add one
gallery images

ვითხოვთ ჰუმანურ აქტს ამნისტიას

ნაროკოპოლიტიკა2.1.მსოფლიოში ერთ-ერთი ყველაზე მკაცრი ნარკოპოლიტიკასაქართველოში მოქმედი ნარკოტიკული დანაშაულის მომწესრიგებელი კანონმდებლობა მსოფლიოში ერთ-ერთი ყველაზე მკაცრია. გარდა იმისა, რომ ზოგადად ნარკოტიკის მოხმარება არის კრიმინალიზებული, სხვა ტიპის ნარკოტიკული დანაშაულებისთვის (შეძენა/შენახვა, კულტივირება) გათვალისწინებულია არაადეკვატურად მძიმე სანქციები.2.2.რეალური მდგომარეობა ციფრებშისაქართველოში ნარკოტიკულ დანაშაულზე გასამართლებულ პირთა რაოდენობა 2009 წელს შეადგენდა 3663 პირს, 2010 წელის - 2517, 2011 წელი 1523, 2012 წელი - 861, 2013 წელი 3570, 2014 წელი 4003, 2019 წელს კი ნარკოდანაშაულზე მსჯავრდებულ პირთა რაოდენობა შეადგენდა 2043 პირს და 1000 - მდე ბრალდებულ პირს.2019 წელს ნარკოტიკების უკანონო დამზადება, წარმოება, შეძენა, შენახვა, გადაზიდვა, გადატანა ან გასაღება დანაშაულისათვის მხოლოდ თბილისის საქალაქო სასამართლოში იწარმოებოდა 1063 საქმე, საიდანაც 1020 განაჩენის გამოტანით დასრულდა.ნარკოტიკული საშუალებების მოხმარებაზე კი თბილისის საქალაქო სასამართლოში იყო შემოსული 276 საქმე, საუდანაც 259 შემთხვევაში დაკისრებულ იქნა პასუხისმგებლობა.მნიშვნელოვანია აღვნიშვნოთ, რომ წარმოებული საქმეების 90% მეტს, ასევე ნარკოტიკულ დანაშაულზე ბრალდებულ/მსჯავრდებულთა 90% მეტს არ აქვს კავშირი ნარკოტიკული საშუალებების გასაღებასთან, არამედ ასეთი დანაშაული მოიაზრებს ნარკოტიკული საშუალების მოხმარებას, გადატანას, გადაზიდვას, დამზადებას, შეძენასა და შენახვას პირადი მიზნებისათვის.2.3.დავაადება და არა დევიაციანარკომანია - ქრონიკული დაავადების ბოლო სტადიაა, რომელიც კონკრეტული ნივთიერებების (ნარკოტიკული საშუალებების) მოხმარებითაა გამოწვეული. იგი ხასიათდება ფაზური მიმდინარეობით და თავის სტრუქტურაში რამდენიმე ეტაპოპრივადფორმირებადი სინდრომის არსებობით:·         შეცვლილი რეაქციის სინდრომი;·         ფსიქიკური დამოკიდებულების სინდრომი;·         ფიზიკური დამოკიდებულების სინდრომი; (ეს სამი სინდრომი ერთიანდება ერთ დიდ ნარკომანიის სინდრომში)·         ქრონიკული ნარკოტიზაციის შედეგების სინდრომი. ყოველწლიურად ჩვენ საპატიმროებში ვამყოფებთ 3000 ავადმყოფ ადამიანს. ყოველწლიურად 6000 ადამიანი იხდის პირობით სასჯელს ავადმყოფობისათვის.3.      უთანასწორობა3.1.საქართველოს მართლმსაჯულება სამწუხაროდ არ არის იმ დონეზე განვითარებული, რომ პატიმართა საქმეები გამოძიებულ იქნას ობიექტურად და სასჯელი იყოს მინიჭებული სამართლიანად. დამნაშავე პირების მიმართ გამოიყენება უმკაცრესი ზომები. ამავდროულად ხშირია უთანასწორობაც, როდესაც საქმე ეხება მსგავსი დანაშაულებებისათვის გასამართლებულ პირებს. საკმაოდ განსხვავდება სასამართლო პრაქტიკა სასჯელის ზომის განსაზღვრაში, ასევე პროკურატურის პრაქტიკა საპროცესო შეთანხმებების გამოყენებაში იმ პირთა შორის ვინც 2012 წლამდე იყო გასამართლებული და იმ პირთა, ვინც 2012 წლის შემდგომ პერიოდში. ამავდროულად 8 წლის განმავლობაშიც იცვლებოდა ზ/აღნიშნული პრაქტიკა და განსხვავდება ასევე 2013 წელს დანიშნული სასჯელები თუ განხორციელებული საპროცესო შეთანხმებები იმ პრაქტიკასთან შედარებით, რაც დღეის მდგოამრეობით არის დამკვიდრებული. მკვიდრდება ერთგვარი უთანასწორობაა კონკრეტული ადამიანების მიმართ.ამნისტია კი ერთადერთი გამოსავალია, რათა დაბალანსებული იყოს ქვეყანაში პატიმრის უფლებები „შერჩევით“ სამართალთან.4.      პანდემიით გამოწვეული პრობლემები და შედეგები4.1.