პენსიონრებს წაერთვა მათთვის საჭირო პროდუქციის განვადებით გამოტანის საშუალება, სადაზღვევო კომპანიებში მაღალი რისკის კატეგორია არ ფინანსდება სათანადოდ, რადგან რაც უფრო ასაკიანი ხარ, მით უფრო პრობლემატური ხარ. ადამიანებო, ნუ თუ არ აპირებთ დაბერებას? ნუ თუ გგონიათ რომ მუდამ იქნებით იქ სადაც ხართ? ქვეყანა სადაც უფროს თაობას ასე აჭერენ წიხლს, მომავალი არ აქვს. მარიხუანას ლეგალიზაციისთვის, ათასობით ხალხი გამოიყვანეს გარეთ, ნუ თუ აქ მაინც ვერ დავეხმარებით ჩვენ დედებს და მამებს, ბაბუებს და ბებიებს?! თქვენ ხომ ყველა გყავთ ეს საყვარელი ადამიანები ოჯახებში, ვისაც უნდათ ნორმალური ადამიანური ცხოვრება, ვინც თავისი ოფლით და სისხლით დაიმსახურა პატივისცემა. დავეხმაროთ ჩვენი საზოგადოების ყველაზე სუსტ კატეგორიას, რა ვიცით რამდენი ხანი დაგვრჩა ამათთან ერთად ყოფნა ამ დედაიწაზე? ზრუნვა საჭიროა სანამ ცოცხალია ადამიანი. და ყველასთვის ცნობილია რომ სამარეში ვერაფერს წავიღებთ, თუმცა მმართველი გუნდის წარმომადგენლებს რატომღას ეს ავიწყდებათ. 
gallery images

მოვითხოვთ გამოირთოს ქალაქის საახალწლო განათება კომენდანტის საათებში

 მიგვაჩნია, რომ თბილისში საახალწლო განათებების ჩართვა კომენდანტის საათის პერიოდში, მაშინ, როცა მოსახლეობას არ აქვს გარეთ გასვლის უფლება, არის სახელმწიფო ბიუჯეტის არაგონივრული ხარჯვა.მოგეხსენებათ, თბილისში 21:00 საათიდან 05:00 საათამდე იკრძალება გადაადგილება როგორც ქვეითად, ისე სატრანსპორტო საშუალებით. ასევე იკრძალება საჯარო სივრცეში ყოფნა. შესაბამისად, არც ლოგიკურია და არც მიზანშეწონილი, რომ თბილისის მერია თანხას ხარჯავდეს საახალწლო განათებებზე იმ პერიოდში, როცა ღამით ადამიანები ქუჩაში ვერ გადაადგილდებიან.მოვითხოვთ თბილისის მერიამ გამორთოს ქალაქის საახალწლო განათება კომენდანტის საათებში (21:00-დან 05:00-მდე).დაზოგილი თანხა მოხმარდეს სოციალურად დაუცველებს და სიღარიბის ზღვარს მიღმა მყოფ ოჯახებს.
gallery images

დაისაჯონ თამარ ბაჩალიაშვილის მკვლელები

საქართველოს პროკურატურა აპირებს, ახალგაზრდა პროგრამისტის თამარ ბაჩალიაშვილის მკვლელობის საქმის გამოძიება საქართველოს სისხლის სამართლის კოდექსის 115-ე მუხლით (თვითმკვლელობამდე მიყვანა) დაასრულოს, ისე, რომ ამ მუხლითაც კი არავინ გამოკვეთოს ბრალდებულად.პეტიციაზე ხელმომწერები კატეგორიულად წინააღმდეგი ვართ გამოძიების ასეთი შედეგით დასრულების, პროტესტს ვაცხადებთ და მოვითხოვთ: პროკურატურამ საქმეზე მიიღოს ობიექტური გადაწყვეტილება და დეტალურად გასცეს პასუხი ყველა იმ კითხვას, რაც დღემდე უპასუხოდ არსებობს საზოგადოებაში;გამოძიების მხრიდან დაცული იყოს სამართლის საერთაშორისო სტანდარტები, რათა დადგინდეს ობიექტური ჭეშმარიტება;გამოძიება გაგრძელდეს მკვლელობის მუხლით;გამოვლინდეს და დაისაჯოს ყველა ის პირი, ვინც მონაწილეობა მიიღო 23 წლის თამარ ბაჩალიაშვილის მკვლელობაში. 
gallery images

მოვითხოვთ საქართველოს ოპუპირებული ტერიტორიდან დევნილთა,შრომის და სოციალური დაცვის მინისტრის გადადგომას

მოვითხოვთ საქართველოს ოპუპირებული ტერიტორიდან დევნილთა,შრომის და სოციალური დაცვის მინისტრის გადადგომას
gallery images

კულტურის კრიზისის დასაძლევად - შემოუერთდი მოთხოვნებს!

