add one
gallery images

გაგრძელდეს ონლაინ სწავლება კავკასიის უნივერსიტეტში

როგორც უკვე ცნობილია, მიუხედავად ქვეყანაში არსებული კოვიდ სიტუაციისა, კავკასიის უნივერსიტეტი გეგმავს სწავლის პროცესის განახლებას აუდიტორიებში და ,ასევე, შუალედური გამოცდების უნივერსიტეტში ჩატარებას. მიგვაჩნია,რომ განათლების ხარისხის შენარჩუნებაზე პრიორიტეტული ამჟამად არის ადამიანების სიცოცხლე და ჯანმრთელობა. უნივერსიტეტის ტერიტორიაზე იქნება თუ არა სანიტარული ნორმები დაცული, ეს ვერ შეაკავებს ვირუსის გავრცელებას,რამეთუ უნივერსიტეტამდე მოსასვლელად მოგვიწევს რამდენიმე საზოგადოებრივი ტრანსპორტით სარგებლობა. ამასთანავე,შეუძლებელია უნივერსიტეტში სრულად ვიყოთ დაზღვეული ვირუსის გავრცელებისგან.პეტიციის მიზანია, გაუქმდეს  უნივერსიტეტის აღნიშნული გადაწყვეტილება და სწავლება გაგრძელდეს ონლაინ რეჟიმში,ვინაიდან სერიოზული საფრთხე ემუქრება სტუდენტებისა თუ მათი ოჯახის წევრების ჯანმრთელობას/სიცოცხლეს. გარდა ამისა, შემოგვთავაზონ შუალედური გამოცდების ჩატარების ალტერნატიული გზა ან გადანაწილდეს  ქულები ქვიზებზე.
gallery images

შეწყალება თეა სირაძეს ! 28 წლით პატიმრობამისჯილ ოთხი შვილის დედას !

შეიწყალეთ ოთხი შვილის დედა თეა სირაძე !ბატონო გიორგი,ვფიქრობთ, რომ თუკი საქართველოში ვინმე იმსახურებს შეწყალებას, ეს უპირველეს ყოვლისა სწორედ თეა სირაძე გახლავთ, რომელიც ოთხი შვილის დედა და გამოჩენილი ქართველი სპორტსმენია, ამასთანავე მისი სასჯელი, რბილად რომ ვთქვათ უაღრესად არაადეკვატურია და 28 წელს შეადგენს !37 წლის თეა სირაძეს, 2010 წელს 5 ინდოელი მამაკაცის ცემის გამო 28 წლიანი სასჯელი მიუსაჯეს. კიკბოქსინგში საქართველოს სამგზის ჩემპიონი, ოთხი შვილის დედის ბრალდება ოფიციალურად საკმაოდ მძიმეა, მას ადამიანის გატაცება, ფულის გამოძალვა და ხულიგნობა ედება ბრალად, თუმცა მსჯავრდებული ამ ბრალდებებს არ ეთანხმება და ამბობს, რომ 5 ინდოელი მამაკაცისგან თავს იცავდა. სასჯელი, 28 წელი ამინისტიის წყალობით შეუმსუბუქდა და ახლა მას 13 წელი დარჩა მოსახდელი. ქვემოთ მოგვყავს ამონარიდი მისივე მონათხრობიდან, რომლის გაბათილება დღემდე  არცერთი საჯარო სტრუქტურის წარმომადგენელს, არც კი უცდია...თეა სირაძე: " 5 ინდოელი მამაკაცი მაგრად ვცემე და ამიტომ დამაკავეს. მაშინ სასამართლომ 28 წელი მომისაჯა. ამნისტიის წყალობით, ეს წლები ჩამომაკლდა, სასჯელთა შეკრებითობაც გაუქმდა და საბოლოოდ, 13 წელი უნდა მოვიხადო. მართალია, ჩემს ბრალში აღნიშნულია, თითქოს გავიტაცე ინდოელები ფულის გამოძალვის მიზნით და ჩავიდინე ხულიგნობაც, მაგრამ ამ ბრალს არ ვეთანხმები. ინდოელებს ჩემი მეგობრის ვალი ჰქონდათ, მე მათ ამ ფულის უკან დაბრუნებას ვთხოვდი. 4. 500 დოლარი ჩემს მეგობარ გოგონას ვასესხე, სწორედ მისი ბიზნესპარტნიორები იყვნენ ინდოელები. უცხოეთში გასასვლელ ვიზებზე მუშაობდნენ, ფული წაიღეს და უკან აღარ უბრუნებდნენ. მეგობარმა შემომჩივლა, - შენი ფული მათ მივეცი და გადამაგდეს, ფულს აღარ მიბრუნებენო. ამის შემდეგ გადავწყვიტე მათთან შეხვედრა. მოვთხოვე, თანხა დაებრუნებინათ. თავიდან უარს ამბობდნენ, მაგრამ მერე მითხრეს, რომ 10 დღეში მომცემდნენ კუთვნილ თანხას. იმ დღეს ვარკეთილში ამ ფულის წამოსაღებად მივედი. სახლში 5 ინდოელი დამხვდა. ძალიან უხეშად მომმართეს, აგრესიულად იქცეოდნენ, სიტყვიერ შეურაცხყოფას მაყენებდნენ, იგინებოდნენ. ფაქტობრივად, იმ დროს მათგან თავს ვიცავდი. ხუთივე ბიჭს მაგრად ვცემე. რა მექნა, თავი ხომ უნდა დამეცვა?".თეა სირაძეს უფროსი შვილი ამჟამად 20 წლისაა, შემდეგი 12 წლის, ხოლო უმცროსები 7 და 8 წლის. მათ თეას დედა და მეუღლე ზრდის, მათ კი დედის მზრუნველობა და სითბო სწორედ ახლა ჰაერივით სჭირდებათ...ბატონო გიორგი, გვაქვს რა თქვენი სამართლიანობისა და ჰუმანურობის იმედი, ვთვლით, რომ თქვენ აუცილებლად უნდა შეიწყალოთ ოთხი შვილის დედა თეა სირაძე. ეს გადაწყვეტილება კი უდაოდ ერთადერთი სწორი და სამართლიანი იქნება, რადგან ყოველივე ზემოთქმულთან  ერთად თეა სირაძის 28 წლიანი პატიმრობა, უმძიმეს დანაშაულებებთან დაკავშირებული ივანე მერაბიშვილს, ბაჩანა ახალაისა და გიგი უგულავასა 5-10 წლიანი საპატიმრო ვადის ფონზე უსამართლობისა და ცინიზმის აპოგეის გარდა სხვა არაფრად შეიძლება შეფასედეს  !     
gallery images
gallery images

