add one
gallery images

უარი მწვანე პასპორტს

უარი მწვანე პასპორტს, პეტიცის შექმნილია იმ ჯგუფების მიმართ ვინც თვლის რომ მწვანე პასპორტის გამოცემით მათი უფლებები იზღუდება და დისკრიმინაცის მსხვერპლი არიან, ხელმომწერები აცხადებენ უარს კოვიდ მწვანე პასპორტებზე რადგან არ ენდობიან კონკრეტულად კოვიდის აცრას!
gallery images

თანამდებობიდან გადადგეს ამირან გამყრელიძე, პაატა იმნაძე და თენგიზ ცერცვაძე.

მოვითხოვთ თანამდებობიდან გადადგეს ამირან გამყრელიძე, პაატა იმნაძე და თენგიზ ცერცვაძე. აღნიშნული პირების არასწორი, აგრესიული და არაკვალიფიციური ქმედებების გამო, საქართველოს საავადმყოფოებში პერმანენტულად ხდება  პაციენტების გარდაცვალება, გარდაცვლილთა რიცხვი აღწევს 10 000 (ათი ათასს), რაც არის არა მხოლოდ კორონა ვირუსის ბრალი, არამედ ავადმყოფის და ავადმყოფობის არასწორი მართვის შედეგი. უამრავი ფაქტი აქვს, იმასთან დაკავშირებით თუ რა ხდება, ე.წ ბოქსირებულ პალატებში, რეანიმაციებში და როგორ ხდება პაციენტების არასწორი ინტუბაცია, რაც საბოლოოდ მათი სიკვდილის გამომწვევი მიზეზი ხდება.   უახლოეს მომავალში მსოფლიო ჯანდაცვის ორგანიზაციას წარვუდგენ ყველა ფაქტს. ასევე ეს პირები ყოველდღიურად გამოდიან ტელევიზიით  და აანონსებენ ადამიანების სიკვდილს, ლანძღავენ მოსახლეობას ირიბად,  რაც ნორმალურ ქვეყანაში და სახელმწიფოში დაუშვებელია. სტანდარტი რომლითაც ესენი საქართველოს მოსახლეობას  ესაუბრებიან არ შეესაბამება ჩვენი ქვეყნის მოსახლეობის განვითარების სტანდარტს შესაბამისად მოვითხოვთ ამ პირებმა დაუყოვნებლივ დატოვონ თანამდებობები და მათ ადგილზე დაინიშნონ ნორმალური თანამედროვე განვითარების და უნარების მქონე ადამიანები.
gallery images

დაუშვით სკოლა პირბადის გარეშე!!!

ბავშვებისთვის საათობით პირბადის ტარების ვალდებულება არის დანაშაული! რადგან აქვეითებს იმუნიტეტს, ნეგატიურად მოქმედებს ფილტვებსა და გულსისხლძარღვთა სისტემაზე. გარდა ამისა, ბევრი მშობელი წერს რომ ბავშვებს გაუხშირდათ თავის ტკივილები, მომატებული მთქნარება (რაც მიუთითებს ჟანგბადის უკმარისობაზე) ძილიანობა, მოთენთილობა. ბავშვები ზიან სკოლაში გათბობის გარეშე ღია ფანჯრებით ხშირად ორპირში რაც მეტად გამოიწვევს გაციებას და რესპირატორული დაავადებების რისკს!  მივცეთ ბავშვებს სუნთქვის საშუალება!!! ონლაინ სწავლა გამოსავალი არ არის! ყველას აქვს უფლება დაესწროს სასწავლო პროცესს! ნუ არღვევთ ბავშვების კონსტიტუციურ უფლებებს!  P.S.პირბადე სკოლაში ბავშვებს არ უკეთიათ: შვედეთში, ირლანდიაში, ჩეხეთში, სლოვაკეთში, უკრაინაში აშშ-ში და კიდევ სხვა ბევრ ქვეყანაში! დავიჯეროთ იმ ქვეყნებში ბავშვებს არ უფრთხილდებიან? 
gallery images

დაუშვით 5-16 წლის ბავშვების ნებაყოფლობითი ვაქცინაცია ფაიზერით

არაერთი მშობელი აცხადებს, რომ სურს მათი 5-16 წლის ასაკის ბავშვის ვაქცინაცია, იმ პირობებში, როდესაც ქვეყანაში ვაქცინით მოცვა არის დაბალი, ხოლო ინფექციის მაჩვენებლები მაღალია. გთხოვთ ხელი მოაწეროთ ამ პეტიციას, რათა ვთხოვოთ საქართველოს ჯანდაცვის სამინისტროსა და დაავადებათა კონტროლის ეროვნულ ცენტრს, დაუშვას 5-16 წლის ბავშვების ნებაყოფლობითი ვაქცინაცია შესაბამისი ავტორიზაციის მქონე ვაქცინით (Pfizer). კვლევებმა კარგი შედეგები აჩვენეს ამ ასაკობრივ ჯგუფში. დავიცვათ ჩვენი შვილები!
gallery images

ერთად, ბავშვების სიცოცხლის უფლების დასაცავად!