COVID 19-ის პანდემიით გამოწვეულმა შეზღუდვებმა და ზოგადმა კრიზისმა კულტურის ინდუსტრია განსაკუთრებული საფრთხის წინაშე დააყენა. საქართველოში კულტურის სფეროში დასაქმებულთა უფლებრივი მდგომარეობა და სექტორში არსებული საშუალო ხელფასი, ეკონომიკის სხვა სფეროებთან შედარებით, ყველაზე უარესია. მიუხედავად იმისა, რომ სახელმწიფო საკმაოდ დიდ რესურსს გამოყოფს, მაგალითად თეატრალური სფეროსთვის, კითხვის ნიშნის ქვეშ დგას, რამდენად სამართლიანად ნაწილდება ზემოაღნიშნული რესურსი. დისკრიმინაციის, შევიწროვების, მიზერული ანაზღაურებისა და  შრომის უსაფრთხოების დარღვევის ფაქტებთან ერთად, განსაკუთრებული პრობლემები გააჩინა, პანდემიის გამო, შექმნილმა საერთო კრიზისმა და შემდეგში უკვე შეზღუდვების უწყვეტმა ჯაჭვმა, რომელმაც კულტურის სფეროს ერთ წლიანი პარალიზება გამოიწვია. პანდემიის დასაწყისში, ხელოვანი ადამიანები, გაგებით მოეკიდნენ, ქვეყანაში არსებული მდგომარეობის გამო გამოწვეულ აკრძალვებს, მიუხედავად იმისა, რომ კომპენსაციების გაცემის მხრივაც უამრავი პრობლემა წარმოეშვათ და ხელოვანთა უმრავლესობამ ვერ ისარგებლა სახელმწიფო დახმარების პროგრამის პირველი ტალღით, სექტორი მაინც მოთმინებითა და ნდობით იყო განმსჭვალული სახელმწიფო ინსტიტუტების მიმართ.  თუმცა კრიზისის პერიოდში მთავრობის, უფრო კონკრეტულად კი კულტურის სამინისტროს მხრიდან, აღნიშნული სექტორის მიმართ, გამოჩენილი უყურადღებობა და უპასუხისმგებლობა ყოველგვარ ზღვარს გაცდა. ხელისუფლებამ გადაწყვიტა უბრალოდ აეკრძალა შრომა კულტურის ინდუსტრიაში დასაქმებული ადამიანებისთვის, თუმცა არ უსწავლებია მათთვის, როგორ გაეგრძელებინათ არსებობა შემოსავლის გარეშე. მიუხედავად არაერთი მიმართვისა, შემოქმედებითი სფერო მაინც ვერაფრით მოხვდა კომპენსაციების ახლებური გადანაწილების საკითხებზე მიმდინარე განხილვებშიც. სახელმწიფოს მხრიდან ადგილი არ ჰქონია და არ აქვს ხელოვანთა მიმართ რაიმე სახის კომუნიკაციას, არ შესწავლილა პრობლემატიკა და არავის მოუსმენია, პანდემიურ პროცესში თეატრების ფუნქციონირებაზე, თავად სფეროს წარმომადგენელთა აზრი, სრულად იყო უგულებელყოფილი სფეროში დასაქმებულთა მოსაზრებები პარალიზებული სფეროს ალტერნატიული განვითარების გზებთან დაკავშირებით, არ დაწყებულა მსჯელობა და სამზადისი პოსტ-პანდემიური მომავლისთვის.ხელისუფლებამ უნდა გაიაზროს, რომ გარდა სახელმწიფო სუბსიდირებაზე მყოფი კულტურული სივრცეებისა, ასევე არსებობს დამოუკიდებელი (კერძო) სექტორიც, რომლისთვისაც თითოეული ღონისძიება წარმოადგენს არა მხოლოდ შემოქმედებით პროცესს, არამედ სარჩოსა და შემოსავლის წყაროს. დღეს ეს შემოქმედებითი ჯგუფები გაქრობის რისკის წინაშე დგანან და საჭიროებენ განსაკუთრებულ მხარდაჭერას. კულტურული პროცესის გაყინვა, გრძელვადიან პერსპექტივაში, ძალიან მძიმე კვალს დაამჩნევს, როგორც თავად სფეროს და ამ სფეროში მოღვაწე ადამიანებს, ისე მთლიანად საზოგადოებას.სწორედ ამიტომ, კულტურის სფეროში დასაქმებულთა პროფესიული კავშირი „გილდია“ ვითხოვთ: - საქართველოს განათლების, მეცნიერების, კულტურისა და სპორტის სამინისტროს ინიციატივით შეიქმნას ხელოვანთა ანტიკრიზისული საკონსულტაციო ჯგუფი. პრობლემატიკის შესწავლის, ბიუჯეტის ადეკვატურად დაგეგმვის, სახელოვნებო ორგანიზაციების პანდემიური და პოსტპანდემიური ფუნქციონირების საკითხებზე მსჯელობისა და გადაწყვეტისთვის. მნიშვნელოვანია, რომ ჯგუფი შეიქმნას დროის უმოკლეს პერიოდში, რათა შესაძლებელი გახდეს კულტურის სფეროს პირველი რიგის საჭიროებებისთვის სათანადო ფინანსების გამოყოფაზე მსჯელობა პარლამენტში, 2021 წლის სახელმწიფო ბიუჯეტის პროექტის განხილვის პროცესში. - გადაიდგას კონკრეტული ნაბიჯები სახელოვნებო სივრცეების ტექნიკური გადაიარაღებისა და „გაციფრულების“ მხარდასაჭერად. გადანაწილდეს ფინანსური რესურსები ონლაინ სპექტაკლებზე აუდიტორიის უფასოდ დასწრების სუბსიდირებისთვის.  - განათლებისა და კულტურის სამინისტრომ უზრუნველყოს შემოსავლის გარეშე დარჩენილ ხელოვანთა წვდომა სახელმწიფოს მიერ შემოთავაზებული სოციალური დახმარების პაკეტებზე. ამისათვის დაიწყოს არასტანდარტულ შრომაში ჩართულ დასაქმებულთა აღრიცხვა და იდენტიფიცირება.  - დამოუკიდებელი სახელოვნებო ორგანიზაციებისთვის შემუშავდეს დახმარებისა და შეღავათების დამატებითი პაკეტი.  - მედიამრავალფეროვნების ხელშეწყობის ფარგლებში დაიწყოს კულტურის თემატიკაზე შექმნილი გადაცემების მხარდაჭერა.  - გადაიხედოს ბოლო პერიოდში, სფეროს სპეციალისტებთან კონსულტაციის გარეშე, გამკაცრებული რეგულაციები და განხილულ იქნას გამოსავალი ამ ჩიხური სიტუაციიდან, სადაც ან ვირუსი გკლავს ან შიმშილი.   
gallery images