სრულიად მსოფლიო კორონა ვირუსის პანდემიას ებრძვის. ქვეყნების უმეტესობამ მიიღო გადაწვეტილება პატიმრების გათავისუფლების. საქართველოში მსგავსი აქტი არც პანდემიის პირობებში განხორციელებულა. აქვე მინდა შეგახსენეთ, რომ 8 წელია საქართელოში ფართო მასშტაბიანი ამნისტიის აქტი  არ გამოუცემიათ საქართველოს კანონმდებლებს.5.      უვადო პატიმრები5.1. 2012 წლის ამნისტია2012 წლის ფართომასშტაბიანი და საყოველთაო ამნისტია შეეხო საქართველოს სისხლის სამართლის კოდექსით გათვალისწინებულ ფაქტობრივად ყველა დანაშაულს, გარდა უვადო პატიმრებისა. 2012 წლის 28 დეკემბრის ამნისტიით­ ყველა მსჯავრდადებულს უნდა შეხებოდა ამნისტია (მოიაზრებოდა 80-ზე მეტი უვადო პატიმარიც) და სასჯელი შემცი­რებოდა, უვადოებზე კი უზენაესმა ჩაწერა, ამ პატიმრებზეც გავრცელდეს ამნისტია,­ მოაკლდეთ 1/4, მაგრამ დარჩნენ უვადო პატიმრებადო.2012 წლის დეკემბრის ამნისტიას საფუძვლად ედო 2012 წლამდე პატიმრების მიმართ არაადამიანური მოპყრობა და წამება. აღნიშნული წამებისა და არაადამიანური მოპყრობის მსხვერპლები უვადო პატიმრების იყვნენ. მათ აწამებდნენ ყოველდღიურად, არაფრად აგდებდნენ, ექცეოდნენ, როგორც არაადამიანებს. მაშასადამე თუ ამნისტიის საფუძველი იყო წამება და არაადამიანური მოპყრობის შედეგების, კერძოდ კი ნატანჯი დაზარალებულებისათვის სასჯელის შემსუბუქება წამებისა და არაადამიანური მოპყრობის საპირწონედ, უვადო პატიმრებს უპირობოდ უნდა შეხებოდა ამნისტია.საუბარია ყველა უვადო პატიმარზე.­ ადამიანისთვის, ვინც 20-დან 25 წლამდე საპყრობილეში გაატარებს, ეს დიდი სასჯელია, ამნისტია კი - დიდი სტიმული, გამოვიდეს და ცხოვრების წესი შეიცვალოს.1997 წელს, როცა სიკვდილით დასჯა გაუქმდა, შევარდნაძემ 56 სიკვდილმისჯილი შეიწყალა. მათ 15 წელი მოიხადეს. ამ 56-დან შემდეგ მხოლოდ ოთხმა ჩაიდინა დანაშაული და ისიც - მსუბუქი კატეგორიის. სხვათა შორის, ციხის ხელმძღვანელობა ყოველთვის ამბობს, რომ უვადო პატიმრები უფრო წესიერად იქცევიან, მათ უფრო ადამიანურად დაელაპარაკები, ვიდრე მათ, ვისაც ექვსი თვე, ან ორი წელი აქვთ მისჯილი. ისინი უფრო ძნელი სამართავები არიანო. არსებობს კანონი "უვადო თავისუფლების აღკვეთის შესახებ", რომელიც 20 წლის მოხდის შემდეგ უვადო პატიმარს შანსს აძლევს, კომისიას შესაწყალებლად მიმართოს, თუმცა მსგავსი პრაქტიკაზე არ განხორციელებულა.5.2. ვადიანი სასჯელისაქართველოს სისხლის სამართლის კოდექსის თანახმად დანაშაულის რეციდივის შემთხვევაში ვადიანი თავისუფლების აღკვეთს სახით დანიშნული საბოლოო სასჯელის ვადა არ უნდა აღემატებოდეს 30 წელს. ამავდროულად განაჩენთა ერთობლიობის დროს საბოლოო სასჯელად დანიშნული თავისუფლების აღკვეთის ვადა არ უნდა აღემატებოდეს 35 წელს.უვადო მსჯავრდებულებებზე ამ კანონით  გათვალისწინებული შეღავათის გავრცელების მიზნისათვის ამოსავალ წერტილად ვიღებთ სისხლის სამართლის 59-ე მუხლს.6.      ჩვენ ვიაზრებთ კრიმინალური ვითარების გაუარესების საფრთხეებს ფართომასშტაბიანი ამნისტიის გამოცხადებისას, რატომაც ჩვენს მიერ შემუშავებული კანონპროექტი ამნისტიის შესახებ, და ყოველი წამოყენებული მოთხოვნა ეყრდნობა დეტალურ ანალიზს, კონსულტაციებს სხვადასხვა კერძო და საჯარო სფეროს წარმომადგენლებთან და ისეთი სახისაა, რომ პირველ რიგში ვაღწევთ ჰუმანურობას, ადამიანის/პატიმრის უფლბების დაცვასა და სასჯელის შემსუბუქებას თუ სხვას, ამავდროულად ყოველი არის გატარებული საზოგადოების უკეთესი ინტერესების გათვალისწინებით, ისე რომ არც ერთი სუბიექტის არც უფლება ირღვევა და არც მდგომარეოაბა აუარესდება.ჰუმანიზმის პრინციპიდან გამომდინარე, პატიმართა და პირობით მსჯავრდებულთა რაოდენობის შემცირების მიზანშეწონილობისა და საზოგადოების უსაფრთხოების ინტერესების გათვალისწინებით, მოვითხოვთ ერთჯერადი, დროებითი და განსაკუთრებული ღონისძიების სახით ამნისტიის გამოცხადებას.
gallery images