წინამდებარე პეტიციაზე ხელისმომწერნი მოვითხოვთ - სახელმწიფომ სრულად დააფინანსოს ონკოლოგიური დაავადებების მქონე ყველა ბავშვის მკურნალობა და რეაბილიტაცია, საქართველოში და მის ფარგლებს გარეთ, სავალდებულო გამგზავრების შემთხვევაში. საქართველოში წლიურად საშუალოდ 100 ბავშვს უდასტურდება ავთვისებიანი სიმსივნის დიაგნოზი. ბოლო 5 წლის განვალობაში 683 ბავშვს დაესვა კიბოს დიაგნოზი. სახელმწიფოს მხრიდან ბავშვის საქართველოში მკურნალობის დაფინანსება 23 000 ლარს შეადგენს თითო ბავშვზე. აღნიშნული თანხა იმდენად მიზერულია, რომ ხშირად კვების და ხარისხიანი მედიკამენტების შეძენის საშუალებასაც არ იძლევა ოჯახებისთვის. საქართველოში შეზღუდულია ბავშვთა ონკოლოგებისა და კლინიკების რაოდენობა. არ ტარდება სასიცოცხლოდ მნიშვნელოვანი პროცედურები ბავშვებში, მაგალითად როგორიცაა ძვლის ტვინის გადანერგვა და სხვა მაღალტექნოლოგიური ოპერაციები. შესაბამისად, ბავშვის გადასარჩენად მშობელს უწევს შვილის საზღვარგარეთ გამგზავრება სამედიცინო მომსახურების მიღების მისაღებად, რაც საშუალოდ 150 000 დოლარი ჯდება. სახელმწიფო, იმ ბავშვს რომელსაც საზღვარგარეთ უწევს მკურნალობის მიღება მხოლოდ 30 000 ლარით ეხმარება, რაც ნიშნავს იმას რომ სახელმწიფო არ ეხმარება ბავშვს და ოჯახები მხოლოდ კერძო პირების კეთილი შემოწირულობების იმედად არიან დარჩენილები. ბევრი ბავშვის სიცოცხლე შეეწირა სწორედ ფინანსების არ ქონას! ონკოლოგიური დაავადებების მქონე ბავშვები წლების განმავლობაში საკონტროლო კვლევებს საჭიროებენ რაც ასევე არ ფინანსდება სახელმწიფოს მხრიდან. ბავშვის უფლებათა კონვენციის, ბავშვის უფლებათა კოდექსის და ქვეყნის კონსტიტუციის თანახმად, ყველა ბავშვს აქვს უფლება, გადარჩეს, სარგებლობდეს ჯანმრთელობის დაცვის უმაღლესი სტანდარტით. თითოეული ბავშვი უნდა ცხოვრობდეს უსაფრთხოდ, რათა ფიზიკურ, მორალურ და ფსიქოლოგიურ განვითარებას ხელი არაფერმა შეუშალოს. სახელმწიფო კი ვალდებულია ყველაფერი იღონოს ბავშვების გადარჩენისა და ბედნიერებისთვის! ონკოლოგიური დაავადებების მქონე ბავშვების მშობლები გავერთიანდით რათა ერთად მოვითხოვოთ ბავშვების სიცოცხლის უფლების დაცვა დღეს! წინამდებარე პეტიციაზე ხელმოწერით მოვითხოვთ სახელმწიფომ იზრუნოს ბავშვებზე, რომლებიც ონკოლოგიურ დაავადებებს ებრძვიან, კერძოდ: სრულად დაფინანსდეს სიმსივნით დაავადებული ბავშვების მკურნალობისა და რეაბილიტაციის ხარჯები საქართველოში და მის ფარგლებს გარეთ, სავალდებულო გამგზავრების შემთხვევაში; სრულად დაფინანსდეს ონკოლოგიური დაავადებების მქონე ბავშვებისთვის საკონტროლო კვლევები მკურნალობასა და რეაბილიტაციის პერიოდში. სექტემბერი ბავშვთა სიმსივნეების შესახებ ცნობიერების ამაღლების საერთაშორისო თვეა!  პროექტი ხორციელდება ააიპ ბავშვთა სიმსივნეები და სუპერგმირების მიერ, USAID და EWMI Access მხარდაჭერით!
gallery images