სტუდენტებისთვის განახევრდეს სწავლის გადასახადი პანდემიის დროს

სტატუსშეჩერებული სტუდენტების რიცხვი ისტორიულ მაქსიმუმზეა, რის უმთავრეს გამომწვევ მიზეზს ფინანსური პრობლემა და, აქედან გამომდინარე, დაგროვილი სტუდენტური გადასახადი წარმოადგენს. 2020 წლის მონაცემებით, უმაღლესი სასწავლებლების 59076 სტუდენტს სტატუსი აქვს შეჩერებული. მათგან 19874 სტუდენტს, რაც საერთო რაოდენობის 33.6%-ია,  სტატუსი ფინანსური დავალიანების გამო აქვს შეჩერებული.სტატუსშეჩერებული სტუდენტების რაოდენობა მნიშვნელოვნად გაიზარდა კოვიდპანდემიის პირობებში. ქვეყანაში შექმნილი უმძიმესი სოციალურ-ეკონომიკური პრობლემების გამო უამრავი ადამიანი დარჩა სამსახურის გარეშე. ამის მიუხედავად, დღეს არავინ ფიქრობს, რა ბედი ეწევათ იმ სტუდენტებს, რომლებმაც დაკარგეს სამსახურები და რომელთა მშობლებიც უმუშევრად დარჩნენ. სწორედ ფინანსური კრიზისის გამო ახალგაზრდები და მათი ოჯახები ვერ იხდიან სწავლის გადასახადს და სტუდენტები იძულებულნი არიან უარი თქვან განათლებაზე.განათლების უფლება კი კონსტიტუციით გარანტირებული უფლებაა.სწორედ ამიტომ, ჩვენ - ახალგაზრდები ვითხოვთ:1)      პანდემიისგან გამოწვეული პრობლემების გამო, განახევრდეს უმაღლეს საგანმანათლებლო დაწესებულებებში სწავლის გადასახადი;2)      სტუდენტებს აღუდგეთ 2020 წელს ფინანსური დავალიანების გამო შეჩერებული სტატუსი; სტუდენტები:მაკა ტოხიშვილიელენე ელბაქიძელაშა ანაკიძეზურაბ კურცხალიანინო წულაძემარიამ კუსიანიხატია მირცხულავანინო ხაზიურიმარი რუხაძექეთევან მუსერიძესალომე წერეთელითემურ შანავასალომე სუხიტაშვილიმარიამ რევაზიშვილიქრისტინე კიკალიშვილინათია ბლაგიძე 
gallery images

უმუშევრად დარჩენილი მოსახლეობის სახელით !!!

   პანდემიის შედეგად უმუშევრად დარჩენილი საქართველოს მოქალაქეები მოვითხოვთ,რომ ამ მძიმე პერიოდში ხელისუფლების აბსოლუტურად ყველა წევრს,დაწყებული პრემიერიდან,დამთავრებული პარლამენტარებით,დაენიშნოს დროებით (სანამ ჩვენც უმუშევრები ვიქნებით) საარსებო მინიმუმის შესაბამისი ხელფასები!!! ვინაიდან მთვარობა თვლის რომ საგმირო საქმე გააკეთა და თითო ოჯახს შემოგვწირა თვეში 200 ლარი (და ამასაც მოსახლეობის ძირითადი ნაწილი ვერ მიიღებს) და ამ ყველაფერს გაგებით უნდა მოვეკიდოთ,,ჩვენ მოთხოვნასაც გაგებით მოეკიდეთ..ჩვენ ,მოსახლეობა,ანუ თქვენი დამქირავებლები, კატეგორიულ უარს ვაცხადებთ გიხადოთ ხელფასები,ვინაიდან გაკოტრებულები ვართ!!! ჩვენ გვშია!!! ჩვენ გვცივა!!! ჩვენ გვეშინია ხვალინდელი დღის!!! 
gallery images

პეტიცია თავისუფლება ლევან ზურაბაშვილს

პეტიცია შექმნილია ლევან ზურაბაშვილის გათავისუფლების მიზნით, რადგან მას არ ჩაუდენია დანაშაული, მას სურდა ადამიანებამდე და სამთავრობო უწყებამდე მიეტანა თავისი სათქმელი, რაც მიზნად ისახავდა 1. აზარტული თამაშების აკრძალვას 2. ბანკების ყოველწლიური პროცენტი შემცირდეს 7% მდე 3. გაიაფდეს წამლების ფასი, ვინაიდან საქართველოში არსებული რეალობის გათვალისწინებით რაც გულისხმობს სიღარიბეს და სოციალური ცხოვრების დაბალ დონეს ხელს უშლის ადამიანების მშვიდათ ცხოვრებას, გაჭირვებული ადამიანების ხარჯზე გამდიდრებას რაც სრულიად დაუშვებელია. ჩვენ გვერდით ვუდგავართ ლევანს და მოვითხოვთ მის გათავისუფლებას. თუ თვლი რომ ლევანი იმსახურებს თავისუფლებას მოაწერეთ ხელი და დააფიქსირეთ თქვენი ხმა. #თავისუფლებალევანს
gallery images

პანდემია ფორს-მაჟორია!

პანდემია ნამდვილად წარმოადგენს ისეთ საყოველთაო ფორს-მაჟორულ გარემოებას, რომელიც იძლევა მოქალაქეთა საბანკო ვალდებულებების შესრულებისაგან გათავისუფლების საფუძველს. ჩვენი მოთხოვნაა მოქალაქეები საბანკო ვალდებულებებისაგან გათავისუფლდნენ პანდემიის დასრულებამდე.„ნინო ბურჯანაძე-ერთიანი საქართველოს“ პეტიციაქვეყანა იმყოფება კორონა ვირუსითა და მთავრობის უუნარობით გამოწვეულ ეკონომიკურ კრიზისში. ამ ფონზე გადაუდებელი ამოცანაა, მოქალაქეებს შეუმსუბუქდეთ მძიმე სოციალურ-ეკონომიკური მდგომარეობა. მოსახლეობის უმეტესობას მძიმე ტვირთად აწევს საბანკო სესხები. ამდენად, განსაკუთრებით მნიშვნელოვანია, მოქალაქეთა გათავისუფლება საბანკო ვალდებულებების შესრულებისაგან. საყოველთაოდ აღიარებული განმარტების თანახმად, ფორს-მაჟორული გარემოებები წარმოადგენენ ისეთ საგანგებო და შეუქცევად გარემოებებს, რომელთა თავიდან აცილება შეუძლებელია.            პანდემია ნამდვილად წარმოადგენს ისეთ საყოველთაო ფორს-მაჟორულ გარემოებას, რომელიც იძლევა მოქალაქეთა საბანკო ვალდებულებების შესრულებისაგან გათავისუფლების საფუძველს. ჩვენი მოთხოვნაა მოქალაქეები საბანკო ვალდებულებებისაგან გათავისუფლდნენ პანდემიის დასრულებამდე. ამდენად, ჩვენ "ერთიანი საქართველო - დემოკრატიული მოძრაობა" და ქვემოთ ხელისმომწერნი საქართველოს მოქალაქეები, მივმართავთ მთავრობას, ფორს-მაჟორული მდგომარეობის - პანდემიის დასრულებამდე უზრუნველყოს:    1. ბანკების მიერ მოქალაქეებისთვის პანდემიის დაწყებამდე აღებულ სესხებზე დაგროვილი პროცენტების გაქვითვა;    2. აღნიშნულ სესხებზე დარიცხული ჯარიმების გაუქმება;   3. გამოაცხადოს მორატორიუმი მოქალაქეთა მიერ პანდემიამდე აღებული საბანკო ვალდებულებების შესრულებაზე.
gallery images