მოირეცხოს თბილისის ქუჩები!

მტვრიანი და დაბინძურებული ქუჩების პრობლემა ყოველ ზაფხულს განსაკუთრებით აქტუალური ხდება. გაუსაძლის სიცხეს ემატება მანქანების გამონაბოლქვი, მშრალი წესით ქვის ჭრის მტვერი, ხშრად დაუსუფთავებელი ქუჩები, ეს კი ქალაქში დაბინძურების დონეს მნიშვნელოვნად ზრდის.თბილისის მერია სათანადოდ არ უვლის იმ ქუჩებს, სადაც მანქანების ინტენსიური მოძრაობაა, ამიტომ ისინი მუდმივ მტვერშია გახვეული,ტროტუარების კიდეებში დაგროვილი, თვეობით მოურეცხავი ჭუჭყი, ყოველი მანქანის გავლისას ჰაერში მტვერდება და გაუსაძლის პირობებს ქმნის ქვეითების გადაადგილებისთვის.ვთხოვთ თბილისის მერიას და ქალაქის მერს, კახი კალაძეს, რეალურად გაიაზროს ეს პრობლემა და დაიწყოს თბილისის ქუჩების რეგულარული მორეცხვა. გახდეს თბილისი ქვეითებზე მორგებული ქალაქი!
gallery images

გაიხსნას თბილისში გივი ბერიკაშვილის სახელობის ქუჩა

დედაქალაქში ბევრ ქუჩას ისეთი ადამიანების სახელები ჰქვია, რომლებმაც რეალურად დიდი ვერაფერი მოუტანეს საქართველოს. მაგ:  ჯორჯ ბუში.  აღნიშნული პეტიციით, მოვითხოვთ, თბილისში, საქართველოსთვის 'რომელიმე' ნაკლებად მნიშვნელოვანი ადამიანის სახელობის ქუჩას გადაარქვან და დაარქვან ეროვნული კინემატოგრაფიის ერთ-ერთი ლეგენდის - გივი ბერიკაშვილის სახელი ! 
gallery images

იმუშაოს მეტრომ ღამის 3 საათამდე

ხალხი გვიან ამთავრებს მუშაობას და ერთერთი ყველაზე იაფი ტრანსპორტი მეტრო არის, ასე რომ მოვითხოვთ 3 საათამდე იმუშაოს მეტრომ, მთელი ღამე ხო არ ვითხოვთ 3მდე მხოლოდ
gallery images

ადაპტირებული ტრანსპორტი შეზღუდული შესაძლებლობის მქონე პირებისთვის!

მიუხედავად არაერთი მოთხოვნისა, შეზღუდული შესაძლებლობის მქონე პირთათვის არ არსებობს ადაპტირებული ტრანსპორტი. ეტლით მოსარგებლეებს უჭირთ გადაადგილება შორ მანძილებზე. ჩვენი ორგინიზაციის თხოვნაა, ქალაქ ქუთაისში იმოძრაოს თუნდაც ერთმა ადაპტირებულმა ავტობუსმა, რომელიც მოემსახურება როგორც შეზღუდული შესაძლებლობების მქონე პირებს, ასევე ნებისმიერ მოქალაქეს.
gallery images

ყველას ჩაგვეთვალოს 36-ე დავალების 5 ქულა! ვითხოვთ სამართლიანობასა და თანასწორობას!