გადავარჩინოთ სიცოცხლე, არა იძულებით ვაქცინაციას, არა კოვიდფაშიზმს

საქართველოს პრეზიდენტს, ქ-ნ სალომე-ნინო ზურაბიშვილს საქართველოს პარლამენტის თავ-რეს ბ-ნ კ. კუჭავას საქართველოს პრემიერ მინისტრს ბ-ნ ირაკლი ღარიბაშვილს ასლი საქართველოს უსაფრთხოების სამსახურის უფროსს ბ-ნ გრიგოლ ლილუაშვილს ასლი საქართველოს შსს მინისტრს ბა-ნ ვახტანგ გომელაურს ასლი საქართველოს გენერალურ პროკურორს ბ-ნ ირაკლი შოთაძეს ასლი საქართველოს თავდაცვის მინისტრს ბ-ნ ჯუანშერ ბურჭულაძეს ასლი საქართველოს დევნილთა, შრომისა და ჯან.დაცვის მინისტრს ქ-ნ ეკატერინე ტიკარაძეს პ ე ტ ი ც ი ა საქართველოს დამოუკიდებელ და მიუკერძოებელ სპეციალისტთა, მეცნიერთა, ექიმთა, იურისტთა და საზოგადო მოღვაწეთა თხოვნა-პეტიცია ბავშვთა მასობრივი ვაქცინაციის თაობაზე. მოგმართავთ საქართველოს მეცნიერები, საზოგადო მოღვაწენი, დამოუკიდებელი, იურისტები და ექიმები ფართო საზოგადოების მხარსაჭერით და გთხოვთ, არ იქნეს დაშვებული ქვეყანაში ბავშვთა მასობრივი ვაქცინაცია სიცოცხლისათვის საშიში ბიოტექნოლოგიური ვაქცინებით, რომელთაც შეუძლიათ, მიგვიყვანონ ბავშვთა მასობრივ დაავადებებთან და გამოიწვიონ სიკვდილიანობა. ბიოლოგიურ ვაქცინებს, შესაძლებელია, ჰქონდეთ ხანგრძლივი დროის შემდეგ ნეგატიური შედეგები. ჯერ კიდევ არ დასრულებულა ვაქცინაციების ექსპერიმენტი მთელ მსოფლიოში, შუსწავლელია მათი მოქმედების შედეგები. ვინაიდან ვირუსი განუწყვეტლივ განიცდის მუტაციას, ბავშვის ორგანიზმი კი შესანიშნავად უმკლავდება ინფექციას, ბავშვთა იმუნური სისტემის წყალობით, არავითარ აუცილებლობას არ წარმოადგენს ბავშვთა ვაქცინაცია. ეს უნდა განხორციელდეს მხოლოდ გამოცდილი და შესწავლილი ვაქცინით. მითუმეტეს შექმნილ სიტუაციაში, თუ ქვეყანაში ეპიდემიაა, კლასიკური აქსიომაა, რომ ეპიდემიისა და პანდემიის დროს ვაქცინაცია იკრძალება. ზრდასრულ ადამიანთა ვაქცინაციამ მიგვიყვანა ქვეყანაში სიკვდილიანობის ზრდასთან და მოგეხსენებათ, რომ ვიმყოფებით მეოთხე ადგილზე. მსოფლიო სტატისტიკის თანახმად, ოფიციალური საერთაშორისო საიტის Worfdometers. Info/coronavirus,--ის მონაცემებით. ამ საიტზე დაფიქსირებულია მსგავსი ტენდეცია მსოფლიოს მასშტაბით. კორონა ვირუსის საწინააღმდეგო ახალი ბიოტექნოლოგიური ვაქცინით შეიყვანება გენი რევერტაზის სახელით, რომლითაც ხდება გადაპროგრამება ორგანიზმის უჯრედებისა სპაიკ-ცილების სინთეზზე.ამ ცილების მეშვეობით ვირუსის ცილები აღწევენ უჯრედს შიგნით, მაშინ, როდესაც ანტისხეულები ჯერ კიდევ არ გამომუშავებულა ან მათი შემცირებისას ბავშვის ორგანიზმი გახდება ,,გადაშლილი წიგნი“ - ვირუსებისაგან დაინფიცირებისათვის ადვილად შესაღწევი. იმის გამო, რომ ე.წ. ვაქცინები შეიცავენ პოლისორბატ 80-ს. არის ვარაუდი, რომ ჰემატო-ენცეფალური ბარიერი გახდეს შესაღწევად. კვლევებით დადასტურებულია, რომ იწვევენ პრიონიულ დაავადებებს, მათ შეუძლიათ შეღწევა ტვინშიც კი. სპაიკცილების მუდმივი სინთეზი გენეტიკური მასალის ჩანერგვის შედეგად გამოიწვევს იმუნური სისტემის განადგურებას ბავშვებში და ასევე რთული და გაუთვალისწინებელი დაავადებების წარმოქმნას ჩვენ, როგორც ექიმთა წარმომადგენლები, ვაცხადებთ, რომ ბავშვების მასობრივ დაინფიცირებასა და სიკვდილში დამნაშავენი იქნებიან საქართველოს ხელისუფლება და შესაბამისი სტრუქტურები, რადგან ვაქცინის მწარმოებელი და მომწოდებელი კომპანიები საკუთარ თავზე არ იღებენ პასუხისმგებლობას, აგრეთვე პასუხისმგებლობას სრულიად არიდებს თავს სახელმწიფო და ამცრელი ექიმიც კი. ექსპერიმენტში იძულებით ჩართული საქრთველოს მოსახლეობა სრულიად დაუცველი და უფლებაშელახულია. ჯერ კიდევ არ არის გვიან, უარი ვთქვათ ამ პირობებში დაავადების თავისებურებებიდან გამომდინარე (სხვადასხვა გართულებანი, ვირუსის ხშირი მუტაციები და ა. შ) ბავშვთა ვაქცინაციაზე ამ დაავადებისათვის, მითუმეტეს დაანონსებულია ბავშვთა ვაქცინაცია 6 თვიდან 15 წლის ჩათვლით. იგივე განაცხადი იქნა ამ დღეებში გაკეთებული ორსულ ქალთა ვაქცინაციაზე. უპირობოდ მოვითხოვთ, დაუყოვნებლივ დაიწყოს გამოძიება სამოქალაქო სექტორში არსებული ამ დარგების მიუკერძოებელი სპეციალისტების სრული ჩართულობით, გამოძიების დასრულებამდე შწყდეს ვაქცინაციის პროცესი მოსახლეობის სწორი და სრულყოფილი ინფორმაციის მიზნით. მასმედიაში, კერძოდ კი საზოგადოებრივ მაუწყებელში მოგვეცეს პირდაპირი ეთერით სარგებლობის საშუალება გამყრელიძესა და მის კლასტერთან ერთად , რათა საზოგადოება ერთხელ და სამუდამოდ გაერკვეს არსებულ რეალობაში. დროა, ბოლო მოეღოს და დასრულდეს ე.წ. პანდემია. პეტიციაზე ხელისმომწერნი:
gallery images

