add one
gallery images

მოხდეს ინფრასტრუქტურის მოწესრიგება მუხიანი - 2 დასახლებაში.

10 წელზე მეტია, რაც მუხიანი -2 დასახლებასა და კერძოდ, მუხიანის აგარაკებზე, მათ შორის გამარჯვების და სამეგრელოს ქუჩებზე და მათთან მიმდიბარე ჩიხებში, რამოდენიმე კილომეტრიანი საგზაო მონაკვეთი კატასტროფულ მდგომარეობაშია. აღნიშნულ პრობლემას, თან ერთვის GWP მიერ პასუხისმგებლობის მოხსნა, აღნიშნული დასახლებისთვის საკანალიზაციო სისტემის მოწესრიგების შესახებ, რაც კიდევ უფრო ამძიმებს მოცემულობას.   მუდმივად მზარდ დასახლებაში, ასეულობით ოჯახი ცხოვრობს, რომელთაც ყოველდღიურად უწევთ გადაადგილება ტალახიან, დანგრეულ და სახიფათო გზაზე; მათ შორის მცირეწლოვანებსა და მოხუცებს, რომელთაც ჩანთით უწევთ ყოველდღიურად ორი წყვილი ფეხსაცმლის ტარება სკოლაში და მაღაზიაში მისასვლელად.   ვითხოვთ, მიეცეს დასახლებაში მაცხოვრებელ ასეულობით ოჯახს საშუალება, ადამიანურ პირობებში იცხოვრონ და გადაადგილნენ საკუთარ ოჯახებში. სირცხვილია, რომ 2021 წელს თბილისის ერთერთ ყველაზე დიდ უბანში ასეთი ვითარებაა შექმნილი. საკანალიზაციო სისტემა მოუწესრიგებელია, წყლის მიწოდება გრაფიკით ხორციელდება, საფეხმავლო ბილიკები ფიზიკურად არ არსებობს. მუდმივად ატალახებული გზა არამყარი ნიადაგით, საფრთხეს უქმნის მაღლობზე აშენებულ კერძო სახლებს და ნაგობებსაც.   ვითხოვთ სასწრაფო რეაგირებას!  
gallery images

Offline Exams = Offline Education; Online Education = Online Exams

Fellow SDSUG Students ! This petitions exists for only one purpose - let students demosntrate the knowledge they got on the lectures in a fair environment. If the exams are conducted offline, that should be the result of offline quality learning. Consequently, if the learning process is done online, then the exams should be online as well, because the quality of teaching differs a lot. One simple example is that most professors do not even try to explain concepts or problems on online lectures, they can simply share the screen of some random video and they get paid for that. Most professors (not all) do not feel responsibility of teaching while conducting lectures online, thus, offline lectures are much more efficient even in this sense - professors HAVE TO stand by the board and do something.Simply put, online education does not give students the knowledge to go and write the material offline that they did not learn because WERE NOT taught.The reality is that offline learning was indeed better than online learning, there was communication between lecturer and students and professors knew capability of students because she/he was the one who taught them the material in face-to-face manner.Our request is - Require as much knowledge from us as the university actually gives.Purpose: LEAVE EXAMS UP UNTIL 1 NOVEMBER - ONLINE 
gallery images

სწავლის განახლება აუდიტორიებში!

სტუდენტები მოვითხოვთ,რომ უნივერსიტეტში სწავლება გაგრძელდეს აუდიტორიებში,რადგან ონლაინ რეჟიმში,სტუდენტს არ ეძლევა საშუალება იმისა,რომ განათლება მიიღოს საჭირო რაოდენობით,სრული განათლების მისაღებად აუცილებელია სწავლის განახლება აუდიტორიებში. ამასთანავე, უნივერსიტეტს აქვს ყოველგვარი რესურსი იმისა, რომ სწავლა შერეული ფორმატით განაახლოს.
gallery images

ერთად, ბავშვების სიცოცხლის უფლების დასაცავად!