2018 წლის გეოგრაფიის ერთიანი ეროვნული გამოცდის ტესტში იყო დავალება, რომლის სწორი პასუხის შემცველი ინფორმაციის ცოდნა აბიტურიენტს არ მოეთხოვებოდა ,ან და მოეთხოვებოდა ,თუმცა ამის სწავლის შესაძლებლობა წიგნებიდან არ ჰქონდა, საუბარი მაქვს 36-ე დავალებაზე. მართალია ,რომ მოცემული საკითხი (36-ე დავალება) პროგრამული იყო თემიდან გამომდინარე, თუმცა ჩვენ არ გვქონდა არანაირი ინფორმაცია მსოფლიოში მიმდინარე უახლესი პროცესების შესახებ, რადგან არცერთ გრიფმინიჭებულ სასკოლო წიგნში არ არის ამის შესახებ პარაგრაფი. ეს გამოწვეულია იმით, რომ ყველა სკოლის წიგნი დაბეჭდილია 2016 წლამდე. 2016 წელს ვახსენებ იმის გამო, რომ ზემოთხსენებულ დავალებაში კითხვა იყო დაკავშირებული ამ წლის მოვლენებთან. შესაბამისად, ჩვენ ვერ გვეცოდინებოდა ამ დავალებაზე პასუხი და საერთო ჯამში, ჩვენ თეორიულად, წიგნებიდან გამომდინარე, 59 ქულის ნაცვლად 54ქულის აღება შეგვეძლო . (აქვე აღვნიშნავ იმასაც, რომ სრულიად შესაძლებელი იყო მსგავსი თემიდან კითხვის დასმა წიგნებდან გამომდინარე, თუმცა ეს ასე არ გაკეთდა). ამ ხუთქულიანი დავალების შესრულებაში დაგვეხმარებოდა მხოლოდ მედია და ინტერნეტი, რაც დაუშვებელია, რადაგან პროგრამაში არ არის მითითებული რომ აბიტურიენტები, მასმედიითაც უნდა ხელმძღვანელობდნენ საგამოცდოდ მეცადინეობისას. არ მგონია, გამოცდების ეროვნული ცენტრის რეკომენდაცია იყოს ის, რომ აბიტურიენტი იჯდეს ტელევიზორთან ან კომპიუტერთან და თვალს ადევნებდეს პოლიტიკურ სიახლეებს. მოგეხსენებათ, იქნებოდნენ აბიტურიენტები, რომლებმაც ეს დავალება შეძლებისდაგვარად შეასრულეს მასმედიის წყალობით და ამით ჩვენზე მაღალი ქულის აღება შეძლეს, გამოდის რომ ჩვენ არათანაბარ სიტუაციაში გამოვდიოდით. მოცემულ პრობლემასთან დაავშირებით, აბიტურიენტთა უმრავლესობა პროსტესტს გამოვთქვამთ. იმ აბიტურიენტებს, რომლებსაც ამ კონკრეტული დავალების დაძლევა არ გაუჭირდათ, გაუმართლათ მხოლოდ იმიტომ, რომ სხვა არჩევით საგნებში მიღებულმა ცოდნამ (კონკრეტულად სამოქალაქოსა და ისტორიაში) მისცა მეტი ქულის აღების საშუალებას. ამასთანავე, გამოცდების წინ არ გაკეთებულა კომენტარი იმასთან დაკავშირებით, რომ ტექსტის სტრუქტურაში იკარგებოდა დავალება "ინფოემაციის ტრანსფორმაცია" და გვთავაზობდით "ინფორმაციის ანალიზს" არაანალიზური ტიპის კითხვებით. ასევე,ვერაფრით ვერ გაგვაგებინეს რით იყო შეცვლილო შესაბამისობების დავალებები, აქვე აღვვიშნავ, რომ აბიტურიენტთა უმეტესობას საერთოდ არ ჰქონდა ინფორმაცია აღნიშნულ ცვლილებაზე.თქვენი მხარდაჭერის იმედი გვაქვს და სამომავლოდ ველით სახელმძღვანელოს, რომელიც პროგრამას მთლიანად მოიცავს და აღარ გამოიწვევს უთანხმოებას.აღნიშნულიდან გამომდინარე, აბიტურიენტთა ნაწილი ვითხოვთ, რომ გაბათილდეს მოცემული დავალება და ყველა აბიტურიენტს დაეწეროს 5 ქულა 36-ე დავალებაში, წინააღმდეგ შემთხვევაში, პროტესტი გახდება უფრო ფართომასშტაბიანი. 
gallery images

მოვითხოვთ, მიღებულ იქნას კანონი „საქართველოში ფინანსური პირამიდების აკრძალვის შესახებ!“