ვაქცინის ალერგიის დროს როგორ მოვიქცეტ

მე ვარ ექიმი /მყავს სტუდენტი შვილი .მას ანამნეზში აქვს ალერგიული შოკის მაგვარი რეაქცია  გადატანილი ფუტკრის კბენაზე.ბავშვით მივმარტე თერჯოლის საავადმყოფოს პირველადი დასახმარებლად 3 წლის წინ.ამის შემდეგ ბავშვს სულ ჩანთაში დააქვს შოკის საწინააღმდეგო ნემსები .ამ აცრის გაკეტება მისტვის მე როგორც ექიმი ვთვლი არ შეიძლება   
gallery images
gallery images

თხოვნა პატრიარქს აცრის შესახებ

თქვენო უწმინდესობავ და უნეტარესობავ, ვითხოვთ კურთხევას. საქართველოში დღეს არსებული უმძიმესი პანდემიური სიტუაციის გამო მოგმართავთ უმორჩილესი თხოვნით, კერძოდ: გთხოვთ, როგორც მზრუნველმა მამამ, მისცეთ კეთილისმყოფელი მაგალითი თქვენს მრევლს და ჩაიტაროთ კოვიდ19-ის საწინააღდეგო ვაქცინაცია; დარწმუნებული ვართ, ამ თხოვნის საპასუხო თქვენმიერი წყალობის შემთხვევაში საქართველოს მოსახლეობას, რომლის დიდი უმეტესობა თქვენ გენდობათ, ანტიკოვიდური ვაქცინაციისადმი ნდობა კარდინალურად შეეცვლება უკეთესობისკენ და ქვეყანა ამოისუნთქავს ამ ჭირისაგან - კოვიდპანდემიისაგან. თქვენო უწმინდესობავ, მართალია, სინოდის დადგენილება არ ითვალისწინებს საპატრიარქოს მხრიდან ვაქცინაციის სარგებლიანობის პროპაგანდას, მაგრამ ჩვენ მაინც ასევე გთხოვთ, პიროვნულად მოუწოდოთ მოსახლეობას, რომ ანტიკოვიდური ვაქცინაცია არ შეიცავს რაიმე სახიფათო რელიგიურ ელემენტს და მოსახლეობის ჯანმრთელობის მასობრივად შენარჩუნებისათვის დღეს იგი უებარი წამალია. ჩვენ გვახსოვს თქვენი ადრინდელი მოწოდებები, რომლებიც ასევე არ იყო უშუალოდ რელიგიური ხასიათისა, მაგრამ წაადგა საქართველოს მოსახლეობას - თქვენს მრევლს სწორი პრიორიტეტების დასახვაში. გისურვებთ ჯანმრთელობას. გმადლობთ ყურადღებისათვის. ვითხოვთ დალოცვას. 
gallery images

დაუცველი ცხოვრება ვაქცინით,თუ დაუცველი ცხოვრება ვაქცინირებულად,გაურკვეველი მომავლით და შედეგებით