წინამდებარე პეტიციაზე ხელისმომწერნი მოვითხოვთ - სახელმწიფომ სრულად დააფინანსოს ონკოლოგიური დაავადებების მქონე ყველა ბავშვის მკურნალობა და რეაბილიტაცია, საქართველოში და მის ფარგლებს გარეთ, სავალდებულო გამგზავრების შემთხვევაში. საქართველოში წლიურად საშუალოდ 100 ბავშვს უდასტურდება ავთვისებიანი სიმსივნის დიაგნოზი. ბოლო 5 წლის განვალობაში 683 ბავშვს დაესვა კიბოს დიაგნოზი. სახელმწიფოს მხრიდან ბავშვის საქართველოში მკურნალობის დაფინანსება 23 000 ლარს შეადგენს თითო ბავშვზე. აღნიშნული თანხა იმდენად მიზერულია, რომ ხშირად კვების და ხარისხიანი მედიკამენტების შეძენის საშუალებასაც არ იძლევა ოჯახებისთვის. საქართველოში შეზღუდულია ბავშვთა ონკოლოგებისა და კლინიკების რაოდენობა. არ ტარდება სასიცოცხლოდ მნიშვნელოვანი პროცედურები ბავშვებში, მაგალითად როგორიცაა ძვლის ტვინის გადანერგვა და სხვა მაღალტექნოლოგიური ოპერაციები. შესაბამისად, ბავშვის გადასარჩენად მშობელს უწევს შვილის საზღვარგარეთ გამგზავრება სამედიცინო მომსახურების მიღების მისაღებად, რაც საშუალოდ 150 000 დოლარი ჯდება. სახელმწიფო, იმ ბავშვს რომელსაც საზღვარგარეთ უწევს მკურნალობის მიღება მხოლოდ 30 000 ლარით ეხმარება, რაც ნიშნავს იმას რომ სახელმწიფო არ ეხმარება ბავშვს და ოჯახები მხოლოდ კერძო პირების კეთილი შემოწირულობების იმედად არიან დარჩენილები. ბევრი ბავშვის სიცოცხლე შეეწირა სწორედ ფინანსების არ ქონას! ონკოლოგიური დაავადებების მქონე ბავშვები წლების განმავლობაში საკონტროლო კვლევებს საჭიროებენ რაც ასევე არ ფინანსდება სახელმწიფოს მხრიდან. ბავშვის უფლებათა კონვენციის, ბავშვის უფლებათა კოდექსის და ქვეყნის კონსტიტუციის თანახმად, ყველა ბავშვს აქვს უფლება, გადარჩეს, სარგებლობდეს ჯანმრთელობის დაცვის უმაღლესი სტანდარტით. თითოეული ბავშვი უნდა ცხოვრობდეს უსაფრთხოდ, რათა ფიზიკურ, მორალურ და ფსიქოლოგიურ განვითარებას ხელი არაფერმა შეუშალოს. სახელმწიფო კი ვალდებულია ყველაფერი იღონოს ბავშვების გადარჩენისა და ბედნიერებისთვის! ონკოლოგიური დაავადებების მქონე ბავშვების მშობლები გავერთიანდით რათა ერთად მოვითხოვოთ ბავშვების სიცოცხლის უფლების დაცვა დღეს! წინამდებარე პეტიციაზე ხელმოწერით მოვითხოვთ სახელმწიფომ იზრუნოს ბავშვებზე, რომლებიც ონკოლოგიურ დაავადებებს ებრძვიან, კერძოდ: სრულად დაფინანსდეს სიმსივნით დაავადებული ბავშვების მკურნალობისა და რეაბილიტაციის ხარჯები საქართველოში და მის ფარგლებს გარეთ, სავალდებულო გამგზავრების შემთხვევაში; სრულად დაფინანსდეს ონკოლოგიური დაავადებების მქონე ბავშვებისთვის საკონტროლო კვლევები მკურნალობასა და რეაბილიტაციის პერიოდში. სექტემბერი ბავშვთა სიმსივნეების შესახებ ცნობიერების ამაღლების საერთაშორისო თვეა!  პროექტი ხორციელდება ააიპ ბავშვთა სიმსივნეები და სუპერგმირების მიერ, USAID და EWMI Access მხარდაჭერით!
gallery images