ვითხოვთ ჰუმანურ აქტს ამნისტიას

ნაროკოპოლიტიკა2.1.მსოფლიოში ერთ-ერთი ყველაზე მკაცრი ნარკოპოლიტიკასაქართველოში მოქმედი ნარკოტიკული დანაშაულის მომწესრიგებელი კანონმდებლობა მსოფლიოში ერთ-ერთი ყველაზე მკაცრია. გარდა იმისა, რომ ზოგადად ნარკოტიკის მოხმარება არის კრიმინალიზებული, სხვა ტიპის ნარკოტიკული დანაშაულებისთვის (შეძენა/შენახვა, კულტივირება) გათვალისწინებულია არაადეკვატურად მძიმე სანქციები.2.2.რეალური მდგომარეობა ციფრებშისაქართველოში ნარკოტიკულ დანაშაულზე გასამართლებულ პირთა რაოდენობა 2009 წელს შეადგენდა 3663 პირს, 2010 წელის - 2517, 2011 წელი 1523, 2012 წელი - 861, 2013 წელი 3570, 2014 წელი 4003, 2019 წელს კი ნარკოდანაშაულზე მსჯავრდებულ პირთა რაოდენობა შეადგენდა 2043 პირს და 1000 - მდე ბრალდებულ პირს.2019 წელს ნარკოტიკების უკანონო დამზადება, წარმოება, შეძენა, შენახვა, გადაზიდვა, გადატანა ან გასაღება დანაშაულისათვის მხოლოდ თბილისის საქალაქო სასამართლოში იწარმოებოდა 1063 საქმე, საიდანაც 1020 განაჩენის გამოტანით დასრულდა.ნარკოტიკული საშუალებების მოხმარებაზე კი თბილისის საქალაქო სასამართლოში იყო შემოსული 276 საქმე, საუდანაც 259 შემთხვევაში დაკისრებულ იქნა პასუხისმგებლობა.მნიშვნელოვანია აღვნიშვნოთ, რომ წარმოებული საქმეების 90% მეტს, ასევე ნარკოტიკულ დანაშაულზე ბრალდებულ/მსჯავრდებულთა 90% მეტს არ აქვს კავშირი ნარკოტიკული საშუალებების გასაღებასთან, არამედ ასეთი დანაშაული მოიაზრებს ნარკოტიკული საშუალების მოხმარებას, გადატანას, გადაზიდვას, დამზადებას, შეძენასა და შენახვას პირადი მიზნებისათვის.2.3.დავაადება და არა დევიაციანარკომანია - ქრონიკული დაავადების ბოლო სტადიაა, რომელიც კონკრეტული ნივთიერებების (ნარკოტიკული საშუალებების) მოხმარებითაა გამოწვეული. იგი ხასიათდება ფაზური მიმდინარეობით და თავის სტრუქტურაში რამდენიმე ეტაპოპრივადფორმირებადი სინდრომის არსებობით:·         შეცვლილი რეაქციის სინდრომი;·         ფსიქიკური დამოკიდებულების სინდრომი;·         ფიზიკური დამოკიდებულების სინდრომი; (ეს სამი სინდრომი ერთიანდება ერთ დიდ ნარკომანიის სინდრომში)·         ქრონიკული ნარკოტიზაციის შედეგების სინდრომი. ყოველწლიურად ჩვენ საპატიმროებში ვამყოფებთ 3000 ავადმყოფ ადამიანს. ყოველწლიურად 6000 ადამიანი იხდის პირობით სასჯელს ავადმყოფობისათვის.3.      უთანასწორობა3.1.საქართველოს მართლმსაჯულება სამწუხაროდ არ არის იმ დონეზე განვითარებული, რომ პატიმართა საქმეები გამოძიებულ იქნას ობიექტურად და სასჯელი იყოს მინიჭებული სამართლიანად. დამნაშავე პირების მიმართ გამოიყენება უმკაცრესი ზომები. ამავდროულად ხშირია უთანასწორობაც, როდესაც საქმე ეხება მსგავსი დანაშაულებებისათვის გასამართლებულ პირებს. საკმაოდ განსხვავდება სასამართლო პრაქტიკა სასჯელის ზომის განსაზღვრაში, ასევე პროკურატურის პრაქტიკა საპროცესო შეთანხმებების გამოყენებაში იმ პირთა შორის ვინც 2012 წლამდე იყო გასამართლებული და იმ პირთა, ვინც 2012 წლის შემდგომ პერიოდში. ამავდროულად 8 წლის განმავლობაშიც იცვლებოდა ზ/აღნიშნული პრაქტიკა და განსხვავდება ასევე 2013 წელს დანიშნული სასჯელები თუ განხორციელებული საპროცესო შეთანხმებები იმ პრაქტიკასთან შედარებით, რაც დღეის მდგოამრეობით არის დამკვიდრებული. მკვიდრდება ერთგვარი უთანასწორობაა კონკრეტული ადამიანების მიმართ.ამნისტია კი ერთადერთი გამოსავალია, რათა დაბალანსებული იყოს ქვეყანაში პატიმრის უფლებები „შერჩევით“ სამართალთან.4.      პანდემიით გამოწვეული პრობლემები და შედეგები4.1.