მოგესალმებით.ძან გაურკვეველი რამე ხდება ჩვენს თავს.სამუშაოებზე არღვევენ ხალხის პირად უფლებებს,უქმნიან ჯანმრთელობას საფრთხეს,უშვებენ/აშინებენ თუ არ გავიკეთებთ.ამავე დროულად ყველაფერი რის გამო?--ვაქცინის რომელიც არავინ არ არის აზრი მომავალში ვის ორგანიზმს როგორ მიუბრუნდება.რამდენ წელში და რა ფორმით ხომ საერთოდ(შესაძლოა კვირეებში ან თვეებში,რაც არაერთხელ მომხდარა)-ვაქცინა რომელიც არანაირად არ გიცავს და პირიქით გხდის ვირუსის მატარებელს,რომელიც შესაძლოა გადადო სხვა ადამიანს(რამოდენიმე ნაცნობზე ვისაც გაუკეთეს უთქვიათ,რომ 2-3 დღე შორს დაეჭირათ თავი ნათესავებისგან).-ვაქცინა არანაირად არ გიცავს სხვისგან გადადობიდან და გამრავლების შენი სახით სხვებში.აზრი ვაქცინის რომელიც არ ვიცით რას უშვება ადამიანს მომავალში,რას უზიანებს,რამდენად მიზანშეწონილია გაკეთება ნემსის,რომელიც არაფერს არ ცვლის,საერთოდ არაფერს.როცა ახალგაზრდები და ვისაც თანყოლი დაავადებები არ აქვთ,გადაიტანენ ადვილად,ყველანაირი სატესტოდ ვაქცინაციის გამოყენებით.     ევროსაბჭოს საპარლამენტო ასამბლეის 2361 (2021) რეზოლუცია ამტკიცებს ვაქცინაციის დანერგვის პრაქტიკის საერთაშორისო სამართლებრივ სტანდარტებს.,,ამ სტანდარტების გაანალიზება საშუალებას გვაძლევს დავასკვნათ, რომ ვაქცინაცია შეუძლებელია იყოს იძულებითი. ვაქცინაციის ნებაყოფლობა დადგენილია ცალსახად და უპირობოდ რეზოლუციის 7.3.1. პუნქტში, სადაც გათვალისწინებულია, რომ ვაქცინაცია არ არის აუცილებელი და ვერავინ ვერ აიძულებს ამ პროცედურის ჩატარებას ვერც პოლიტიკური, სოციალური და სხვა გარემოებების ზეგავლენით. ამ დოკუმენტის 7.3.2. პუნქტით აკრძალულია იმ ადამიანების დისკრიმინაცია, რომლებმაც უარი თქვეს ვაქცინაციაზე’’, - ხაზი გაუსვეს უმე-ში.ევროპის საერთაშორისო ორგანიზაციაში უმე - ს წარმომადგენლები დარწმუნებული არიან, რომ ,,იძულებითი ვაქცინაცია არის საერთაშორისო უფლებებისა და ბიოეთიკური სტანდარტების უხეში დარღვევა. სამუშაო ადგილებში დაუსაქმებლობა, სამსახურიდან განთავისუფლება, მომსახურების ხელმისაწვდომობაზე უარის თქმა ვაქცინაციის არ ქონის შემთხვევაში - ეს და სხვა მსგავსი საქციელი არის ადამიანის უფლებების უხეში დარღვევა’’.დოკუმენტში ასევე მითითებულია, რომ ,, რეზოლუცია ვაქცინაციას განსაზღვრავს, როგორც საზოგადოებრივ სიკეთეს და ღირებულებას, მოუწოდებს სახელმწიფოს არა მარტო მოსახლეობის ინფორმირებულობისაკენ მის ნებაყოფლობითობაზე, არამედ კომპენსაციას ზარალის მიყენების შემთხვევაში, თუ ვაქცინა ადამიანს ზიანს მოუტანს (პუნქტი7.1.5.). ამ დოკუმენტის ავტორები მიიჩნევენ, რომ ზიანი შეიძლება გამოწვეული იყოს თავად ვაქცინაციით. სამწუხაროდ უკვე რამდენიმე ქვეყანაში დაფიქსირდა ლეტალური შედეგი ვაქცინაციის შემდეგ’’.უმე-ში ყურადღება დაეთმო იმას, რომ ,, რეზოლუციის ნორმების მიხედვით სახელმწიფომ და ფარმაცევტულმა კომპანიებმა ვაქცინის წარმოების დროს უნდა დაიცვან უსაფრთხოების უმაღლესი სტანდარტები, ასევე ვაქცინაციის შედეგების შესახებ საზოგადოების გამჭირვალობა’’.ამასთან დაკავშირებით ევროსაბჭოს საერთაშორისო ორგანიზაციაში უმე-ს წარმომადგენლები თვლიან, რომ ვაქცინაციის პროცესი უნდა დაიწყოს ნებაყოფლობით, უსაფრთხოების უმაღლესი დონის დაცვით და ასევე საზოგადოების ფართო ინფორმირებულობით შესაძლო შედეგების შესახებ.
gallery images

გადაეცეს მეძუძურ დედებს რძის საწველი აპარატები

დედის რძე  ჩვილისთვის საუკეთესო საკვებია. მისი ალტერნატივა ბაზარზე არ არსებობს, ამასთანავე არ საჭიროებს ზედმეტ ხარჯებს.ყველა დედას აქვს უნარი, კვებისა და სოციალური ფონის მიუხედავად,  გამოიმუშავოს ის რძე, რაც მის ჩვილს ჭირდება.თუმცაღა, ლაქტაციის სწორად დაწყებასა და წარმართვას თავდაპირველად ხელშეწყობა სჭირდება , რაც დაკავშირებულია ფინანსებთან. პროცესი ხშირად წყდება ისეთი სირთულეებიდან გამომდინარე, როგორიცაა მასტიტი, რძის შემცირება და სამსახურში დაბრუნების აუცილებლობა.ამ ყველაფრის მოგვარებას ხელს უწყობს საწველი აპარატის გამოყენება. მისი მრავალფეროვანი ფუნქციები, ხელს უწყობს გამაგრებების დაშლას, რძის მომატებას და საჭიროების მიხედვით  მარაგის მოგროვებას სამსახურში გასვლის შემთხვევაში. ამერიკისა და ევროპის ქვეყნებში სახელმწიფო დაზღვევა ფარავს საწველი აპარატის შეძენის ან ქირის ხარჯებს.ლაქტაცია მარტივი გამოსავალია ბავშვთა შიმშილობისა და  სიკვდილიანობის, პოსტ სამშობიარო დეპრესიის ასარიდებლად. ბავშვის სიცოცხლისა და ჯანმრთელობის დასაცავად მეძუძური დედების  საწველი აპარატებით უზრუნველყოფა სახელმწიფოს მიერ წინ გადადგმული დიდი ნაბიჯი იქნება.
gallery images