შეწყდეს რაჭა-ლეჩხუმში დამანგრეველი ჰესების მშენებლობა / Stop the construction of devastating HPPs in Racha-Lechkhumi

რიონის ხეობა საფრთხეშია.საქართველოს მთავრობა რაჭაში და ლეჩხუმში ჰიდროელექტროსადგურების ორი მასშტაბური კასკადის აშენებას გეგმავს - ონის და ნამახვანის კასკადებს. ისინი საფრთხეს უქმნიან არა მხოლოდ მდინარე რიონის ხეობას და ბუნებას, არამედ - რაჭის, ლეჩხუმის და ქუთაისის მოსახლეობასაც და რეგიონების მდგრად განვითარებას. For English please  scroll down #გადავარჩინოთრიონი #არაონისკასკადს #არანამახვანიჰესს #saverioniriverონის კასკადის შედეგად, ქვეყნის ყველაზე წყალუხვი მდინარის - რიონის 37 კილომეტრიან მონაკვეთზე მდინარის კალაპოტში წყლის ბუნებრივი ჩამონადენის (საშუალო მრავალწლიური ხარჯის) მხოლოდ მეათედი დარჩება, ხოლო დანარჩენი ჰესის გვირაბებში მოექცევა. ეს გამოუსწორებელ ზიანს მიაყენებს ხეობის ფლორასა და ფაუნას. რიონი ვეღარ შეასრულებს მის ეკოლოგიურ ფუნქციებს - ღვარცოფული მდინარეების მიერ ჩამოტანილი ქვა-ღორღისა და ორგანული ნივთიერებების გადატანას. ამით, ერთი მხრივ, საფრთხე შეექმნება უშუალოდ ჰესის არეალში მცხოვრებ მოსახლეობას, ხოლო მეორე მხრივ, ქვედა დინებაში მდებარე სასოფლო-სამეურნეო მიწები გამოიფიტება და ნაპირების ეროზია მოხდება. თავად გარემოს დაცვისა და სოფლის მეურნეობის სამინისტროს გარემოსდაცვით გადაწყვეტილებაშიცაა აღნიშნული, რომ კასკადი სარისკოა მეწყრული სოფლებითვის და შესაძლოა ადგილობრივი მაცხოვრებლების განსახლება გახდეს საჭირო. ის მნიშვნელოვანი ასპექტი მასშტაბური ჰესის საპროექტო დოკუმენტაციაში შესწავლილი საერთოდ არ ყოფილა.ონის სოფლების თავზე, სეისმურად და გეოლოგიურად შეუსწავლელ მთებში, გვირაბებში მოქცეულმა რიონმა, შესაძლოა დიდი საფრთხე შეუქმნას ადამიანების სიცოცხლეს და გააქროს უწერის ცნობილი მინერალური წყლები, რაც რეგიონს მდგრადი განვითარების შესაძლებლობებს შეზღუდავს.არც ონის, არც ნამახვანის კასკადის პროექტებში, სათანადოდ არ შესწავლილა და უგულებელყოფილია სეისმური რისკები. ეს მაშინ, როცა რაჭა-ლეჩხუმს კავკასიაში ერთ-ერთი ყველაზე მასშტაბური, გამანადგურებელი მიწისძვრა ახსოვს და მისი განმეორების შესაძლებლობა არსებობს.433 მგვტ-იანი ნამახვანის კასკადის რეზერვუარების სარკის ზედაპირის ფართობი610 ჰექტარია, რომელიც დატბორავს წყალტუბოსა და ცაგერში სოფლებს, უნიკალურ ბიომრავალფეროვნებასა და კულტურულ მემკვიდრეობას. დაზიანების შემთხვევაში, ნამახვანის კაშხლიდან გამოხეთქილი 34 მეტრიანი ტალღა ქუთაისს 19 წუთში დაატყდება, წყალდიდობით გამოწვეული საფრთხე კი მთელ კოლხეთის დაბლობს დაემუქრება.ნამახვანის ჰესი მიკროკლიმატსაც შეცვლის ლეჩხუმში. ეს იმას ნიშნავს, რომ დავკარგავთ უნიკალური ქართული ვაზის ჯიშის- ცოლიკაურის მიკროზონას, ანუ, ტვიშის ღვინოს, ისევე როგორც უსახელოურის მიკროზონას. პროექტს ასევე ზემოქმედება ექნება ამბროლაურში ხვანჭკარას მიკროზონაზე. ეს მნიშვნელოვანი დანაკარგია ადგილობრივი მეწარმეებისთვისაც, რომელთა წლების განმავლობაში გაშენებული ვენახები და სამომავლო გეგმები, მათ შორის, ხალხისგან ისედაც დაცლილ მთის სოფლებში ტურისტების მოზიდვა, წყალში ჩაიყრება.არც ერთ პროექტზე, გარემოს დაცვისა და სოფლის მეურნეობის სამინისტრომ არ გაითვალისწინა ადგილობრივი მოსახლეობის პოზიცია. პროექტებზე გარემოსდაცვითი გადაწყვეტილებები მოსახლეობის და საზოგადოების სათანადო ჩართულობის და მონაწილეობის გარეშე, კანონდარღვევით გაიცა.ამ ყველაფერთან ერთად, პროექტების განვითარება ისე დაიწყო, რომ მათი ეკონომიკური საჭიროება დაუსაბუთებელია: არ არის წარმოდგენილი დანახარჯისა და სარგებლის ანალიზი, რაც საქართველოს კანონმდებლობის თანახმად, გარემოზე ზემოქმედების შეფასების ნაწილი უნდა იყოს. მეტიც, ნამახვანის ჰესების კასკადზე გაფორმებული ხელშეკრულება კონფიდენციალურია, ონის კასკადის ხელშეკრულების მიხედვით კი, საქართველოს ხელისუფლება ვალდებულებას იღებს კერძო კომპანიისგან 20 წლის განმავლობაში ელექტროენერგია შეისყიდოს და მას სახელმწიფო ბიუჯეტიდან გარანტირებულად მაღალ ფასი გადაუხადოს (საშუალოდ 1 კვტ.სთ10 ცენტზე მეტი).