გადავადდეს მე-4 კატეგორიის საწარმოების ფინანსური ანგარიშგების წარდგენა 1 წლით

მოგეხსენებათ,რომ ქვეყანაში ამოქმედებულია რეგულაცია ბუღალტრული აღრიცხვის, ანგარიშგებისა და აუდიტის ზედამხედველობის მიერ, რომელიც კომპანიებს ავალდებულებს 2021 წლის 1-ელ ოქტომბრამდე წარადგინონ 2018-2020 წლის შესაბამისი კატეგორიის ფინანსური ანგარიშგება. ეს რეგულაცია ვრცელდება მე-4 კატეგორიის საწარმოებზეც.  მე-4 კატეგორიის საწარმოებისათვის ფინანსური ანგარიშგების წარდგენის ვალდებულება ერთხეულ უკვე იქნა გადავადებული 2019 წელს,თუმცა ამის შემდგომ,2020 წლის დასაწყისში მოგეხსენებათ,რომ ქვეყანა მოიცვა მსოფლიო კოვიდპანდემიამ.ამან გამოიწვია ის,რომ დასაწყისისათვის ჩაიკეტა და დაიხურა ბევრი ბიზნესი,შემდგომში,ნაწილი იმ ბიზნესისა,რომელიც თავისი მონაცემებით მე-4 კატეგორიის საწარმოში გადიოდნენ,ან ვეღარ აღადგინეს ასე ადვილად თავიანთი საქმიანობა,ან აღდგენის შემთხვევაში უმეტესობას მოუწია კადრების შემცირება. ამას გარდა,ეს ეპიდემია შეეხო თითქმის ყველა ოჯახს,ზოგმა მოქალაქემ საკუთარ ჯანმრთელობის ხარჯზე გამოსცადა იგი , ზოგი ვერც გაუმკლავდა მას. ბოლო თვეების მონაცემებით,ვხედავთ თუ როგორ გაზრდილია სიკვდილიანობა. მოგეხსენებათ,ეს რამდენად დამთრგუნველად მოქმედებს მთელ საზოგადოებაზე. ბუღალტრები და ფინანსური  გაყოფილების წარმომადგენლებიც ამ საზოგადოების წევრები გახლავართ,რომელთაც ზოგმა საკუთარ ჯანმრთელობაზე გამოვცადეთ ამ ვერაგი ვირუსის მოქმედება,რითაც აბსოლუტურად დაგვიქვეითდა შრომისუნარიანობა და დღემდე ვებრძვით პოსტკოვიდურ მდგომარეობას,ზოგმა დავკარგეთ ახლობლები,ნაცნობები,კოლეგები. ბიზნესის მეპატრონეები ვეღარ არიან იმდენად გადახდისუნარიანები,რომ დაეფინანსებინათ ფინანსური ანგარიშგების წარდგენის სხვადასხვა უწყებების მიერ შეთავაზებული ტრენინგები.იყო რამდენიმე უფასო კურსიც,თუმცა იქ საკმაოდ შეზღუდული იყო დამსწრეთა რაოდენობა,ან იმ პერიოდში ბევრი ბუღალტერი კოვიდს ებრძოდა. საბოლოო ჯამში აღმოჩნდა ,რომ მთავრობის მიერ გადავადებული 2 წელი ბიზნესისთვის ახალ,უცნობ და მომაკვდინებელ პანდემიასთან ადაპტირების,მორგების და ყველაზე მთავარი ფიზიკური გადარჩენის პერიოდი იყო, ზოგი ვერ ფიზიკურად ვერ გაუმკლავდა ამ გამოწვევას და ვერც ბიზნესი გადაარჩინა. ამ სისტუაციის გამო,საწარმოების უმეტესი ნაწილი ონლაინ მუშაობაზე გადავიდა.ზოგმა ბიზნესმა ვეღარ შეძლო ბუღალტრული პროგრამების ყოველთვიური მომსახურების გადახდა და ბუღალტრებს მოუწიათ საკუთარი ძალებით,სხვადასხვა ცხრილებში ეწარმეობინათ აღიცხვა.ასევე გასათვალისწინებელია ისიც,რომ საქართველოს მასშტაბით,სხვადასხვა რეგიონებში,უფრო მეტად გართულებულია ბუღალტრული აღრიცხვიანობის წარმოება ბუღალტრული პროგრამებით,რადგან იქ ემატებათ ინტერნეტის,კომპიუტერებისა და სხვა საჭირო საშუალებების არარსებობა. ა.წ.1 ოქტომბრამდე წარსადგენი ფინანსური ანგარიშგება კი საკმაოდ მოწესრიგებული ბუღალტრული აღრიცხვის სპეციალურ ფორმებში გადატანას მოითხოვს,რომელიც თავის მხრივ სანქცირებულია თანმდევი ფულადი პასუხისმგებლობით. გამომდინარე აქედან,მე-4 კატეგოირიის საწარმოებისთვის მოვითხოვთ კიდევ ერთი წლით,2023 წლის 1 ოქტომბრამდე იქნეს გადავადებული ამგვარი ანგარიშგების წარდგენის ვალდებულება.ეს პერიოდი თავის მხრივ საკმაოდ დაეხმარება ბიზნესს,როგორმე ჯერ წამოდგეს ფეხზე და შემდგომში უზრუნველყოს ფინანსური ანგარიშგებისათვის ჯეროვანი მომზადება. საუბარია მე-4 კატეგორიის საწარმოებზე,რომლებსაც უმეტეს შემთხვევაში მცირე ზომის მარკეტები,მეორადი ტანსაცმლის მაღაზიები,საცხობები და ა. შ. იმგვარი ტიპის საწარმოები წარმოადგენენ,რომლებისთვისაც კიდევ დამატებითი რაიმე ხარჯი,ან თუნდაც დამატებითი ჯარიმის გადახდა ნიშნავს,რომ მან საბოლოოდ უნდა გააჩეროს საქმიანობა,რაც თავის მხრივ,არ უნდა იყოს ქვეყნისთვის მომგებიანი. გარდა ამისა,მე-4 კატეგორიის საწარმოებშიც უნდა დადგინდეს რაღაც ზღვარი მისი ყოველთვიური ბრუნვიდან გამომდინარე,ვინაიდან მცირე ბრუნვის მქონე საწარმოების( თვეში  7000 ლარამდე) ფინანსური ანგარიშგებების წარდგენა ან ნებაყოფლობითი უნდა გახდეს,ან საერთოდ მოეხსნათ ეს ვალდებულება.დაბალი ბრუნვიდან გამომდინარე,საწარმოს აღარ აქვს ფინანსური რესურსი ახა-ახალი კანონმდებლობით დადგენილი რეგულაციების შესაბამისად აიყვანონ ახალი კადრები შრომის სპეციალისტის,აუდიტორის და ა.შ. გამომდინარე ზემოთჩამოთვლილი გარემობებიდან,მოვითხოვთ გათვალისწინებული იქნას ქვეყანაში არსებული ეპიდსიტუაციის თანმხლები გამოწვევები და მე-4 კატეგორიის საწარმოებისათვის 1 წლით გადადებული იქნას ფინანსური ანგარიშგების წარდგენის ვალდებულება.
gallery images

რუსთაველის გამზირის 54 - საფრთხეშია! 54, Rustaveli Avenue is under threat!