შეწყდეს მონობა საქართველოში

საქართველოში არსებულმა მძიმე სოციალურ-ეკონომიურმა მდგომარეობამ, რეგულაციებისა და კანონის უზენაესობის აღსრულების არქონამ, კერძო სექტორის წახალისებამ თუ დაუსჯელობის სინდრომმა, ფაქტიურად ლეგიტიმური გახადა საქართველოში მონათმფლობელობა. ქსელურ მარკეტებში და საათობრივ ანაზღაურებაზე მომუშავე პირთა უფლებები პირწმინდად იღრვევა კაბალური ხელშეკრულებებით. დასაქმებულთა დიდი უმეტესობა მონურად მუშაობს იმ საარსებო მინიმუმისთვის, რომელიც საერთოდ ვერ აკმაყოფილებს ერთსულიანი ოჯახის საარსებო კალათასაც კი. არ არსებობს მკაცრად გაწერილი მენეჯმენტი.ფუდმარტი, იოლი, სპარი, ორი ნაბიჯი, სუფთა სახლი, ლიბრე, ნიკორა, მაგნიტი, ჯორჯიტა, ზღაპარი, გუდვილი, სმარტი და სხვა კომპანიები ადამიანის უფლებების, პატივისა და ღირსების უხეში დარღვევების ხარჯზე, ქსელური მარკეტების თანამშრომლების ფიზიკურ შრომაზე აკეთებენ ეკონომიას და იზრდიან ფინანსურ მოგებას. აღნიშნული შემაშფოთებელი რეალობიდან გამომდინარე, ჩვენ ხელის მომწერნი მოვითხოვთ კანონის უზენაესობას, აღსრულებას და რეგულაციებს. მოვითხოვთ საქართველოს მთავრობისაგან, პრემიერ მინისტრისგან და დევნილთა, შრომის, ჯანმრთელობისა და სოციალური დაცვის სამინისტროსგან სწრაფ და ეფექტურ რეაგირებას! - შემოწმდეს საქართველოში მოქმედი უკლებლივ ყველა ქსელური თუ სუპერმარკეტის შრომითი ხელშეკრულება.- აიკრძალოს ყველა კაბალური ხელშეკრულება, რომელიც ცალსახად გათვლილია მხოლოდ დამსაქმებელზე;- დამსაქმებლის მიერ მკაცრად იქნეს გაწერილი მენეჯმენტი;- გასამმაგდეს საათობრივი ანაზღაურება, როგორც დღის, ასევე ღამიც ცვლაში დასაქმებულ პირთათვის;- შრომითი ხელშეკრულებით აიკრძალოს ვადაგასული პროდუქციის ჯამური თანხის დასაქმებულთა ხელფასებიდან ჩამოჭრა, რადგან ის კომპანიები, რომლებსაც არ გააქვთ ვადაგასული პროდუქცია საკმაოდ მაღალ ბონუსებს უხდიან ქსელური თუ სუპერმარკეტების მესაკუთრეებს, ხოლო მესაკუთრეები ფაქტიურად სამმაგ და ოთხმაგ მოგებაზე მუშაობენ;- აიკრძალოს ცრუ ბრალდებებით, ზეპირსიტყვიერად, დაშინებითა და მონიტორინგის სამსახურის მუქარით თანამშრომელთა მტკიცებულებათა გარეშე სამსახურიდან გათავისუფლება;- დამსაქმებელს დაევალოს დასაქმებულის მიერ იძულებით გაცდენილი პერიოდის შრომითი გასამრჯელოს გადახდა არა უმეტეს 3 თვის თანამდებობრივი სარგოს ოდენობით;- დამსაქმებელმა თითოეულ თანამშრომელს გაუფორმოს სველი ბეჭდით დამოწმებული შრომითი ხელშეკრულების ორი ასლი, რომელთაგან ერთი დარჩება კომპანიაში, ხოლო მეორე გადაეცემა დასაქმებულს;- თითოეულ თანამშრომელს შრომით ხელშეკრულებასთან ერთად გაუფორმდეს ჯანმრთელობის დაზღვევა;- განსაკუთრებული ყურადღება მიექცეს ღამის ცვლაში მომუშავე დასაქმებულების ჯანმრთელობის მდგომარეობას და კომპანიების მიერ სავალდებულო გახდეს მათი ჯანმრთელობის მდგომარეობის წელიწადში ერთხელ კომპანიის ხარჯებით შემოწმება;- კომპანიებს დაევალოთ დასაქმებულთა უბედურ შემთხვევებზე დაზღვევა;- სტაჟირებაზე დასაქმებულ პირებს სტაჟირების პირველივე დღეს გაუფორმდეთ შესაბამისი შრომითი ხელშეკრულება, ხოლო ორკვირიანი სტაჟირების თანხად განისაზღვროს 100 ლარი;- აიკრძალოს არასრულწლოვანთა ღამის ცვლაში მუშაობა, ხოლო ფაქტის დაფიქსირების შემთხვევაში კომპანიას დაეკისროს ჯარიმა;- აღსრულებაში იქნეს მოყვანილი შრომის კოდექსში შეტანილი ცვლილება. ნორმირებული სამუშაო დროის ხანგრძლივობა არ აღემატებოდეს კვირაში 40 საათს, ხოლო ყოველი გადაცილებული საათზე დასაქმებულს დაერიცხოს ზეგანაკვეთური სახელფასო სარგო, თუნდაც ის მუშაობდეს სპეც ფორმის გარეშე;- თითოეული ქსელური მარკეტის მენეჯერი და ადმინისტრატორი კომპანიის ხარჯით უზრუნველყოფილ იყოს კორპორატიულ ნომრიანი ტელეფონით, ულიმიტო სასაუბრო დროითა და ინტერნეტით;- ქსელური თუ სუპერმარკეტების თითოეული თანამშრომელი კომპანიების ხარჯით უზრუნველყოფილი იყოს სამგზავრო ბარათით;- ქსელური თუ სუპერმარკეტებში დასაქმებულთათვის დაწესდეს საბონუსე სისტემა და პრემიები;- აიკრძალოს ყველა ისეთი მარკეტის ფუნქციონირება, რომელიც უზრუნველყოფილი არ არის დაცვის სამსახურის თანამშრომლებით;- კომპანიებს დაევალოთ თანამშრომლებისთვის სპეციალური, კეთილმოწყობილი სასადილო კუთხის გამოყოფა;- თითოეული ქსელური თუ სუპერმარკეტი უზრუნველყოფილი იყოს პირველადი სამედიცინო დახმარების ინვენტარით;- თითოეული ობიექტი შემოწმებულ იქნას სახანძრო უსაფრთხოებაზე, გამაფრთხილებელ ნიშნებზე და საევაკუაციო გეგმის არსებობაზე;- კომპანიების მხრიდან მკაცრად იქნას დაცული და კომპანიის ხარჯით უზრუნველყოფილი დასაქმებულთა სანიტარული ნორმები;- აიკრძალოს კომპანიემის მიერ მოლარე-კონსულტანტებისთვის თუ წარმოების ხაზის კონსულტანტებისთვის სამუშაო საათებში დაჯდომის აკრძალვა
gallery images