აღსანიშნავია, რომ ნამახვანი ჰესის მშენებლობის ტენდერში გაიმარჯვა კომპანიამ, რომელმაც უკვე ააშენა მძიმე შედეგებით ცნობილი შუახევი ჰესის პროექტი. შუახევი ჰესის გვირაბები ამუშავებიდან 2 თვეში ჩამოინგრა, რისი მიზეზიც გეოლოგიური რისკების არასაკმარისი შესწავლა იყო. დამატებითი სამუშაოების შედეგად, 2020 წელს შუახევი ჰესი ამუშავდა, თუმცა რისკები მოსახლეობისა და გარემოსთვის კვლავაც მაღალია.მიუხედავად უამრავი რისკისა და პრობლემისა, კანონდარღვევებისა, სათანადო წინასწარი კვლევებისა და უსაფრთხოების გარანტიების არარსებობისა და, უკვე წლებია, ადგილობრივი მოსახლეობის მწვავე პროტესტისა, ონისა და ნამახვანის ჰესების შესახებ გადაწყვეტილებები საქართველოს მთავრობამ უკვე გასცა. ონის კასკადზე გაცემულია გარემოსდაცვითი გადაწყვეტილება, ხოლო ნამახვანის ჰესზე - სამშენებლო ნებართვაც წინასწარ სამუშაოებზე. ლეჩხუმში მძიმე ტექნიკა უკვე შევიდა და, ხალხის პროტესტის ფონზე, სამუშაოები დაიწყო.შემოგვიერთდით, დავიცვათ რიონი, რადგან ეს ჩვენი სიცოცხლის, ჩვენი მომავლის და კანონის დაცვას ნიშნავს. გადავარჩინოთ რაჭა-ლეჩხუმი!საქართველოს მთავრობისგან მოვითხოვთ:1. შეწყდეს მდინარე რიონზე დაგეგმილი ჰიდროელექტროსადგურების - ონისა და ნამახვანის ჰესების მშენებლობა.2. დაუყოვნებლივ შეიქმნას რაჭის ეროვნული პარკი, სადაც სხვა ეკოსისტემებთან ერთად, დაცული იქნება მდინარე რიონი და მისი შენაკადები.3. საქართველოს მთავრობამ შეწყვიტოს საქართველოს მაღალმთიან რეგიონებში რისკის შემცველი პროექტების განხორციელება, რომლებიც საფრთხეს უქმნის ბუნებრივ ეკოსისტემებს, მდინარეებს და აფერხებს მაღალმთიანი რეგიონების მდგრად განვითარებას.4. გასაჯაროვდეს ჰიდროელექტროსადგურებზე გაფორმებული ხელშეკრულებებიმოთხოვნების შეუსრულებლობის შემთხვევაში ვიტოვებთ უფლებას გავაგრძელოთ პერმანენტული აქციები, მივმართოთ საერთაშირისო ორგანიზაციებს და ყველა არსებული გზით შევუშალოთ ხელი მდინარე რიონის ხეობაში დამანგრეველი ჰესების მშენებლობას.                   Stop the construction of devastating HPPs in Racha-Lechkhumi#SaveRioniRIverRioni valley is under serious threat.The government of Georgia plans to build two large-scale hydropower cascades in Racha and Lechkhumi regions – the Oni and Namakhvani cascades. These hydropower plants (HPPs) threaten not only the nature in the surrounding Rioni River valley, but also the population of Racha, Lechkhumi and Kutaisi and the sustainable development of the region.In order to construct the Oni cascade, only one-tenth of the river's natural runoff (average annual flow) will remain in a 37-kilometre section of the Rioni, the country's most powerful river, and the rest of the water will be diverted through tunnels. This will cause irreparable damage to the flora and fauna of the valley. The Rioni River will no longer be able to perform its ecological functions – transporting rubble and nutrients from flooding rivers farther downstream. This will directly endanger the population living in the project area; it will also deplete the agricultural lands downstream and erode the riverbanks. The decision of the Ministry of Environmental Protection and Agriculture states that the cascade is risky for villages in landslide zones and that resettlement of the locals might be required. This important aspect has not been studied in the project documentation at all.In the mountains above the villages of Oni, which have yet to be explored from both a seismic and a geological perspective, the tunnels that will carry diverted water from the Rioni may pose a serious threat to locals’ lives, and they may also destroy the famous mineral waters of Utsera, which will limit the region's future sustainable development opportunities.Seismic risks have not been properly studied for either the Oni or the Namakhvani cascade projects. The residents of Racha and Lechkhumi regions can still remember one of the largest, most devastating earthquakes in the Caucasus, and it is always possible that there will be a recurrence.The