სრულიად მსოფლიო კორონა ვირუსის პანდემიას ებრძვის. ქვეყნების უმეტესობამ მიიღო გადაწვეტილება პატიმრების გათავისუფლების. საქართველოში მსგავსი აქტი არც პანდემიის პირობებში განხორციელებულა. აქვე მინდა შეგახსენეთ, რომ 8 წელია საქართელოში ფართო მასშტაბიანი ამნისტიის აქტი  არ გამოუცემიათ საქართველოს კანონმდებლებს.5.      უვადო პატიმრები5.1. 2012 წლის ამნისტია2012 წლის ფართომასშტაბიანი და საყოველთაო ამნისტია შეეხო საქართველოს სისხლის სამართლის კოდექსით გათვალისწინებულ ფაქტობრივად ყველა დანაშაულს, გარდა უვადო პატიმრებისა. 2012 წლის 28 დეკემბრის ამნისტიით­ ყველა მსჯავრდადებულს უნდა შეხებოდა ამნისტია (მოიაზრებოდა 80-ზე მეტი უვადო პატიმარიც) და სასჯელი შემცი­რებოდა, უვადოებზე კი უზენაესმა ჩაწერა, ამ პატიმრებზეც გავრცელდეს ამნისტია,­ მოაკლდეთ 1/4, მაგრამ დარჩნენ უვადო პატიმრებადო.2012 წლის დეკემბრის ამნისტიას საფუძვლად ედო 2012 წლამდე პატიმრების მიმართ არაადამიანური მოპყრობა და წამება. აღნიშნული წამებისა და არაადამიანური მოპყრობის მსხვერპლები უვადო პატიმრების იყვნენ. მათ აწამებდნენ ყოველდღიურად, არაფრად აგდებდნენ, ექცეოდნენ, როგორც არაადამიანებს. მაშასადამე თუ ამნისტიის საფუძველი იყო წამება და არაადამიანური მოპყრობის შედეგების, კერძოდ კი ნატანჯი დაზარალებულებისათვის სასჯელის შემსუბუქება წამებისა და არაადამიანური მოპყრობის საპირწონედ, უვადო პატიმრებს უპირობოდ უნდა შეხებოდა ამნისტია.საუბარია ყველა უვადო პატიმარზე.­ ადამიანისთვის, ვინც 20-დან 25 წლამდე საპყრობილეში გაატარებს, ეს დიდი სასჯელია, ამნისტია კი - დიდი სტიმული, გამოვიდეს და ცხოვრების წესი შეიცვალოს.1997 წელს, როცა სიკვდილით დასჯა გაუქმდა, შევარდნაძემ 56 სიკვდილმისჯილი შეიწყალა. მათ 15 წელი მოიხადეს. ამ 56-დან შემდეგ მხოლოდ ოთხმა ჩაიდინა დანაშაული და ისიც - მსუბუქი კატეგორიის. სხვათა შორის, ციხის ხელმძღვანელობა ყოველთვის ამბობს, რომ უვადო პატიმრები უფრო წესიერად იქცევიან, მათ უფრო ადამიანურად დაელაპარაკები, ვიდრე მათ, ვისაც ექვსი თვე, ან ორი წელი აქვთ მისჯილი. ისინი უფრო ძნელი სამართავები არიანო. არსებობს კანონი "უვადო თავისუფლების აღკვეთის შესახებ", რომელიც 20 წლის მოხდის შემდეგ უვადო პატიმარს შანსს აძლევს, კომისიას შესაწყალებლად მიმართოს, თუმცა მსგავსი პრაქტიკაზე არ განხორციელებულა.5.2. ვადიანი სასჯელისაქართველოს სისხლის სამართლის კოდექსის თანახმად დანაშაულის რეციდივის შემთხვევაში ვადიანი თავისუფლების აღკვეთს სახით დანიშნული საბოლოო სასჯელის ვადა არ უნდა აღემატებოდეს 30 წელს. ამავდროულად განაჩენთა ერთობლიობის დროს საბოლოო სასჯელად დანიშნული თავისუფლების აღკვეთის ვადა არ უნდა აღემატებოდეს 35 წელს.უვადო მსჯავრდებულებებზე ამ კანონით  გათვალისწინებული შეღავათის გავრცელების მიზნისათვის ამოსავალ წერტილად ვიღებთ სისხლის სამართლის 59-ე მუხლს.6.      ჩვენ ვიაზრებთ კრიმინალური ვითარების გაუარესების საფრთხეებს ფართომასშტაბიანი ამნისტიის გამოცხადებისას, რატომაც ჩვენს მიერ შემუშავებული კანონპროექტი ამნისტიის შესახებ, და ყოველი წამოყენებული მოთხოვნა ეყრდნობა დეტალურ ანალიზს, კონსულტაციებს სხვადასხვა კერძო და საჯარო სფეროს წარმომადგენლებთან და ისეთი სახისაა, რომ პირველ რიგში ვაღწევთ ჰუმანურობას, ადამიანის/პატიმრის უფლბების დაცვასა და სასჯელის შემსუბუქებას თუ სხვას, ამავდროულად ყოველი არის გატარებული საზოგადოების უკეთესი ინტერესების გათვალისწინებით, ისე რომ არც ერთი სუბიექტის არც უფლება ირღვევა და არც მდგომარეოაბა აუარესდება.ჰუმანიზმის პრინციპიდან გამომდინარე, პატიმართა და პირობით მსჯავრდებულთა რაოდენობის შემცირების მიზანშეწონილობისა და საზოგადოების უსაფრთხოების ინტერესების გათვალისწინებით, მოვითხოვთ ერთჯერადი, დროებითი და განსაკუთრებული ღონისძიების სახით ამნისტიის გამოცხადებას.
gallery images