რუსთაველის მოედნისა და მთაწმინდის პარკის დამაკავშირებელი საჰაერო-საბაგირო გზის რეკონსტრუქციის პროექტის ნებართვა, საქართველოს ეკონომიკის და მდგრადი განვითარების სამინისტროს ტექნიკური და სამშენებლო ზედამხედველობის სააგენტოს მიერ, 2021 წლის 15 ივნისს გაიცა.  პროექტი ითვალისწინებს საბაგიროს ახალი, წრიული სისტემის მონტაჟს (21 გონდოლა, საათში 1100 მგზავრის გადაყვანა), საბაგიროს ისტორიული, ქვედა სადგურის (არქიტექტორი კონსტანტინე ჩხეიძე, 1959 წ., გამტარიანობა - 300 მგზავრი/სთ) გაფართოებას და რეკონსტრუქციას, ახალი ტექნიკური ნაწილის მშენებლობას და შუალედური 5 საყრდენი ანძის დამონტაჟებას, რომელთაგანაც სამი  მჭიდროდ დასახლებულ განაშენიანებაში უნდა განლაგდეს.  მშენებლობის ნებართვისათვის გაცემული საექსპერტო დასკვნა ეყრდნობა არაკვალიფიციურ, კატეგორიულად მიუღებელ სახელოვნებათმცოდნეო კვლევას; კვლევაში საბაგიროს ქვედა სადგურიდან უშუალო სიახლოვეს, რუსთაველის 54-ში, მდებარე კულტურული მემკვიდრეობის ძეგლის არსებობა სრულიად იგნორირებულია; გამომდინარე აქედან, არ არის ჩატარებული შენობის წინასწარი ექსპერტიზა, სტრუქტურული ანალიზი, არ არის შეფასებული რუსთაველის 54-ში მდებარე ძეგლისათვის მოსალოდნელი საფრთხის მასშტაბი, კერძოდ, კი იმ რისკების ზეგავლენა, რასაც გამოიწვევს სადემონტაჟო და სამშენებლო სამუშაოები, სადგურის რეკონსტრუქცია და გაფართოება, საბაგიროს ხაზის ექსპლუატაციით გამოწვეული მუდმივი ვიბრაცია და რყევა. დამტკიცებული პროექტი არ შეიცავს კულტურული მემკვიდრეობის ძეგლის დაზიანებისგან დაცვის არც ერთ ღონისძიებას. ვასილ გაბაშვილის სახლის სახელით ცნობილი, ორსართულიანი ნაგებობა, XIX საუკუნის მეორე ნახევრის თბილისის მაღალმხატვრულ შენობებს შორის ერთ-ერთი ყველაზე გამორჩეულია, (არქიტექტორი - კორნელი ტატიშჩევი, 1897 წ); ნეობაროკული სტილის, უხვი ნაძერწობით დაფარულ მთავარ ფასადს ქვის ცოკოლზე დაყრდნობილი ხის ორ იარუსიანი აივანი ამკობს. სწორედ აღნიშნული ხის აივნის მოწყობის კონსტრუქციული თავისებურება განაპირობებს შენობის ტიპოლოგიურ უნიკალურობას. ცალკე აღნიშვნის ღირსია სახლის ასევე ნეობაროკული პარადული სადარბაზო, რომლის ნატიფად შესრულებულ არქიტექტურულ მორთულობას ანალოგი თბილისურ სადარბაზოებს შორის არ მოიძებნება.    დღეისათვის დაწყებულია პროექტით დაგეგმილი, ეკატერინე გაბაშვილის ქ. 6-ში მდებარე შენობების დემონტაჟი. სადემონატაჟო სამუშაოებით გამოწვეული რყევების შედეგად ძეგლის ავარიულ სადარბაზოში ნალესობა უკვე ცვივა. ამის გარდა, ძეგლისთვის საფრთხეს წარმოადგენს საბაგიროს ახალი ანძა და ტექნიკური შენობა, რომელიც მისგან მხოლოდ 7 მეტრით იქნება დაშორებული. ყოველივე ზემოთ აღნიშნულის გამო მოვითხოვთ - დაუყონებლივ შეჩერდეს დაწყებული სადემონტაჟო და სამშენებლო სამუშაოები, ჩატარდეს რუსთაველის 54-ში მდებარე ძეგლის სტრუქტურული ანალიზი, შეფასდეს ახალი მშენებლობით გამოწვეული ზეგავლენის რისკები და ზედმიწევნით ზუსტად დაიგეგმოს ყველა ის ღონისძიება, რაც დაიცავს რუსთაველის 54 ში მდებარე კულტურული მემკვიდრეობის ძეგლს შემდგომი დაზიანებებისგან.    The Technical and Construction Supervisory Agency of the Ministry of Economy and Sustainable Development of Georgia issued a building permit, dated 15 June 2021 for the reconstruction of the ropeway connecting Rustaveli Ave. to the Mtatsminda Park. The project envisages construction of a new ropeway system (with 21 rotating gondolas for the transportation of 1100 passengers per hour). The reconstruction works also include expansion of the existing bottom station (architect Konstantine Tckheidze 1959, formerly transporting 300 passengers per hour) adding to it a new technical facility building; erecting 5 rope way supporting masts, three out of total in a densely-populated neighborhood. The expert conclusion to obtain the building permit is based on a highly unprofessional and completely unacceptable research as Vasil Gabashvili House at 54, Rustaveli Ave. has been totally ignored, thus issuing the building permit by not taking into consideration a highly important cultural heritage site. Therefore any comprehensive assessment, structural analysis and determining the scope of anticipated damage to the cultural heritage building located at 54, Rustaveli Ave. is not conducted. More specifically, the negative impact that will be caused by the demolition of the building located at 6, Ekaterine Gabashvili Str., reconstruction and extension of the ropeway station and the constant vibrations generated by the operation of the ropeway is not evaluated. The permitted reconstruction do not include any work that will protect the cultural monument from damage.  Known as the Vasil Gabashvili House, this two-storey residential building of high artistic merit was designed by Korneli Tatishchev in 1897. It is one of the most distinguished among the houses designed and built in Tbilisi in the second half of the 19th century. The façade, designed in the neo-Baroque style and lavishly adorned with carvings, is provided with a wooden fretwork balcony, which rests on a stone socle projecting from the façade and runs along two storeys. The unique structural solution employed in the balcony design defines a typological specificity of the building. Equally remarkable is an entrance hall, also in neo-Baroque style, the refined architectural decorations of which find no parallel among 19th century heritage building entrance halls.    Currently the demolishing process of the buildings located at 6, Ekaterine Gabashvili is started and as expected is a treat for  the cultural heritage building located at 54, Rustaveli  Ave.  As a result of the vibrations caused by demolition works, the plaster of the entrance hall walls, which was in emergency state, start to fall. Moreover, the most threat causing will be the new technical facility building, which if constructed is planned to be 7 m distance away from the bearing wall (and the entrance hall) of the cultural heritage building.  We request to stop the ongoing demolishing and construction works; to carry out the structural analyzes of the cultural heritage building at 54, Rustaveli Ave.; to evaluate the damage threat in order to eliminate risks caused by the new construction works and to elaborate precise plan of actions that could prevent any further damages of the cultural heritage site.    .             
gallery images