საქართველოს პრემიერ-მინისტრს, პრეზიდენტს, ფინანსთა მინისტრს, ეკონომიკისა და მდგრადი განვითარების მინისტრს, პარლამენტის საფინანსო-საბიუჯეტო კომიტეტის თავმჯდომარეს, ეროვნული ბანკის პრეზიდენტს. უკანასკნელი რამოდენიმე ათეული წლის მანძილზე, ჩვენ არაერთხელ გავხდით მოწმენი საქართველოსა და ყოფილი საბჭოთა კავშირის სხვა ქვეყნებში სხვადასხვა ტიპის ფინანსური ორგანიზაციების შექმნისა, რომელთა სოლიდური ნაწილი შემდგომში მხილებულ იქნა არაკეთილსინდისიერ ან თაღლითურ საქმიანობაში. როგორც ვხედავთ, ამ პრობლემას აქტუალობა ჯერაც არ დაუკარგავს.კვლავაც იქმნება ან უცხოური კომპანიების ფილიალების სახით რეგისტრირდება საეჭვო წარმომავლობისა და ფინანსური სტრუქტურის მქონე ორგანიზაციები. სამწუხაროდ, ჩვენს მოქალაქეებში ეკონომიკური საკითხების მწირი ცოდნა ხშირად ხდება საფუძველი მათი ჩათრევის სხვადასხვა ტიპის თაღლითურ სქემებში.აღნიშნულ თაღლითურ კომპანიებს, რომელთა გავრცელებულ სახეობას წარმოადგენს ფინანსური პირამიდა, მოაქვთ კოლოსალური ზარალი, როგორც მათში ჩართული პირებისთვის, ასევე თითოეული ჩვენი თანამოქალაქისთვის. ქვეყნიდან უკუგებისა და ყოველგვარი კონტროლის გარეშე გაედინება ათეულობით მილიონი აშშ დოლარი, რაც თავისთავად მკვეთრად უარყოფით გავლენას ახდენს ეროვნულ ვალუტაზე. ასეთი კომპანიების საქმიანობა მეტწილად შემოსავლების სამსახურის მხედველობის მიღმა რჩება და სახელმწიფოს დიდი ზარალი ადგება.თვალსაჩინოებისათვის, გვინდა გამოვყოთ აზიური კომპანია Qnet-ის საქმიანობა ჩვენს ქვეყანაში, რომლის წევრთა რიცხვი უკვე საგანგაშოა. სხვადასხვა მონაცემებით, მასში ჩართულია 30-დან 60 ათასამდე ჩვენი მოქალაქე, რაც იმას ნიშნავს, რომ ქვეყნიდან უკვე მოხდა 50-100 მილიონი აშშ დოლარის გადინება. ამას გარდა, ამ კომპანიის წევრთა უმეტესობა ადგილობრივ ფულად ოპერაციებს ახორციელებს ნაღდი ანგარიშცწორებით და თავს არიდებს საგადასახადო ვალდებულებებს.არსებობს არაერთი პირდაპირი თუ ირიბი მტკიცებულება იმისა, რომ კომპანია Qnet-ი წარმოადგენს წმინდა წყლის ფინანსურ პირამიდას, რომელიც უნიჭოდაა შენიღბული მრავალდონიანი ქსელური მარკეტინგით. სწორედ ამის გამო, კომპანია Qnet-ი რიგ ქვეყნებში აკრძალულია და მისი ადგილობრივი ორგანიზატორები იხდიან სასჯელს. მიგვაჩნია, რომ ფინანსური პირამიდები და მსგავსი თაღლითური კომპანიები დიდ ზიანს აყენებენ ჩვენი ქვეყნის ეკონომიკას და უმძიმესი მატერიალურ-მორალური შედეგები მოაქვთ მათში ჩართული ადამიანებისთვის.ჩვენ, ქვემორე ხელის მომწერნი, მოვითხოვთ შემჭიდროვებულ ვადებში მიღებულ იქნას კანონი „საქართველოში ფინანსური პირამიდების აკრძალვის შესახებ“ და დაევალოთ შესაბამის უწყებებს ამ კანონის ზედმიწევნით აღსრულება!
gallery images