შეწყდეს რაჭა-ლეჩხუმში დამანგრეველი ჰესების მშენებლობა / Stop the construction of devastating HPPs in Racha-Lechkhumi

რიონის ხეობა საფრთხეშია.საქართველოს მთავრობა რაჭაში და ლეჩხუმში ჰიდროელექტროსადგურების ორი მასშტაბური კასკადის აშენებას გეგმავს - ონის და ნამახვანის კასკადებს. ისინი საფრთხეს უქმნიან არა მხოლოდ მდინარე რიონის ხეობას და ბუნებას, არამედ - რაჭის, ლეჩხუმის და ქუთაისის მოსახლეობასაც და რეგიონების მდგრად განვითარებას. For English please  scroll down #გადავარჩინოთრიონი #არაონისკასკადს #არანამახვანიჰესს #saverioniriverონის კასკადის შედეგად, ქვეყნის ყველაზე წყალუხვი მდინარის - რიონის 37 კილომეტრიან მონაკვეთზე მდინარის კალაპოტში წყლის ბუნებრივი ჩამონადენის (საშუალო მრავალწლიური ხარჯის) მხოლოდ მეათედი დარჩება, ხოლო დანარჩენი ჰესის გვირაბებში მოექცევა. ეს გამოუსწორებელ ზიანს მიაყენებს ხეობის ფლორასა და ფაუნას. რიონი ვეღარ შეასრულებს მის ეკოლოგიურ ფუნქციებს - ღვარცოფული მდინარეების მიერ ჩამოტანილი ქვა-ღორღისა და ორგანული ნივთიერებების გადატანას. ამით, ერთი მხრივ, საფრთხე შეექმნება უშუალოდ ჰესის არეალში მცხოვრებ მოსახლეობას, ხოლო მეორე მხრივ, ქვედა დინებაში მდებარე სასოფლო-სამეურნეო მიწები გამოიფიტება და ნაპირების ეროზია მოხდება. თავად გარემოს დაცვისა და სოფლის მეურნეობის სამინისტროს გარემოსდაცვით გადაწყვეტილებაშიცაა აღნიშნული, რომ კასკადი სარისკოა მეწყრული სოფლებითვის და შესაძლოა ადგილობრივი მაცხოვრებლების განსახლება გახდეს საჭირო. ის მნიშვნელოვანი ასპექტი მასშტაბური ჰესის საპროექტო დოკუმენტაციაში შესწავლილი საერთოდ არ ყოფილა.ონის სოფლების თავზე, სეისმურად და გეოლოგიურად შეუსწავლელ მთებში, გვირაბებში მოქცეულმა რიონმა, შესაძლოა დიდი საფრთხე შეუქმნას ადამიანების სიცოცხლეს და გააქროს უწერის ცნობილი მინერალური წყლები, რაც რეგიონს მდგრადი განვითარების შესაძლებლობებს შეზღუდავს.არც ონის, არც ნამახვანის კასკადის პროექტებში, სათანადოდ არ შესწავლილა და უგულებელყოფილია სეისმური რისკები. ეს მაშინ, როცა რაჭა-ლეჩხუმს კავკასიაში ერთ-ერთი ყველაზე მასშტაბური, გამანადგურებელი მიწისძვრა ახსოვს და მისი განმეორების შესაძლებლობა არსებობს.433 მგვტ-იანი ნამახვანის კასკადის რეზერვუარების სარკის ზედაპირის ფართობი610 ჰექტარია, რომელიც დატბორავს წყალტუბოსა და ცაგერში სოფლებს, უნიკალურ ბიომრავალფეროვნებასა და კულტურულ მემკვიდრეობას. დაზიანების შემთხვევაში, ნამახვანის კაშხლიდან გამოხეთქილი 34 მეტრიანი ტალღა ქუთაისს 19 წუთში დაატყდება, წყალდიდობით გამოწვეული საფრთხე კი მთელ კოლხეთის დაბლობს დაემუქრება.ნამახვანის ჰესი მიკროკლიმატსაც შეცვლის ლეჩხუმში. ეს იმას ნიშნავს, რომ დავკარგავთ უნიკალური ქართული ვაზის ჯიშის- ცოლიკაურის მიკროზონას, ანუ, ტვიშის ღვინოს, ისევე როგორც უსახელოურის მიკროზონას. პროექტს ასევე ზემოქმედება ექნება ამბროლაურში ხვანჭკარას მიკროზონაზე. ეს მნიშვნელოვანი დანაკარგია ადგილობრივი მეწარმეებისთვისაც, რომელთა წლების განმავლობაში გაშენებული ვენახები და სამომავლო გეგმები, მათ შორის, ხალხისგან ისედაც დაცლილ მთის სოფლებში ტურისტების მოზიდვა, წყალში ჩაიყრება.არც ერთ პროექტზე, გარემოს დაცვისა და სოფლის მეურნეობის სამინისტრომ არ გაითვალისწინა ადგილობრივი მოსახლეობის პოზიცია. პროექტებზე გარემოსდაცვითი გადაწყვეტილებები მოსახლეობის და საზოგადოების სათანადო ჩართულობის და მონაწილეობის გარეშე, კანონდარღვევით გაიცა.ამ ყველაფერთან ერთად, პროექტების განვითარება ისე დაიწყო, რომ მათი ეკონომიკური საჭიროება დაუსაბუთებელია: არ არის წარმოდგენილი დანახარჯისა და სარგებლის ანალიზი, რაც საქართველოს კანონმდებლობის თანახმად, გარემოზე ზემოქმედების შეფასების ნაწილი უნდა იყოს. მეტიც, ნამახვანის ჰესების კასკადზე გაფორმებული ხელშეკრულება კონფიდენციალურია, ონის კასკადის ხელშეკრულების მიხედვით კი, საქართველოს ხელისუფლება ვალდებულებას იღებს კერძო კომპანიისგან 20 წლის განმავლობაში ელექტროენერგია შეისყიდოს და მას სახელმწიფო ბიუჯეტიდან გარანტირებულად მაღალ ფასი გადაუხადოს (საშუალოდ 1 კვტ.სთ10 ცენტზე მეტი).აღსანიშნავია, რომ ნამახვანი ჰესის მშენებლობის ტენდერში გაიმარჯვა კომპანიამ, რომელმაც უკვე ააშენა მძიმე შედეგებით ცნობილი შუახევი ჰესის პროექტი. შუახევი ჰესის გვირაბები ამუშავებიდან 2 თვეში ჩამოინგრა, რისი მიზეზიც გეოლოგიური რისკების არასაკმარისი შესწავლა იყო. დამატებითი სამუშაოების შედეგად, 2020 წელს შუახევი ჰესი ამუშავდა, თუმცა რისკები მოსახლეობისა და გარემოსთვის კვლავაც მაღალია.მიუხედავად უამრავი რისკისა და პრობლემისა, კანონდარღვევებისა, სათანადო წინასწარი კვლევებისა და უსაფრთხოების გარანტიების არარსებობისა და, უკვე წლებია, ადგილობრივი მოსახლეობის მწვავე პროტესტისა, ონისა და ნამახვანის ჰესების შესახებ გადაწყვეტილებები საქართველოს მთავრობამ უკვე გასცა. ონის კასკადზე გაცემულია გარემოსდაცვითი გადაწყვეტილება, ხოლო ნამახვანის ჰესზე - სამშენებლო ნებართვაც წინასწარ სამუშაოებზე. ლეჩხუმში მძიმე ტექნიკა უკვე შევიდა და, ხალხის პროტესტის ფონზე, სამუშაოები დაიწყო.შემოგვიერთდით, დავიცვათ რიონი, რადგან ეს ჩვენი სიცოცხლის, ჩვენი მომავლის და კანონის დაცვას ნიშნავს. გადავარჩინოთ რაჭა-ლეჩხუმი!საქართველოს მთავრობისგან მოვითხოვთ:1. შეწყდეს მდინარე რიონზე დაგეგმილი ჰიდროელექტროსადგურების - ონისა და ნამახვანის ჰესების მშენებლობა.2. დაუყოვნებლივ შეიქმნას რაჭის ეროვნული პარკი, სადაც სხვა ეკოსისტემებთან ერთად, დაცული იქნება მდინარე რიონი და მისი შენაკადები.3. საქართველოს მთავრობამ შეწყვიტოს საქართველოს მაღალმთიან რეგიონებში რისკის შემცველი პროექტების განხორციელება, რომლებიც საფრთხეს უქმნის ბუნებრივ ეკოსისტემებს, მდინარეებს და აფერხებს მაღალმთიანი რეგიონების მდგრად განვითარებას.4. გასაჯაროვდეს ჰიდროელექტროსადგურებზე გაფორმებული ხელშეკრულებებიმოთხოვნების შეუსრულებლობის შემთხვევაში ვიტოვებთ უფლებას გავაგრძელოთ პერმანენტული აქციები, მივმართოთ საერთაშირისო ორგანიზაციებს და ყველა არსებული გზით შევუშალოთ ხელი მდინარე რიონის ხეობაში დამანგრეველი ჰესების მშენებლობას.                   