დაიშვას ქუჩაში პირბადი გარეშე გადაადგილება!

ამერიკის დაავადებათა კონტროლის გაიდლანების მიხედვით ქუჩაში პირბადის გარეშე გადაადგილება დაიშვება სხვადასხვა შემთხვევებში, კერძოდ:   . თუ გვაქვს საშუალება დავიცვათ 2 მეტრიანი დისტანცია . თუ ქუჩაში ყოფნის დროს ვსვამთ ან მივირთმევთ რაიმეს . თუ ვიმყოფებით ისეთ ადგილას, სადაც ვინმესთან ახლო კონტაქტი ნაკლებად შესაძლებელია   ზაფხულის სიცხესთან ერთად მეტად გაუსაძლისი ხდება ღია სივრცეში პირბადის ტარება, რის გამოც მივმართავთ საქართველოს მთავრობას მოთხოვნით, მოხსნან ღია სივრცეებში, სადაც შესაძლებელია 2 მეტრიანი დისტანციის დაცვა, პირბადეების სავალდებულო ტარება.
gallery images

ფსიქიატრიულებში შეიქმნას უფასო იოგას და მედიტაციის წრე, გაიმართოს საუბრები ინდივიდის განვითარებისთვის

საუკეთესო მკურნალობის გზა გაცნობიერებაა, მაგრამ ძირითადად ზედაპირულ, წამლებით მკურნალობას მივმართავთ , რაც  იწვევს პაციენტში არსებული  შინაგანი არეულობის გამომწვევი მიზეზების , მხედველობიდან კიდევ უფრო  მეტად დაკარგვას . განკურნების გზაზე პირველი ნაბიბიჯი გაცნობიერებაა, რომელშიც შეიძლება  სხვა ადამიანებიც დაგვეხმარონ გაზიარებით  , ჯანსაღი აზროვნების განვითარებით, იოგით, მედიტაციით . ამ ყველაფრის გარეშე წამლები, ციხეში გატარებული დრო  შეიძლება აღმოჩნდეს პრეზენტაბელური გადასაფარებელი ჭუჭყიან მაგიდაზე. თუ ადამიანი აგრძელებს ჩვეული ცხოვრების წესით ცხოვრებას, აზროვნებას, განცდას, დაყოფას , შინაგანი  ყრუ ჩუმი დაძაბულობა ღვივდება...   იმედი მაქვს ეს პეტიცია დააგროვებს საკმარის ხელმოწერას, ეს ბევრს ნიშნავს.
gallery images

შეიქმნას ძუძუს კიბოს ოპერაციის შემდგომი რეაბილიტაციის თანადაფინანსების სახელმწიფო პროგრამა