ვაქცინის ალერგიის დროს როგორ მოვიქცეტ

მე ვარ ექიმი /მყავს სტუდენტი შვილი .მას ანამნეზში აქვს ალერგიული შოკის მაგვარი რეაქცია  გადატანილი ფუტკრის კბენაზე.ბავშვით მივმარტე თერჯოლის საავადმყოფოს პირველადი დასახმარებლად 3 წლის წინ.ამის შემდეგ ბავშვს სულ ჩანთაში დააქვს შოკის საწინააღმდეგო ნემსები .ამ აცრის გაკეტება მისტვის მე როგორც ექიმი ვთვლი არ შეიძლება   
gallery images

არა სტუდენტების იძულებით ვაქცინაციას!

არა სტუდენტების იძულებით ვაქცინაციას!  3 სექტემბერს უნივერსიტეტებმა სტუდენტებს დაუგზავნეს ელექტრონული წერილის სახით იმპერატიული მოთხოვნა,რომლის მიხედვითაც 4 ოქტომბრამდე დისტანციურად ხორციელდება სწავლის პროცესი,არადისტანციურად კი დაიშვებიან მხოლოდ სრულად ვაქცინირებული სტუდენტები ან სტუდენტები უარყოფითი PCR ტესტით (განახლება ყოველ 72 საათში).  ასევე მოითხოვეს 4 ოქტომბრამდე სტუდენტებმა პერსონალურ გვერდზე ატვირთონ ვაქცინირების დამადასტურებელი დოკუმენტი covid-19-ის ბარათი QR კოდით. მოთხოვნიდან გამომდინარე,უნივერსიტეტები სტუდენტებს ართმევენ არჩევანის თავისუფლებას და ადგილი აქვს პირდაპირ იძულებას ვაქცინაციასთან დაკავშირებით,რაც წინააღმდეგობაში მოდის ადამიანის ფუნდამენტურ უფლებებთან. მოვითხოვ საჯარო და კერძო სექტორის წარმომადგენლებს, მათ შორის,უნივერსიტეტებს აეკრძალოთ მოქალაქეებზე,რომელთაც არ სურთ ვაქცინაცია,მათზე განახორციელონ პოლიტიკური,სოციალური ან რაიმე სხვა სახის ირიბი თუ პირდაპირი ზეწოლა და ამ სახით ვაქცინირების იძულება. ის რომ საქმე გვაქვს პირდაპირ იძულებასთან,მკაფიოა,რადგან თითქმის არცერთ სტუდენტს არ გააჩნია იმის საშუალება,რომ ყოველ 72 საათში გაიკეთოს პისიარ ტესტი,რის გამოც ისინი იძულებულნი იქნებიან გაიკეთონ მათთვის არასასურველი ვაქცინა.
gallery images

აღდგეს მუნიციპალური ტრანსპორტი

მნიშვნელოვანია აღდგეს მუნიციპალური ტრანსპორტი შემდეგ გარემოებათა გამო: 1. ტრანსპორტის შეჩერება მკვეთრად აზიანებს ბიზნესგარემოს და შესაბამისად უარყოფითად აისახებს სახელმწიფოს ეკონომიკაზე 2. მასობრივად მცირდება სამუშაო ადგილები და უამრავი ადამიანი რჩება სამსახურის გარეშე. 3. ვაქცინის მისაღებად მოსახლეობა ვერ გადაადგილდება. მართალია ტრანსპორტი გარკვეული ტერიტორიებისთვის გამოყოფილია, თუმცა ეს ლოკაციები მცირეა, ტაქსის ფასი კატასტროფულად მაღალია და შესაბამისად ჩერდება ვაქცინაციის პროცესი 4. ზრდის ინფიცირებულ და სხვა მიზეზით დაავადებულ პაციენტთა რაოდენობას და ფატალურ შემთხვევებს. პაციენტები ვერ გადაადგილდებიან კლინიკებში მომსახურების მისაღებად და ისინი იძულებულნი არიან გამოიძახონ სასწრაფო დახმარების ბრიგადა, რაც არამიზნობრივად ხარჯავს სახელმწიფოს რესურსს.  
gallery images