Stop the construction of devastating HPPs in Racha-Lechkhumi#SaveRioniRIverRioni valley is under serious threat.The government of Georgia plans to build two large-scale hydropower cascades in Racha and Lechkhumi regions – the Oni and Namakhvani cascades. These hydropower plants (HPPs) threaten not only the nature in the surrounding Rioni River valley, but also the population of Racha, Lechkhumi and Kutaisi and the sustainable development of the region.In order to construct the Oni cascade, only one-tenth of the river's natural runoff (average annual flow) will remain in a 37-kilometre section of the Rioni, the country's most powerful river, and the rest of the water will be diverted through tunnels. This will cause irreparable damage to the flora and fauna of the valley. The Rioni River will no longer be able to perform its ecological functions – transporting rubble and nutrients from flooding rivers farther downstream. This will directly endanger the population living in the project area; it will also deplete the agricultural lands downstream and erode the riverbanks. The decision of the Ministry of Environmental Protection and Agriculture states that the cascade is risky for villages in landslide zones and that resettlement of the locals might be required. This important aspect has not been studied in the project documentation at all.In the mountains above the villages of Oni, which have yet to be explored from both a seismic and a geological perspective, the tunnels that will carry diverted water from the Rioni may pose a serious threat to locals’ lives, and they may also destroy the famous mineral waters of Utsera, which will limit the region's future sustainable development opportunities.Seismic risks have not been properly studied for either the Oni or the Namakhvani cascade projects. The residents of Racha and Lechkhumi regions can still remember one of the largest, most devastating earthquakes in the Caucasus, and it is always possible that there will be a recurrence.The area of the reservoir surface for the 433 MW Namakhvani cascade will cover 610 hectares, which will flood the villages of Tskaltubo and Tsageri municipalities, significantly impacting their unique biodiversity and cultural heritage. In case of any damage, a 34-metre wave from the Namakhvani dam will hit Kutaisi (The second largest city in Georgia) in 19 minutes, and the danger caused by the flood will threaten the entire Kolkheti lowland.The Namakhvani hydropower plant (HPP) will also change the microclimate in Lechkhumi. This means that we will lose unique types of Georgian wine – including Tvishi wine from the Tsolikauri micro-zone, as well as wines from the Usakhelauri micro-zone. The project might also impact the Khvanchkara micro-zone in Lower Racha region (municipality of Ambrolauri). It will be a significant loss for local entrepreneurs, whose vineyards and future plans, which have been cultivated for years (including attracting tourists to already abandoned villages in mountains), will be wasted.The Ministry of Environmental Protection and Agriculture did not consider the position of the local people in any of these projects. Environmental decisions for both projects were made in violation of the law, without the proper inclusion and participation of the public.Additionally, the development of the projects has begun in such a way that their economic needs are unjustified: no cost-benefit analysis has been presented, which is required by Georgian law as a part of the environmental impact assessment report. Moreover, the Namakhvani cascade agreement is confidential. And according to the Oni cascade agreement, the government of Georgia undertakes to purchase electricity from a private company for 20 years and pay a guaranteed high price from the state budget (on average, more than 10 US cents per 1 kWh).It should be noted that the company that won the tender for the construction of the Namakhvani HPP already built the Shuakhevi HPP, known for its devastating results. The tunnels of the Shuakhevi HPP collapsed within 2 months of its commissioning due to insufficient geological risk studies. Following additional work on the Shuakhevi HPP, it was turned on again in 2020; however, the risks to the population and the environment remain high.Despite numerous risks and problems, violations of the law, lack of proper preliminary studies and security guarantees, and years of active protests from locals, the government of Georgia has already made decisions on the Oni and Namakhvani HPPs. An environmental decision has been made on the Oni cascade, and a construction permit for preliminary construction work has been issued for the Namakhvani HPP. Heavy machines have already entered Lechkhumi, and, despite the locals’ protests, preliminary work has begun.Join us to protect the Rioni River, which means protecting our lives, our future and our law. Let's save Racha-Lechkhumi!We ask the government of Georgia to:1. Stop the construction of the planned Oni and Namakhvani hydropower plants on the Rioni River.2. Establish Racha National Park, where, along with other ecosystems, the Rioni River and its main tributaries will be protected.3. Stop implementing risky projects in the highland regions of Georgia that endanger natural ecosystems and rivers and hinder the sustainable development of these regions.4. Make the Georgian government's agreements with companies about HPP's publicIn the case of non-compliance with our demands, we reserve the right to continue permanent protest actions, appeal to international organisations and use all available resources to prevent the construction of destructive hydropower plants in the Rioni River valley.
gallery images