“ქართული იდეის“ მიმართვა ორი პრეზიდენტისადმი

ამერიკის შეერთებული შტატების პრეზიდენტს, ბ-ონ დონალდ ტრამპსრუსეთის ფედერაციის პრეზიდენტს, ბ-ონ ვლადიმერ პუტინს                                      მ  ი  მ  ა  რ  თ  ვ  ა პატივცემულო ბატონო პრეზიდენტებო! მოგმართავთ ქართველი ხალხის მნიშვნელოვანი ნაწილის სახელით და გვსურს, მოკლედ გაგიზიაროთ ჩვენი ხედვები იმ პროცესებისა, რასაც ადგილი აქვს მსოფლიოში და კერძოდ, პატარა, მაგრამ უძველესი ისტორიისა და მდიდარი კულტურის მქონე საქართველოში. გვსურს, თქვენი ყურადღება მივაპყროთ იმ მისწრაფებებს, მოსაზრებებს, მიღწევებს, პრობლემებს და მიზნებს, რაც ქართველ ხალხს გააჩნია. ცხადია, რომ მსოფლიო, რომელშიც ვცხოვრობთ, სწრაფი ტემპით იცვლება. იცვლება მსოფლიო პოლიტიკის პრიორიტეტებიც. გლობალიზაციისა და მსოფლიო თავსმოხვეული ინტეგრაციის პირობებში უდიდესი მნიშვნელობა ენიჭება ამერიკასა და რუსეთს შორის თანასწორუფლებიანი პარტნიორობის დამყარებას, რათა ჩვენს პლანეტაზე მშვიდობამ და სტაბილურობამ დაისადგუროს. ამდენად, ჩვენ მივესალმებით ამერიკის 45-ე პრეზიდენტად დონალდ ტრამპის არჩევას და მხარს ვუჭერთ მის განზრახვას, მნიშვნელოვნად გააუმჯობესოს ურთიერთობები რუსეთთან. ეს მნიშვნელოვანია არა მხოლოდ საქართველოსთვის, არამედ ყველა ქვეყნისთვის და შექმნის ხელსაყრელ ფონს მსოფლიოში არსებული არაერთი პრობლემის მოსაგვარებლად. რაც მთავარია, ასეთ შემთხვევაში მსოფლიო გაცილებით უსაფრთხო გახდება.ამერიკის შეერთებული შტატები საქართველოს უმნიშვნელოვანესი სტრატეგიული პარტნიორია. საქართველოს ახლანდელი პოლიტ-ელიტა, მხარდაჭერილი და მართული მილიარდერი ჯორჯ სოროსისა და სენატორ ჯონ მაკკეინის მიერ, აშშ–ს საპრეზიდენტო არჩევნებში აქტიურად უჭერდა მხარს ჰილარი კლინტონს. საქართველოს მართული მედია-საშუალებები ხშირად დაუსაბუთებლად აკრიტიკებენ პრეზიდენტ ტრამპის კურსს, რაც არასახარბიელო ფონს ქმნის ჩვენს ურთიერთობებში. ამიტომ, ჩვენმა პოლიტიკურმა პარტიამ – „ქართული იდეა“ და მისმა მხარდამჭერებმა დავიწყეთ მასობრივი საპროტესტო აქციები იმ მიზნით, რომ საქართველოს ხელისუფლების ყურადღება მივაპყროთ ქვეყანაში არსებულ პრობლემებს და მოვუწოდოთ მას, გაიაზროს ის პროცესები და ცვლილებები, რასაც ადგილი აქვს თანამედროვე მსოფლიო პოლიტიკაში. სამწუხაროდ, პოლიტიკა, ხედვები და ქცევები ისეთი ადამიანებისა, როგორებიცაა ჯორჯ სოროსი და სენატორი მაკკეინი, ორიენტირებულია აშშ-სა და რუსეთს შორის კონფრონტაციის შენარჩუნებაზე, რაც ხელს უშლის არა მხოლოდ რუსულ-ქართული ურთიერთობების დარეგულირებას, არამედ ძირს უთხრის რუსულ-ამერიკული ურთიერთობების გაუმჯობესებას.ვაცნობიერებთ რა ამის მნიშვნელობას, ამერიკის 45-ე პრეზიდენტის ინაუგურაციიდან სულ მალე პოლიტიკურმა პარტიამ „ქართული იდეა“ თბილისში მოვაწყვეთ მრავალრიცხოვანი კონტრაქცია სახელწოდებით „ანტი–სოროსი“ და ამგვარად გავაპროტესტეთ ვაშინგტონსა და მსოფლიოს სხვა ქალაქებში (მათ შორის თბილისში) ფემინისტური ორგანიზაციებისა და გლობალისტების მიერ სოროსის მხარდაჭერით გამართული აქციები. სწორედ ჯორჯ სოროსი აფინანსებდა ე.წ. „ფერად რევოლუციებს“ სხვადასხვა ქვეყნებში, რამაც ეს სახელმწიფოები სიხლიან მოვლენებამდე, ქაოსამდე და არასტაბილურობამდე მიიყვანა. ასე მოხდა როგორც საქართველოში, ისე უკრაინაში. ჩვენ მივესალმებით პოლიტიკურ გადაწყვეტილებებს, რომლებსაც იღებს და მომავალში მიიღებს პრეზიდენტი ტრამპი და რომლებიც ეხება აშშ-ს შიდა და საგარეო პოლიტიკის საკითხებს, მიზნად ისახავს ამერიკის მოქალაქეების ცხოვრების გაუმჯობესებას, ჭეშმარიტი ქრისტიანული და სამოქალაქო ღირებულებების დამკვიდრებას, ეფექტურ ბრძოლას ისეთ უზნეო გამოვლინებებთან, როგორიცაა არატრადიციული სექსუალური ურთიერთობების პროპაგანდა და სხვა სახის გადახრები ქრისტიანული და არა მხოლოდ ქრისტიანული მორალის ნორმებიდან. მით უმეტეს, რომ საქართველო უძველესი ქრისტიანული სახელმწიფოა, სადაც ისეთი ღირებულებები, როგორიცაა ღვთის რწმენა, სამშობლო და ოჯახი ყველაზე წმინდა ღირებულებებს წარმოადგენს.