სპორტის გულშემატკივრების პროტესტი აჭარასპორტს/სეტანტას

   აჭარასპორტი, რომელიც ფლობს პრემიერლიგის, UFC-ს და სხვა მნიშვნელოვანი სპორტული ფორუმების ტრანსლირების ექსკლუზიურ უფლებას, ღებულობს გადაწყვეტილებას, რომ მათ ისედაც ფასიან სატელევიზიო არხებზე არ გავა ცენტრალური სპორტული მოვლენები (მაგ: ლივერპული - ჩელსის მატჩი) და გავა მხოლოდ მეორეხარისხოვანი მოვლენები (მაგ: ნიუკასლი - საუთჰემპტონის მატჩი).  მნიშვნელოვანი სპორტული მოვლენების ხილვა გულშემატკივრებს მხოლოდ მათ მიერ შექმნილ ახალ ვებსაიტზე შეეძლებათ, სადაც 2 კვირის შემდეგ ტრანსლაციების სანახავად გულშემატკივრებს ყოველთვიურად 13 ლარის გადახდა მოუწევთ, თუმცა ტელევიზორის (ციფრული/საკაბელო ტელევიზია) მაყურებლები უნდა შეეგუონ, რომ მნიშვნელოვან სპორტულ მოვლენებს ამ თანხის სანაცვლოდაც ვეღარ უყურებენ, თუმცა ჩვენ შეგუებას არ ვაპირებთ.     ვთხოვთ, საქართველოს კომუნიკაციების ეროვნული კომისიის მაუწყებლობის რეგულირების დეპარტამენტს ან სხვა უფლებამოსილ ორგანოს, მიიღოს ეს მანიფესტი მისი ხელმომწერებისგან, როგორც საჩივარი აჭარასპორტის და "სეტანტა ჯორჯიას" მიმართ და დაიწყოს მოკვლევა.     ლივერპულის ქართველი გულშემატკივრები სრულ პროტესტს ვუცხადებთ კომპანიების ამ თაღლითურ წამოწყებას, სხვა გუდნების ფანებს და უბრალოდ სპორტის გულშემატკივრებს კი ამ წამოწყებაში მხარდაჭერას გთხოვთ. გავერთიანდეთ და არ მივცეთ მათ ჩვენი ცხოვრების მნიშვნელოვანი ნაწილის წართმევის უფლება.  We're Not Gonna Take It    ვთხოვთ სილქნეტს და მაგთის ყველა მექანიზმით მოსთხოვონ აჭარასპორტს სრული კონტენტის მოწოდების ვალდებულების შესრულება, რადგან თანხას სწორედ ამისთვის ვიხდით, ან შეიძინონ უცხოური სპორტული არხები.    
gallery images

თხოვნა პატრიარქს აცრის შესახებ

თქვენო უწმინდესობავ და უნეტარესობავ, ვითხოვთ კურთხევას. საქართველოში დღეს არსებული უმძიმესი პანდემიური სიტუაციის გამო მოგმართავთ უმორჩილესი თხოვნით, კერძოდ: გთხოვთ, როგორც მზრუნველმა მამამ, მისცეთ კეთილისმყოფელი მაგალითი თქვენს მრევლს და ჩაიტაროთ კოვიდ19-ის საწინააღდეგო ვაქცინაცია; დარწმუნებული ვართ, ამ თხოვნის საპასუხო თქვენმიერი წყალობის შემთხვევაში საქართველოს მოსახლეობას, რომლის დიდი უმეტესობა თქვენ გენდობათ, ანტიკოვიდური ვაქცინაციისადმი ნდობა კარდინალურად შეეცვლება უკეთესობისკენ და ქვეყანა ამოისუნთქავს ამ ჭირისაგან - კოვიდპანდემიისაგან. თქვენო უწმინდესობავ, მართალია, სინოდის დადგენილება არ ითვალისწინებს საპატრიარქოს მხრიდან ვაქცინაციის სარგებლიანობის პროპაგანდას, მაგრამ ჩვენ მაინც ასევე გთხოვთ, პიროვნულად მოუწოდოთ მოსახლეობას, რომ ანტიკოვიდური ვაქცინაცია არ შეიცავს რაიმე სახიფათო რელიგიურ ელემენტს და მოსახლეობის ჯანმრთელობის მასობრივად შენარჩუნებისათვის დღეს იგი უებარი წამალია. ჩვენ გვახსოვს თქვენი ადრინდელი მოწოდებები, რომლებიც ასევე არ იყო უშუალოდ რელიგიური ხასიათისა, მაგრამ წაადგა საქართველოს მოსახლეობას - თქვენს მრევლს სწორი პრიორიტეტების დასახვაში. გისურვებთ ჯანმრთელობას. გმადლობთ ყურადღებისათვის. ვითხოვთ დალოცვას. 
gallery images

პეტიცია - "ვითხოვთ საზოგადოებრივი ტრანსპორტის აღდგენას!"