area of the reservoir surface for the 433 MW Namakhvani cascade will cover 610 hectares, which will flood the villages of Tskaltubo and Tsageri municipalities, significantly impacting their unique biodiversity and cultural heritage. In case of any damage, a 34-metre wave from the Namakhvani dam will hit Kutaisi (The second largest city in Georgia) in 19 minutes, and the danger caused by the flood will threaten the entire Kolkheti lowland.The Namakhvani hydropower plant (HPP) will also change the microclimate in Lechkhumi. This means that we will lose unique types of Georgian wine – including Tvishi wine from the Tsolikauri micro-zone, as well as wines from the Usakhelauri micro-zone. The project might also impact the Khvanchkara micro-zone in Lower Racha region (municipality of Ambrolauri). It will be a significant loss for local entrepreneurs, whose vineyards and future plans, which have been cultivated for years (including attracting tourists to already abandoned villages in mountains), will be wasted.The Ministry of Environmental Protection and Agriculture did not consider the position of the local people in any of these projects. Environmental decisions for both projects were made in violation of the law, without the proper inclusion and participation of the public.Additionally, the development of the projects has begun in such a way that their economic needs are unjustified: no cost-benefit analysis has been presented, which is required by Georgian law as a part of the environmental impact assessment report. Moreover, the Namakhvani cascade agreement is confidential. And according to the Oni cascade agreement, the government of Georgia undertakes to purchase electricity from a private company for 20 years and pay a guaranteed high price from the state budget (on average, more than 10 US cents per 1 kWh).It should be noted that the company that won the tender for the construction of the Namakhvani HPP already built the Shuakhevi HPP, known for its devastating results. The tunnels of the Shuakhevi HPP collapsed within 2 months of its commissioning due to insufficient geological risk studies. Following additional work on the Shuakhevi HPP, it was turned on again in 2020; however, the risks to the population and the environment remain high.Despite numerous risks and problems, violations of the law, lack of proper preliminary studies and security guarantees, and years of active protests from locals, the government of Georgia has already made decisions on the Oni and Namakhvani HPPs. An environmental decision has been made on the Oni cascade, and a construction permit for preliminary construction work has been issued for the Namakhvani HPP. Heavy machines have already entered Lechkhumi, and, despite the locals’ protests, preliminary work has begun.Join us to protect the Rioni River, which means protecting our lives, our future and our law. Let's save Racha-Lechkhumi!We ask the government of Georgia to:1. Stop the construction of the planned Oni and Namakhvani hydropower plants on the Rioni River.2. Establish Racha National Park, where, along with other ecosystems, the Rioni River and its main tributaries will be protected.3. Stop implementing risky projects in the highland regions of Georgia that endanger natural ecosystems and rivers and hinder the sustainable development of these regions.4. Make the Georgian government's agreements with companies about HPP's publicIn the case of non-compliance with our demands, we reserve the right to continue permanent protest actions, appeal to international organisations and use all available resources to prevent the construction of destructive hydropower plants in the Rioni River valley.
gallery images