აშშ და დასავლეთის სახელმწიფოები აქტიურად უჭერენ მხარს საქართველოს ტერიტორიულ მთლიანობას. თუმცა, ჩვენ ვაცნობიერებთ, რომ ეს არასაკმარისია და აუცილებელია რუსეთის ხელისუფლებასთან პირდაპირი პოლიტიკური დიალოგის გააქტიურება იმ პრობლემების მოსაგვარებლად, რაც თანამედროვე საქართველოს ტერიტორიაზე მცხოვრებ  ხალხს აღელვებს. მით უმეტეს, რომ რუსეთის ხელისუფლებამ და პირადად პრეზიდენტმა პუტინმა  ქართულ მხარეს ამისკენ არაერთხელ მოუწოდეს. ამ დიალოგისკენ ჩვენ მოგვიწოდებდნენ და მოგვიწოდებენ ასევე ჩვენი დასავლელი პარტნიორებიც. რუსეთის ფედერაცია ჩვენი დიდი მეზობელია, რუსებს და ქართველებს ერთმორწმუნეობა (რაც ჩვენთვის ძალიან მნიშვნელოვანია), კეთილმეზობლობა და საბჭოთა კავშირის არსებობის წლებში განსაკუთრებული, თბილი დამოკიდებულება გვაკავშირებდა. ჩვენი წინაპრები ერთად იბრძოდნენ მეორე მსოფლიო ომში და მსოფლიოს ფაშიზმისგან ათავისუფლებდნენ. საუკუნეების განმავლობაში ქართველები და რუსები ასევე გვერდი-გვერდ ომობდნენ საერთო მტრების წინააღმდეგ და არაერთხელ გაუთავისუფლებიათ ქართული ისტორიული მიწები დამყრობლებისგან. სამწუხაროდ, ჩვენს ურთიერთობებში იყო და არის შავი ლაქებიც, რაც არ შეესაბამებოდა და არც დღეს შეესაბამება მართლმადიდებელი ერის ურთიერთობების ჭეშმარიტ სულისკვეთებას.საბჭოთა კავშირის დაშლის შემდეგ, ქართულ-რუსული ურთიერთობები მკვეთრად გაუარესდა. ჩვენ კარგად გვესმის, რომ ეს პროცესი თავსმოხვეული და მხარდაჭერილი იყო გარედან და ყველაზე უარეს ნიშნულს ურთიერთობებმა 2008 წლის აგვისტოში მიაღწია, როცა ჯორჯ სოროსის, სენატორ მაკკეინის და კლინტონების ოჯახის მარიონეტი მაშინდელი პრეზიდენტი მ. სააკაშვილი და მისი რეჟიმი ცხინვალის რეგიონის დაბომბვას შეუდგნენ.  შედეგად, გაჩაღდა შეიარაღებული კონფლიქტი რუსულ-ოსური და ქართული სამხედრო დანაყოფების მონაწილეობით. დიახ, სამხედრო მოქმედებები საკუთრი თანამოქალაქეების წინააღმდეგ დაიწყო არა საქართველომ, არამედ პირადად სააკაშვილმა, რომელიც 9 წლის განმავლობაში ქართველ ხალხს ატერორებდა, აუბედურებდა და არატრადიციულ ფასეულობებს ახვევდა თავს. თუმცა, ჩვენ მოვახერხეთ და განვთავისუფლდით ამ მოძალადე ნეოლიბერალებისაგან.ისტორიის, მით უმეტეს, უახლესი ისტორიის გაკვეთილებიდან დასკვნების გაკეთებაა საჭირო და წინსვლა არა კონფრონტაციის, არამედ საერთო შეხების წერტილების პოვნის, პრობლემების გადაწყვეტის  და რუსეთსა და საქართველოს შორის ნორმალური ურთიერთობების დამყარების მიმართულებით. ვშიშობთ, რომ დღევანდელი ხელისუფლების მიერ სააკაშვილისეული საგარეო კურსის გაგრძელების პირობებში ამის მიღწევა პრაქტიკულად შეუძლებელია. მაგრამ ჩვენ ძალისხმევას არ მოვაკლებთ, რათა საქართველოს ხელისუფლებამ გამოასწოროს გაფუჭებული ურთიერთობები როგორც ამერიკასთან, ისე რუსეთთან. ამას ჩვენი წინაპრების ისტორია, ჩვენი ქვეყნის მომავალი და საღი აზრი გვავალდებულებს. რუსეთისა და საქართველოს ხელმძღვანელების მხრიდან შესაბამისი პოლიტიკური ნების გამოვლენის შემთხვევაში შესაძლებელი იქნება ურთიერთმისაღები შედეგების მიღწევა.პატარა საქართველოს დიდი ისტორია, სულიერება, კულტურა და მრავალსაუკუნოვანი ქრისტინული ტრადიციები გააჩნია. თანამედროვე საქართველოში ბევრი პრობლემაა – ტერიტორიული, პოლიტიკური, ეკონომიკური, სოციალური, დემოგრაფიული და სხვა ხასიათის. თუმცა, ჩვენ გვჯერა, რომ  დროთა განმავლობაში მოვახერხებთ ყველა ამ სირთულის ღირსეულად დაძლევას.  საქართველოს არ სურს, იყოს დასავლეთსა და რუსეთს შორის უთანხმოების მიზეზი და ობიექტი. პირიქით, ჩვენ გვსურს, განვავითაროთ და განვამტკიცოთ ურთიერთობები როგორც აშშ-სთან, ისე რუსეთთან. ამდენად, ამ გზაზე ჩვენ  რუსეთთან მომავალში სტრატეგიული პარტნიორობის დამყარების მიმართულებით ვიმოძრავებთ. მით უმეტეს, რომ რუსეთი დიდი სახელმწიფოა და ჩვენ ერთმორწმუნე – მართლმადიდებელ, მრავალკონფესიურ და მრავალეროვნულ ქვეყნებს წარმოვადგენთ.ჩვენ ძლიერ ვაფასებთ იმას, რომ ამერიკის შეერთებული შტატები ჩვენი უმნიშვნელოვანესი სტრატეგიული  პარტნიორია. ღმერთმა ქნას, რომ თქვენი უშუალო ძალისხმევის შედეგად ამერიკამ და რუსეთმა მიაღწიონ შემდგომ პროგრესს, მსოფლიოს სხვა სახელმწიფოებთან, მათ შორის ჩვენ ქვეყანასთან  მშვიდობისა და თანხმობის პირობებში. გამოვთქვამთ რწმენას, რომ თქვენი დახმარებით და საკუთარი ძალისხმევის შედეგად, საქართველო დაძლევს არსებულ პრობლემებს და საკუთარ წვლილს შეიტანს არა მარტო რეგიონის, არამედ მთელი მსოფლიოს უსაფრთხოების საქმეში.18 თებერვალს საზოგადოებრივ-პოლიტიკური მოძრაობა „ქართული იდეა“ თბილისის ცენტრში, პარლამენტის შენობასთან, მრავალრიცხოვან აქციას გამართავს, სადაც მოითხოვს ქვეყნის მმართველი ელიტისგან, გასწიოს სერიოზული ძალისხმევა ამერიკის ახალ ადმინისტრაციასთან ახლო ურთიერთობების დასამყარებლად და რუსეთის ხელმძღვანელობასთან, თანადათანობით, პარტნიორული ურთიერთობების დამყარების მიმართულებით; ასევე გადადგას მტკიცე ნაბიჯები ქვეყნის წინაშე არსებული პოლიტიკური და ეკონომიკური ხასიათის არაერთი პრობლემის მოსაგვარებლად. პატივისცემით, ლევან ჩაჩუა – საზოგადოებრივ-პოლიტიკური მოძრაობა „ქართული იდეა“-ს თავმჯდომარე, ყოფილი პოლიტპატიმარი;დავით კარტოზია –  „ქართული იდეა“-ს პოლიტიკური საბჭოს მრჩეველი საერთაშორისო საკითხებში.   
gallery images