საზოგადოებრივი ტრანსპორტის მუშაობა დაუყოვნებლივ უნდა აღდგეს !  როდესაც ქვეყანაში იზრდება ავადობის მაჩვენებელი სახელმწიფომ უნდა უზრუნველყოს მოქალაქეთა მიმართვიანობა საავადმყოფოებში, განსაკუთრებით ეპიდემიების დროს. ანუ საზოგადოებრივი ტრანსპორტი კი არ უნდა აკრძალოს, არამედ პირიქით უნდა გაზარდოს მათი რაოდენობა. საზ-ტრანსპორტის აკრძალვით საავადმყოფოების გზა პრაქტიკულად გადაუკეტეს სოციალურად დაუცველებს და სიღარიბის ზღვარს მყოფ ოჯახებს. მათ არ ჰყავთ კერძო ავტომობილები და არც ტაქსის ფული აქვთ.  ჯანდაცვის მომსახურება ეფექტიანია თუ დაავადების გამოვლენა ხდება ადრეულ სტადიაზე და ეს შესაძლებელია სამედიცინო დაწესებულებებში დროული მიმართვიანობით (ტრანსპორტირებით). დედაქალაქში საავადმყოფოების უმრავლესობა გაფანტულია, ამიტომ დედაქალაქის მერიამ მინიმუმ ის მარშრუტები უნდა აღადგინოს რომელიც თბილისის სხვადასხვა რაიონს დააკავშირებს კლინიკებთან. ბოლო პერიოდში აცრის მსურველები ვერ ახერხებენ რეგისტრირებულ კლინიკებთან გადაადგილებას, რაც იმას ნიშნავს რომ ფერხდება ვაქცინაციის პროცესი. იმის მიუხედავად რომ სახელმწიფომ დანიშნა კოვიდ კლინიკებამდე ტრანსპორტი, მოქალაქეებისთვის მაინც გაურკვეველია მათი მaრშუტი და გარეუბნებში ეს ტრანსპორტი საერთოდ არ მოძრაობს (მაგ. ლილოს დასახლებიდან ადამიანი ვარკეთილის მეტრომდე უნდა მივიდეს რომ იქიდან სახელმწიფოს დანიშნულ მარშუტით ისარგებლოს კოვიდ კლინიკამდე)    სავაჭრო თუ საწარმო ობიექტები ასევე ვერ იმუშავებს საზოგადოებრივი ტრანსპორტის გარეშე. როგორ მივა პერსონალი სამუშაოდ? როგორ მივა მომხმარებელი სავაჭრო ობიექტზე? კერძო ავტომობილებით? ტაქსით? არა, ეს არ არის რეალური! 300-1000 ლარის ხელფასის მქონე პერსონალი ტაქსით სამსახურში ვერ გამოცხადდება, მათი გადაადგილების საშუალება არის საზ-ტრანსპორტი.  ანუ, ერთი მხრივ ჩვენ მივიღეთ უფლება, რომ გაიხსნას სავაჭრო ობიექტები, ხოლო მეორე მხრივ არავინ იცის პერსონალი და მომხმარებელი როგორ აღმოჩნდებიან ადგილზე. საზ-ტრანსპორტის აკრძალვით უკვე მივიღეთ გაუარესებული სოციალური მდგომარეობა, ათიათასობით უმუშევარი ადამიანი, შემოსავლის გარეშე დარჩენილი ოჯახები.  
gallery images

ხელოვნების მუზეუმის მხარდამჭერი აქციის მონაწილეთა განცხადება საქართველოს პარლამენტს და საქართველოს კულტურისა და ძეგლთა დაცვის სამინისტროს