სპინალური კუნთოვანი ატროფია • სკა

პეტიცია საქართველოში სპინალური კუნთოვანი ატროფიით დაავადებული პაციენტების მკურნალობის ხელმისაწვდომობის გაზრდის შესახებმიმართული საქართველოს ჯანმრთელობის, შრომის და სოციალური სამინისტროსა და საქართველოს პარლამენტისადმიპეტიცია შემუშავებულია სპინალური კუნთოვანი ატროფიით დაავადებული პაციენტებისა და მათი მშობლების მიერპეტიცია გამოქვეყნდა  2020 წლის 11 სექტემბერსაღნიშნული პეტიცია შემუშავდა, რათა დროულად დარეგისტრირდეს სპინალური კუნთოვანი ატროფიის სამკურნალო საშუალება საქართველოში და რაც მთავარია, 2021 წლიდან შევიდეს ჯანდაცვის პროგრამაში და ხელმისაწვდომი გახდეს სკა-ს პაციენტების მკურნალობა.საფუძველისპინალური კუნთოვანი ატროფია (სკა) მძიმე გენეტიკური, პროგრესირებადი ნეიროკუნთოვანი დაავადებაა, რომელიც იწვევს კუნთების ატროფიას და მასთან დაკავშირებულ გართულებებს.  იგი იშვიათი დაავადებების ჯგუფს მიეკუთვნება და დაახლოებით 6000-9000-დან 1 ახალშობილს უვლინდება მსოფლიოში. უმეტესად დიაგნოსტირდება ბავშვთა ასაკში და ჩვილი ბავშვების სიკვდილობის ყველაზე გავრცელებული გენეტიკურ მიზეზს წარმოადგენს.2017 წლამდე სკა-ს თერაპია არ არსებობდა, თუმცა ამჟამად მსოფლიოში აღნიშნული დაავადების სამკურნალოდ უკვე 3 მედიკამენტი არსებობს, რომელთაგან საქართველოში დღევანდელი მონაცემებით არცერთი ხელმისაწვდომი არ არის.ჩვენ მივმართეთ  მწარმოებელ კომპანიებს  და მოვიპოვეთ ინფორმაცია, რომ  2020 წლის ბოლოსთვის იგეგმება სპინალური კუნთოვანი ატროფიის სამკურნალო მედიკამენტის რეგისტრაცია საქართველოს ბაზარზე. ჩვენთვის ეს ინფორმაცია ძალიან დამაიმედებელია და გვჯერა, რომ სახელმწიფოს  თანადგომის შემთხვევაში, ჩვენი შვილებიც შეძლებენ მკურნალობას.ჩვენ ხელთ არსებული მონაცემებით მკურნალობის მოლოდინშია  55 პაციენტი, რომელთა უმრავლესობას დაუყოვნებლივ ესაჭიროება სასიცოცხლოდ მნიშვნელოვანი მკურნალობა. აღსანიშნავია, რომ დროულად დაწყებული თერაპია მნიშვნელოვნად აუმჯობესებს დაავადების მიმდინარეობას და პროგნოზს.თხოვნაზემოთ თქმულიდან გამომდინარე მოგმართავთ თხოვნით:სახელმწიფომ დროულად უზრუნველყოს სპინალური კუნთოვანი ატროფიის სამკურნალო სასიცოცხლოდ მნიშვნელოვანი მედიკამენტის რეგისტრაცია და მკურნალობაზე ხელმისაწვდომობაპეტიციაზე ხელის მოწერით მე ვადასტურებ, რომ წავიკითხე, გავიაზრე და ვეთანხმები  ჩამოთვლილ დებულებებს.წინასწარ მადლობას გიხდით მხარდაჭერისა და გულისხმიერებისათვის,პატივისცემით,სპინალური კუნთოვანი ატროფიით დაავადებული პაციენტების მშობლები  
gallery images