შეიცვალოს დასახლებულ პუნქტებში სიჩქარის ლიმიტი

წითელსოფლელ პატარა გოგონას დაბადების დღეზე ნაჩუქარი ბურთი ეზოდან გადაუვარდა. ბავშვური ემოციით, მან ჭიშკარი გამოაღო და სანამ დედა დაძახებას მოასწრებდა, ტრასაზე გავარდა, რომ მანქანებისგან დაეცვა ძვირფასი საჩუქარი. გზაზე ტრაილერის მძღოლი დაშვებულზე 10 კილომეტრით ჩქარა მოძრაობდა. ფორმალურად ის წესს არ არღვევდა, მაგრამ როცა ბავშვი წინ გადაუხტა რეაგირება ვერ მოასწრო და უბედური შემთხვევა მოხდა. ცნობილია, რომ მკვეთრი დამუხრუჭებისას სრულად გაჩერების მანძილი 50 კმ/სთზეც კი ყველაზე მომზადებულ შემთხვევაში, საუკეთესო ხუნდებით 6 მეტრია. რეალურ სიტუაციაში, ეს 15 მეტრზე ნაკლები არასოდესაა. მანძილი იზრდება სიჩქარესთან ერთად და გამოითვლება ფორმულით: სიჩქარე/10X3-ზე„საგზაო მოძრაობის შესახებ“ საქართველოს კანონის 33-ე მუხლის მე-6 პუნქტის თანახმად, თუ ამ კანონით სხვა რამ არ არის დადგენილი, დასახლებულ პუნქტში ნებადართულია სატრანსპორტო საშუალების მოძრაობა არაუმეტეს 60 კმ/სთ სიჩქარით, ხოლო საცხოვრებელ ზონაში − არაუმეტეს 20 კმ/სთ სიჩქარით. თუ დასახლებულ პუნქტში საგზაო პირობები იძლევა მაღალი სიჩქარით მოძრაობის შესაძლებლობას, შესაბამისი საგზაო ნიშნის დადგმით მოძრაობის სიჩქარე შეიძლება გაიზარდოს გზის ცალკეულ მონაკვეთებზე. ამავე კანონის პირველი დანართის 4.6 პუნქტის თანახმად საგზაო ნიშანი 4.6. „მინიმალური სიჩქარის შეზღუდვა“ − ადგენს გზაზე მოძრაობის მინიმალური სიჩქარის ზღვარს. ნიშნის მოქმედება ვრცელდება ნიშნის შემდეგ, ნიშნის დადგმის ადგილიდან უახლოეს გზაჯვარედინამდე, ხოლო დასახლებულ პუნქტში გზაჯვარედინის არარსებობისას − დასახლებული პუნქტის ბოლომდე.არსებული რეგულაციის მიუხედავად, საქართველოს ადმინისტრაციულ სამართალდარღვევათა კოდექსის 125-ე მუხლის 1-ლი ნაწილის შესაბამისად, „სატრანსპორტო საშუალების მძღოლის მიერ მოძრაობის დადგენილი სიჩქარის გადაჭარბება 10 კმ/სთ მაინც შეუძლია, რასაც პრქატიკულად ყველა მძღოლი ხელოვნურად იყენებს.გამომდინარე იქიდან, რომ სიჩქარის განმსაზღვრელი კამერები ყველგან არ მუშაობს, ვთვლით, რომ აუცილებელია დასახლებულ პუნქტებში მაქსიმალური სიჩქარე განისაზღვროს 50 კ/სთით, ხოლო ქალაქებში, ყველგან მაქსიმალური დასაშვები სიჩქარე გახდეს 40 კმ/სთ.სტატისტიკის მიხედვით, საგზაო შემთხვევების 23-26 % სიჩქარის გადაჭარბებაზე მოდის.განსაკუთრებული რისკის ქვეშ არიან სატრანზიტო გზებთან მცხოვრები ადამიანები, სკოლებთან და საბავშვო სკვერებთან მოსიარულე ბავშვები და ცხოველებიც კი, რომლებიც ასობით იხოცება გზებზე.ვფიქრობთ, ადამიანის სიცოცხლეზე ძვირფასი არაფერია. გვიან მისვლა სჯობს საერთოდ ვერ მისვლას.დავიცვათ მგზავრისა და ფეხითმოსიარულეების უფლებები.
gallery images

ბეტონის ჩონჩხები

მიიღოს ქალაქის მერიამ სპეციალური რეგულაციები და მიაწოდოს საქართველოს პარლამენტს საკანონმდებლო ინიციატივა, რათა დაიცვას თავისი მოქალაქეები თაღლითებისგან!ძალიან ბევრია ქალაქში დაუსრულებელი კორპუსები, ე.წ. ბეტონის ჩონჩხები!ყოველგვარი რეგულაციის გარეშე შეუძლია ნებისმიერ წინასწარ განზრახვით თაღლითურად შექმნილ კომპანიას წამოიწყოს მშენებლობა. მცირე დანახარჯის შემდეგ გაყიდოს „ჰაერი“, უამრავი კეთილსინდისიერი მყიდველი შეიყვანოს შეცდომაში და აორთქლდეს, ისე რომ არავინ ამაზე პასუხს არ სთხოვს!უნდა დავასრულოთ თაღლითების მსხვერპლებმა ერთხელ და სამუდამოდ ეს უმსგავსობა!
gallery images

აიკრძალოს საქართველოში ტიკტოკი (არა ტიკტოკს)

აიკრძალოს საქართველოში აპლიკაცია "TikTok"-ი, რადგან არასრულწლოვანი ბავშვები, რომლებიც ჯერ კიდევ სკოლაში სწავლობენ დროს ფლანგავენ უაზრო ხელების ქნევაში. ამას რომ თავი დავანებოთ არის ჩინური აპლიკაცია, რომლიდანაც პირად მონაცემებს იპარავენ და არაა სანდო. აიკრძალოს TikTok !!!