2021 წლის 5 აგვისტოს, თბილისში, პუშკინის სკვერში, საინიციატივო ჯგუფის - „ხელოვნების მუზუემისთვის“ ორგანიზებით, ხელოვნების მუზეუმის მხარდასაჭერი აქცია გაიმართა. აქციაზე მოსულმა ადამიანებმა ხელი მოაწერეს ქვემოთ წარმოდგენილ განცხადებას. თუმცა, საზოგადოების დიდმა ნაწილმა ვერ მოახერხა აქციაზე მოსვლა და ხელმოწერის დაფიქსირება. შესაბამისად, საინიციატივო ჯგუფის გადაწყვეტილებით, 2021 წლის 9 აგვისტოდან, 2021 წლის 16 აგვისტოს ჩათვლით, გაგრძელდება განცხადების მხარდამჭერთა ხელმოწერების შეგროვება ელექტრონული სახით. გთხოვთ, მათ ვინც ვერ შეძლო აქციაზე მოსვლა, მაგრამ იზიარებს განცხადების შინაარსს, ხელი მოაწეროთ განცხადებას! პატივისცემით, საინიციატივო ჯგუფი - „ხელოვნების მუზეუმისთვის“   განცხადების ტექსტი: ეროვნული მნიშვნელობის კულტურული მემკვიდრეობის ძეგლის სტატუსის მქონე შენობა, შალვა ამირანაშვილის სახელობის ხელოვნების მუზეუმი და მასში დაცული ქართული კულტურის საგანძური საფრთხეშია. ერთის მხრივ საქართველოს კულტურისა და ძეგლთა დაცვის მინისტრის საჯარო განცხადებები, მუზეუმში განხორციელებული საკადრო ცვლილებები და მეორეს მხრივ საპატრიარქოს პოზიცია ანჩისხატის ეკლესიისთვის გადაცემის შესახებ რეალურ საფრთხეს უქმნის შალვა ამირანაშვილის სახელობის ხელოვნების მუზეუმის ეროვნულ საგანძურსა და კულტურული მემკვიდრეობის ეროვნილი კატეგორიის ძეგლის სტატუსის მქონე შენობას, როგორც ერთიან მთლიანობას. სამუზეუმო კოლექციების დაშლა დაუშვებელია! მოვითხოვთ, საქართველოს პარლამენტი დაინტერესდეს ხელოვნების მუზეუმის ირგვლივ განვითარებული მოვლნებით და მის ხელთ არსებული მექანიზმების გამოყენებით უზრუნველყოს, როგორც საკითხის საჯაროობა, ისე მიმდინარე პროცესებზე საპარლამენტო კონტროლის ეფექტური განხორციელება; საქართველოს კულტურისა და ძეგლთა დაცვის სამინისტრომ: 1. მაღალი პროფესიული კვალიფიკაციის და შეულახავი რეპუტაციის სპეციალისტების მონაწილეობით, უზრუნველჰყოს ხელოვნების მუზეუმის შენობის გამაგრების და რესტავრაციის პროექტის შესრულება. ინფორმაცია აღნიშნული პროცესის შესახებ ყველა ეტაპზე იყოს ღია და ხელმისაწვდომი; 2. წარმოადგინოს სამუზეუმო ფონდების და ექსპონატების ევაკუაციის დეტალური გეგმა, შესაბამისი პასუხისმგებელი პირების და ექსპონატების დროებითი განთავსების ზუსტი ადგილის მითითებით. უზრუნველყოფილი იყოს როგორც აღნიშნული პროცესის საჯაროობა, ისე პროფესიული საზოგადოების ჩართულობა; 3. პროცესს ჩამოშორდნენ არასათანადო კვალიფიკაციის ჩინოვნიკები, ვინც გამოუსწორებელ ზიანს აყენებენ, ხელოვნების მუზეუმის შენობის გამაგრებისა და რესტავრაციის და შენობაში ხელოვნების მუზეუმის დაბრუნების საკითხს; სამინისტროს მხრიდან პასუხი უნდა გაეცეს კითხვას, თუ რა კვლევის, ან ვისი პროფესიული რეკომენდაციის საფუძველზე იქნა მიღებული ეროვნული მუზეუმის, როგორც ერთიანი ინსტიტუციის დაშლისკენ მიმართული გადაწყვეტილება. ასევე, აღნიშნულ განცხადებაზე ხელისმომწერ ადამიანებს მიგვაჩნია, რომ შესაბამის პოზიციებზე დაუყოვნებლივ უნდა აღდგეს ყველა ის პირი, ვინც ბოლო გადაწყვეტილებებით უკანონონდ და დაუსაბუთელბლად გათავისუფლედნენ დაკავებული თანამდებობიდან.  
gallery images

გაიხსნას ფარაჯანოვის მუზეუმი თბილისში!

 თბილისში, სერგო ფარაჯანოვის მშობლიურ ქალაქში, მისი მუზეუმი არ არსებობს. სამოქალაქო ომისა და არეულობის წლებში, სამწუხაროდ, ვერ შევინარჩუნეთ მისი სახლი იმ სახით, როგორშიც რეჟისორი ცხოვრობდა და ქმნიდა, იქ არსებული უნიკალური ექსპონატების დიდი ნაწილი კი ერევნის მუზეუმშია გადატანილი. ჩვენ ვთვლით, რომ საქართველოს დედაქალაქში აუცილებლად უნდა არსებობდეს სივრცე, სადაც თბილისში დარჩენილი, სხვადასხვა ადგილას გაბნეული რეჟისორის კუთვნილი ნივთები, მისი ხელით შექმნილი ხელოვნების ნიმუშები თუ ფილმები მოიყრის თავს, რათა საქართველოში მცხოვრებ თუ სხვა ქვეყნებიდან ჩამოსულ მისი შემოქმედების თაყვანისმცემლებს საშუალება მიეცეთ ფარაჯანოვის უნიკალურ მემკვიდრეობას ერთ სივრცეში გაეცნონ.
gallery images

შეწყდეს ჩვენი გადახდილი გადასახადებით საპატრიარქოს დაფინანსება

2021 წლის 5 ივლისს მომხდარ მასობრივ ძალადობას, რომელიც საპატრიარქოს ხელშეწყობით გაიმართა ტრაგიკული დასასრული აქვს, დაშავებულია 50-ზე მეტი ჟურნალისტი და გარდაცვლილია ტელეკომპანია პირველის ოპერატორი ლექსო ლაშქარავა, რომელიც მიმდინარე მოვლენებს აშუქებდა.  ცნობილია რომ საპატრიარქო ბიუჯეტიდან ფინანსდება 25 მილიონით, ასევე ფლობს რამდენიმე ათეულ ბიზნესს, რომლებიც გათავისუფლებულები არიან სხვადასხვა გადასახადებისგან. აღმოჩნდა რომ საპარტიარქო რომელიც ჩვენი გადახდილი გადასახადებით ფინანსდება ჩვენს წინააღმდეგ განაწყობს რადიკალურად განყობილ მის მრევლს, რომლებიც სახიფათოები არიან ჩვენი და ჩვენი შვილებისთვის.  ჩვენ ხელის მომწერები მოვითხოვთ შეწყდეს საპატრიარქოს დაფინანსება ჩვენს მიერ გადახდილი გადასახადებით.