შემოდგომის გამოცდაზე მასწავლებლობის მსურველთა დაშვება

როგორც მოგეხსენებათ, მასწავლებლობის მსურველები ვაბარებდით 2020 წლის სასერტიფიკაციო გამოცდებს. ვფიქრობთ, რომ არათანაბარ პირობებში ვართ პრაქტიკოს მასწავლებლებთან შედარებით. თუ მათ გადაუვადეს გამოცდა, ჩვენთვისაც შეიძლებოდა შეღავათის გაწევა. გთხოვთ, საშუალება მოგვცეთ, რომ ჩვენც გავიდეთ მიმდინარე წლის მასწავლებელთა შემოდგომის გამოცდაზე.
gallery images

მიეცეთ საქართველოს მოქალაქეებს ჩინეთში გამგზავრების უფლება

მივმართავთ ჩინეთის სახალხო რესპუბლიკის საგანგებო და სრულუფლებიან ელჩს საქართველოში, ქალბატონ ლი იენს, საქართველოს მთავრობას: გლობალურმა პანდემიამ გამოიწვია სხვადასხვა ქვეყნებთან, მათ შორის  - ჩინეთთან, საზღვრების ჩაკეტვა, რის გამოც დაზარალდა უამრავი მოქალაქე როგორც მატერიალურად, ასევე მორალურად. ჩინეთსა და საქართველოს მრავალწლიანი ურთიერთობა აკავშირებთ. გვაქვს თავისუფალი ვაჭრობის ხელშეკრულება. ასევე, ,,ერთი გზა - ერთი სარტყელის“ ფარგლებში, საქართველოს, შეიძლება ითქვას, სტრატეგიულად საკვანძო ადგილი უჭირავს. საქართველოს არაერთ მოქალაქეს აქვს სასწავლო, შრომითი და ბიზნეს ხელშეკრულება, ნაწილს კი ჰყავს შვილები და ოჯახის წევრები ჩინეთში და ვერ ახერხებს მათთან დაბრუნებას. ევროკავშირმა საქართველო უსაფრთხო ქვეყანათა შორის დაასახელა, რაც საფუძველს გვაძლევს, რომ გთხოვოთ, საქართველოს მოქალაქეებს მისცეთ უფლება, შეძლონ ჩინეთში გამგზავრება. ჩვენთვის მნიშვნელოვანია საერთაშორისო უსაფრთხოების დაცვა და გამოვხატავთ მზადყოფნასა და პასუხისმგებლობას, სრულფასოვნად დავიცვათ და შევასრულოთ უსაფრთხოების ნორმები. გამოვხატავთ პატივისცემას და იმედი გვაქვს, გულისხმიერად მოეკიდებით აღნიშნულ საკითხს. 
gallery images

დაიწიოს ბარიერი ქიმიის ეროვნულ გამოცდაში

ვინაიდან და რადგანაც 2020 წლის ქიმიის ეროვნულ გამოცდაში აბიტურიენტთა უმრავლესობამ ვერ გადალახა ზღვარი ამ შედეგზე გავლენა იქონია პანდემიმაც, ვინაიდან აბიტურიენტთა ნაწილმა ვეღარ მოახერხა შესაბამისად მომზადება ტესტიც არ იყო მარტივი, ამიტომ გთხოვთ ბარიერის დაწევას. 
gallery images

არასამართლიანი შეფასების სისტემა (მათემატიკა 2020)

მოგეხსენებათ, 2020 წლის მათემატიკის გამოცდა სხვა წლებთან შედარებით რთული იყო და განვითარებული მოვლენების ფონზე( პანდემია, ონლაინ სწავლება, შეზღუდვა დამატებითი საგნის არჩევაში) გამოცდების ეროვნული ცენტრის თანადგომა სამწუხაროდ არ იგრძნობდა. მოვითხოვთ, დაიწიოს მათემატიკის ზღვარი ან ორივე ვარიანტს მოემატოს ქულები, ვინაიდან ტესტი აბიტურიენტთა უმრავლესობამ კარგად ვერ დაწერა, დადებული ნიმუშები კი არ შეესაბამებოდა გამოცდაზე გამოყენებულ ტესტებს, ვფიქრობ ამ პანდემიის და სტრესული სიტუაციის პირობებში ამან კიდევ უფრო იმოქმედა ჩვენზე, გამოცდები ჩატარდა არასტანდარტულ პირობებში, რამაც მოგვაყენა ფსიქოლოგიური ზიანი. თუ გავითვალიწინებთ იმას, რომ აზერბაიჯანისა და აფხაზეთის ბავშვებზე მოხდა უგამოცდო ჩარიცხვა ვფიქრობ, მათემატიკის ბავშვებსაც უნდა შეეხოს ეროვნული ცენტრის თანადგომა. გარდა ამისა, გამოცდაზე გამოყენებული ნაშრომები საშუალებას არ გვაძლევდა გვეჩვენებინა ის შედეგი რასაც მოველოდით, რადგან ტესტი შეიცავდა იდენტურ სავარჯიშოებს, რაც, რა თქმა უნდა, ხელის შემშლელი ფაქტორი გახლავთ.
gallery images