აბიტურიენტების 2%-ს, რომლებმაც 2019 წლის ეროვნულ გამოცდებზე ჩააბარეს 4-ვე საგანი, მაგრამ ვერ გააკეთეს შესაბამისი არჩევანი, უფლება მიეცეთ ჩაირიცხონ იმ უნივერსიტეტებში, სადაც აკმაყოფილებენ საკონკურსო ქულებს

საქართველოს პარლამენტის განათლების, მეცნიერების და კულტურის კომიტეტს, განათლების სამინისტროს და სსიპ შეფასების და გამოცდების ეროვნულ ცენტრს, მოგმართავთ თხოვნით: ჩვენი აბიტურიენტების 2% -მა ერთიან ეროვნულ გამოცდებზე ჩააბარა 4-ვე საგანი და გადალახა კონკრეტულ საგანმანათლებო პროგრამაზე მითითებული კომპეტენციის მინიმალური ზღვარი, თუმცა ახალგაზრდული გამოუცდელობის გამო ვერ გააკეთეს შესაბამისი არჩევანი - უნივერსიტეტების ჩამონათვალში ვერ მიუთითეს შედარებით დაბალრეიტინგული საგანმანათლებლო პროგრამები, რაც, სასურველ უმაღლეს სასწავლებლებში საკონკურსო ქულების დაკლების შემთხვევაში, სხვა უმაღლეს სასწავლებლებში ჩარიცხვის საშუალებას მისცემდათ. აღნიშნული მიზეზის გამო, შეფასებისა და გამოცდების ეროვნულმა ცენტრმა აბიტურიენტების აღნიშნული 2% უმაღლესი სასწავლებლების გარეთ დატოვა, რაც უსამართლობაა. ჯერ ერთი, შეფასებისა და გამოცდების ეროვნული ცენტრის ვებგვერდზე ( naec.ge) გამოქვეყნებულ 2019 წლის საგამოცდო ცნობარში საერთოდ არ არის მოცემული რეგულაცია, თუ რა შედეგი უნდა მოჰყვეს, როცა აბიტურიენტი ვერ გააკეთებს შესაბამის არჩევანს სარეიტინგო ჩამონათვალში და დააკლდება საკონკურსო ქულები. აღნიშნული კი ეწინააღმდეგება კანონის განსაზღვრულობის პრინციპს. მეორეც, დაბალი საკონკურსო ქულების მქონე ვაკანსიებზე ჩარიცხვით მოგებული იქნება ყველა მხარე - აღნიშნული 2% სტუდენტებისა, რომელთაც გამოცდები ჩააბარეს, აკადემიურ სწავლას გააგრძელებენ, ასევე უნივერსიტეტები და სახელმწიფო, რომელიც დამატებით შემოსავლებს მიიღებს ბიუჯეტში. გთხოვთ აღნიშნული აბიტურიენტების 2%-ს მისცეთ შესაძლებლობა იმავე ან სხვა დაწესებულებაში გააგრძელონ სწავლა აბიტურიენტსა და დაწესებულებას შორის დადებული ხელშეკრულების საფუძველზე. პატივისცემით, დავით ბესტავაშვილი
gallery images

დაემატოს დიდ დიღომს საჭირო რაოდენობის მუნიციპალური ტრანსპორტი ! შეწყდეს მოსახლეობის უმწვავესი პრობლემის იგნორირება!

მოგეხსენებათ, დიდი დიღმის მოსახლეობა სავარაუდოდ, 50 ათას ადამიანს უტოლდება. დედაქალაქის გარეუბანი ინტენსიურ კავშირშია ქალაქთან. მოსახლეობისთვის საზოგადოებრივი ტრანსპორტით გადაადგილება აუტანელ კოშმარად იქცა. პრობლემა მუნიციპალური ტრანსპორტის სიმცირეა. ყოველდღიურად, განსაკუთრებით კი დილა - საღამოს მგზავრთა ნაკადი 1000-ჯერ და მეტად აჭარბებს ტრანსპორტის რაოდენობას. 2-3 საათიანი ლოდინის შემდეგ, ტრანსპორტის სალონში შესაღწევად დიდი ძალისხმევაა საჭირო. ჩვენი მოთხოვნები 3 პუნქტს მოიცავს:1. დიდი დიღმიდან გამავალ მუნიციპალური ტრანსპორტის ხაზებს დაემატოს მიკრო და მაკრო ავტობუსების რაოდენობა;2. შემცირდეს მგზავრთა ლოდინის შუალედი;3. დაინიშნოს ორთაჭალის მიმართულებით მუნიციპალური ტრანსპორტი.გთხოვთ, უმოკლეს ვადაში მოაგვაროთ ზემოაღნიშნული მოთხოვნები.P.S. პრობლემა მინიმალური და მოგვარებადია.პატივისცემით, დიდი დიღმის მოსახლეობა,საინიციატივო ჯგუფი "დიდი დიღმის მეგობრები" #გინდა_იყო_კარგი_მერი?_დაამატე_ლურჯი_MAN-ი. 
gallery images