საქართველოში ონკოლოგიური  სამედიცინო სერვისი წარმოდგენილია ქირურგიული, რადიოლოგიური, მედიკამენტური (ქიმიოთერაპია, ჰორმონოთერაპია, იმუნუნოთერაპია) და მათი კომბინირებული ან კომპლექსური გამოყენების სახით. მკურნალობის აღნიშნული ფორმები ფინანსურად მხარდაჭერილია(სრულად ან ნაწილობრივ) სახელმწიფოს მხრიდან. ძუძუს კიბოს მკურნალობის შემდგომ პერიოდში, პაციენტები მიეკუთვნებიან კიბოს რეციდივისა და მეტასტაზების განვითარების მაღალი რისკის ჯგუფს. ისინი საჭიროებენ რეგულარულ პოსტოპერაციულ დაკვირვებას, ფიზიკური სტატუსისა (ECOG) და ფსიქო-ემოციური მდგომარეობის შეფასებას. სასიცოცხლოდ მნიშვნელოვანია სოციალური სერვისების მიწოდება, რომლებიც მიმართულია მათი ფიზიკური  და სოციალური რეაბილიტაციისაკენ, სიცოცხლის გახანგრძლივებისა და ცხოვრების ხარისხის გაუმჯობესებისაკენ.          ძუძუს კიბოს ოპერაციის შემდგომი რეაბილიტაცია (ფსიქოლოგიური, ფიზიკური) სახელმწიფოს მიერ არ ფინანსდება. სამწუხაროდ, ძუძუს კიბო, როგორც დიაგნოზი ჯერ კიდევ სტიგმატიზირებულია და დრამატულ ცვლილებებს ახდენს პაციენტთა ფიზიკურ, ფსიქიკურ და სოციალურ მდგომარეობაზე.  „გამარჯვებულ ქალთა კლუბი“, რომელშიც ძუძუს კიბოს დიაგნოზით ნამკურნალევი ქალები არიან გაერთიანებული, საქართველოში რეაბილიტაციის თანადაფინანსების სახელმწიფო პროგრამის დანერგვისთვის ხელმოწერების შეგროვებას იწყებს. ფსიქოლოგიური რეაბილიტაცია ძუძუს კიბოს დიაგნოზის მქონე პაციენტთა სულ ცოტა 50% იტანჯება სიმპტომებით, რომლებიც დაკავშირებულია დაავადებისა და მკურნალობის სტრესულ გარემოებებთან, შიშის, აღგზნების, დემორალიზაციის და დეპრესიის ჩათვლით. ხშირად ვითარდება ფსიქო-პათოლოგიური მდგომარეობა, როგორიცაა დეპრესია და პოსტტრავმული სტრესული დარღვევები. ფსიქოლოგიურმა დისტრესმა შესაძლოა გამოიწვიოს მკურნალობის არასასურველი შედეგები, სიცოცხლის წლების დაბალი ხარისხი, ტკივილის ძლიერი შეგრძნება, სუიციდისკენ მიდრეკილება. საქართველოში კიბოს კონტროლის ეროვნული სტრატეგიის განხორციელების სამოქმედო გეგმის მიზნებს შორის, მნიშვნელოვანია  მიზანი N7 „მკურნალობის გვერდითი ეფექტების მართვა და ონკოლოგიურ პაციენტთა ფსიქოსოციალური რეაბილიტაცია“. დეკლარირებული მიზნის მიუხედავად, სამწუხაროდ, საკითხზე პასუხისმგებელი სახელმწიფო უწყებების მხრიდან ონკოლოგიურ პაციენტთა ფსიქოლოგიური მხარდაჭერისა და ფსიქოსოციალური რეაბილიტაციის მიზნით რეალური ქმედებები  არ ხორციელდება. აღნიშნული სერვისების მიწოდება ონკოპაციენტებისათვის ფრაგმენტულია და ძირითადად დამოკიდებულია დონორი ორგანიზაციების  მიერ  სხვადასხვა პროექტების დაფინანსებაზე.    ფიზიკური რეაბილიტაცია ძუძუს კიბოს დიაგნოზით ნაოპერაციევ პაციენტთა პოსტოპერაციული ფიზიკური რეაბილიტაციის მთავარი მიზანია ნაოპერაციევ მხარეს აღდგეს ოპერაციის შემდგომი კიდურის მოძრაობის შეზღუდვა და დაძლეულ იქნას არასასურველი სიმპტომები: კიდურის ლიმფოსტაზი,  კუნთების ძალის დაქვეითება,  კიდურების  წვა, ტკივილი, მგრძნობელობის დაკარგვა, დაბუჟება და  შეშუპება,  ხერხემლისა და წელის მიდამოში ტკივილი, ტანადობის დარღვევა, წონის სწრაფი მატება.  „გამარჯვებულ ქალთა კლუბი“ ქვეყნის მასშტაბით ძუძუს კიბოს დიაგნოზით  ნაოპერაციევ 800-მდე ქალს აერთიანებს. კლუბი თბილისსა და საქართველოს სხვადასხვა რეგიონში ფუნქციონირებს (გურია, რაჭა, გურჯაანი, საგარეჯო, თელავი, ყაზბეგი...) და დონორი ორგანიზაციების მხარდაჭერით, სარძევე ჯირკვლის კიბოს დიაგნოზით ნამკურნალევ ქალთა ფიზიკურ და ფსიქოლოგიურ რეაბილიტაციასა და მათი შემდგომი რესოციალიზაციის ხელშეწყობაზე ზრუნავს.  მიუხედავად „გამარჯვებილ ქალთა კლუბის“  აქტივობებისა საქართველოში, ფინანსური ბარიერის გამო,  ძუძუს კიბოს დიაგნოზით ნაოპერაციევი  უამრავი პაციენტი პოსტოპერაციულ რეაბილიტაციის გარეშე რჩება.  ჩვენ, „გამარჯვებულ ქალთა კლუბში“ გაწევრიანებული ქალები ვიწყებთ ხელმოწერების შეგროვებას, ძუძუს კიბოს ოპერაციის შემდგომი რეაბილიტაციის თანადაფინანსების სახელმწიფო პროგრამის შექმნის მიზნით, რათა რეაბილიტაცია ყველა ქალისთვის ხემისაწვდომი გახდეს! გთხოვთ, შემოგვიერთდეთ და მოაწეროთ ხელი პეტიციას! მადლობას გიხდით მხარდაჭერისთვის! „გამარჯვებულ ქალთა კლუბი“