ერთიანი ეროვნული გამცდები და შედეგები

მივმართავ საქართველოს პრეზიდენტს,მთავრობას და განათლებისა და მეცნიერების სამინისტროს. გთხოვთ ერთიანი ეროვნული გამოცდების შედეგების გამო დაუშვათ მეორადი ჩარიცხვები, ვინაიდან უნივერსიტეტის გარეშე დარჩნენ ის 482 ბავშვი, რომლებმაც ერთიანი ეროვნული გამოცდები ჩააბარეს, მაგრამ უნივერსიტეტში ვერ მოხვდნენ. სულ უნივერსიტეტებში თავისუფალია 15000-მდე ადგილი და მივიჩნევთ, რომ არასამართლიანი იქნება ამ ბავშვების გარეთ დატოვება. შეიძლება თქვათ, რომ ბავშვებს შეეძლოთ უნივერსიტეტების და ფაკულტეტების შეუზღუდავად ჩაწერა, მაგრამ გაითვალისწინეთ ისიც, რომ წლევამდელი აბიტურიენტების თითქმის ნახევარი 17 წლისაა, ამიტომ 17-18 წლის ბავშვები ერთი შეცდომის გამო ერთი წლით არ უნდა დაისაჯონ. გთხოვთ გაითვალისწინოთ ჩვენი მომართვა. გმადლობთ.
gallery images

სამართლიანი გათანაბრება მესამე და მეოთხე ვარიანტს!

მესამე და მეოთხე ვარიანტის აბიტურიენტები ვფიქრობთ, რომ ჩვენგან უპასუხოდ არ უნდა დარჩეს სრულიად გაუგებარი მეთოდით გათანაბრებული ნედლი ქულები, იმ ფონზე, რომ გაურკვეველ ალგორითმებსა და უმნიშვნელოდ განმასხვავებელ სტატისტიკაზე დაყრდნობით, ზოგ ვარიანტს +5-6-7 ქულა მოემატათ, სისტემამ კი ჩვენ მიმართ სრული უგულებელყოფა და გულგრილობა გამოიჩინა. სწორედ იმ სისტემამ, რომელმაც ჩანასახშივე მოგვისპო სწავლის სურვილი, როცა თავად უნდა გამხდარიყო მთავარი მოტივატორი. ვიმედოვნებთ, რომ ჩვენი გულწრფელი სურვილი და ერთიანი მონდომება, კვლავ თანაბარ პირობებში განვაგრძოთ კონკურსში მონაწილეობა, რეაგირების გარეშე არ დარჩება. #ჩვენგვჯერაცვლილებების 
gallery images

ჩვენ გვინდა #21დღებაქსვუდში

2009 წლიდან განათლებისა და მეცნიერების სამინისტროს ინიციატივით ყოველწლიურად იმართებოდა "ინგლისური ენის საზაფხულო სკოლა" ბაქსვუდის სკოლის ბაზაზე, რომელშიც მონაწილეობას იღებდნენ სხვადასხვა კონკურსში გამარჯვებული  მოსწავლეები საქართველოს ყველა კუთხიდან. ბაქსვუდის ინგლისური ენის საზაფხულო სკოლის თითოეული ნაკადი გრძელდებოდა 21 დღე. პროგრამა, რომელიც მოიცავდა როგორც აკადემიურ (ინგლისური ენის გაკვეთილები), ისე არააკადემიურ ნაწილს (სხვადასხვა სპორტული, შემოქმედებითი აქტივობები), გაწერილი იყო სწორედ 3 კვირაზე. შედეგად უმჯობესდებოდა მოსწავლეების ინგლისური ენის ცოდნის დონე, ლიდერული უნარ-ჩვევები; ახალგაზრდები იძენდნენ სრულიად ახალ გამოცდილებას, ეჩვეოდნენ დამოუკიდებელ ცხოვრებას,  უმეგობრდებოდნენ ერთმანეთს, შესაბამასად, ვითარდებოდა მათი კომუნიკაციური უნარ-ჩვევები; საზაფხულო სკოლის პირობებში მათ ჰქონდათ საშუალება საკუთარი თავის სრულად თვითრეალიზებისა. ამასთან, ყოველი ნაკადიდან გამორჩეული მოსწავლეები მიემგზავრებოდნენ დიდ ბრიტანეთში ინგლისური ენის შემსწავლელ კურსზე. ბაქსვუდში გატარებული 21 დღე ახალგაზრდებისთვის იყო მოტივაცია, ყოველწლიურად უფრო მეტი ეშრომათ და  მიეღოთ მონაწილეობა სხვადასხვა კონკურსში. როგორც გავრცელდა ინფორმაცია, სამინისტრო გეგმავს არა 21-დღიანი არამედ 7-დღიანი ბანაკების მოწყობას. 7 დღე ნამდვილად არ იქნება საკმარისი ზემოთჩამოთვლილი დადებითი შედეგების მისაღებად (როგორც წლების გამოცდილებამ გვიჩვენა, პირველი კვირა ადაპტაციის პერიოდია და მათი რეალური წინსვლა-განვითარება შემდგომ იწყება).სწორედ ამიტომ, მივმართავთ განათლებისა და მეცნიერების სამინისტროს, შეუნარჩუნოს ბანაკს ძველი ფორმატი, ხანგრძლივობა, რათა მოსწავლეებს კლავაც მიეცეთ საშუალება, მიიღონ ის სარგებელი, რაც წლების განმალობაში ათასობით მოსწავლემ უკვე გამოსცადა საკუთარ თავზე.