უზრუნველყოს სახელმწიფომ კობა დავითაშვილის მკურნალობა

2007 წლის  7 ნოემბერს  კობა დავითაშვილზე, მაშინდელი ხელისუფლების მხრიდან   , განხორციელდა პოლიტიკური ნიშნით ფიზიკური ანგარიშსწორება.     ხერხემალზე მიღებული  დაზიანებების შედეგად  განვითარდა  მაანკილოზებელი სპონდილიტი, იგივე - ბეხტერევის დაავადება. დაავადება მძიმედ და ქრონიკულად მიმდინარეობს, მისი მართვა კი დაკავშირებულია ფინანსებთან, რომლის  უზრუნველყოფა დაავადებულის ძალებს აღემატება. მოვითხოვთ, კობა დავითაშვილის, როგორც სახელმწიფოს მხრიდან    დაზარალებული   მოქალაქის,    მკურნალობა    უზრუნველყოს სახელმწიფომ.  
gallery images

მოვითხოვთ დაისაჯოს ალექსანდრე ხეთაგური, ძაღლის განზრახ მკვლელობისთვის!

17 ივლისს ქალაქ გორში, თამარ მეფის ქუჩაზე, 4/3 ნომერში, შპს გორმედის ქირურგმა ალექსანდრე ხეთაგურმა, ნასვამ მდგომარეობაში მძინარე ძაღლს ესროლა საკუთარი ცეცხლსასროლი იარაღი ორჯერ,რომელიც შეგნებულად გამოიტანა სახლიდან, რამაც გამოიწვია ძაღლის ადგილზე დაღუპვა. აღნიშნული გორმედის ქირურგი ამ ბინაში გადმოსვლის დღიდან იმუქრებოდა რომ თავისი ცეცხსასროლი იარაღით დახოცავდა ცხოველებს და 17 ივლისს ეს დაპირება აასრულა. კითხვაზე-"რატომ მოკლა ძაღლი" გვპასუხა რომ იყო აფექტში.ზემო აღნიშნულ ფაქტთან დაკავშირებით მოვითხოვთ:1.პასუხისგებაში მიეცეს ა.ხეთაგური და სისხლის სამართლის საქმე აღიძრას მის მიმართ.2. განთავისუფლებული იქნას სამსახურიდან და ჩამოეთვას ლიცენზია, ვინაიდან ქირურგი რომელიც ადვილად გამოდის მდგომარეობიდან, მას არ უნდა ქონდეს ადამიანებთან შეხება.3. ამ ადამიანს აუცილებლად უნდა ჩამოეთვას იარაღის შენახვის უფლენა , რადგან არ აქვს მყარი ფსიქიკა და შეიძლება ნებისმიერ ადამიანს ესროლოს.
gallery images

შესწავლილ იქნას ცხოველთა მონიტორინგის სააგენტოს კანონდარღვევები მიუსაფარ ცხოველთა ევთანაზიასთან დაკავშირებით

საქართველოს  გარემოს დაცვისა და სოფლის მეურნეობის მინისტრსლევან დავითაშვილის ქალაქ თბილისის მერსკახი კალაძესქალაქ თბილისის საკრებულოს თავმჯდომარესბატონ გიორგი ტყემალაძესმოგახსენებთ, რომ წლების განმავლობაში ჩვენ, თვალს ვადევნებთ და ზოგიერთი ჩვენგანი უშუალდოდ ვართ ჩართულები ბევრ სახელმწიფო პროცესებში რომელიც მიმდინარეობს უშუალოდ ქუჩის ცხოველებთან და არა მარტო მათთან დაკავშირებით. ამ დროის მანძილზე ძალიან ხშირად დაფიქსირებულა ისეთი ხარვეზები რომელთა გამოსასწორებლად ხშირად მიგვიმართავს სურსათის ეროვნულის სააგენტოს თანამშრომლებისთვის და მათი დახმარებით მიგვიღწევია სწორი შედეგისთვის. დღევანდელი ჩვენი წერილის მიზანია ნათელი მოვფინო იმ რეალობას რომლის ფარგლებში ადგილი აქვს ბევრი საერთაშორისო და პირველ რიგში ეპიზოოტოლოგიური წესის დარღვევას რაც ყოვლად დაუშვებელია 21 საუკუნეში. საკითხი ეხება თბილისის მუნიციპალური თავშესაფრის ქმედებას ცოფთან ბრძოლის და  სხვა ღონისძიებებში ჩართულობის სისწორეს, რა დროსაც ირღვევა როგორც ეპიზოოტოლოგიური წესები, აგრეთვე ცხოველთა და მიმკედლებელთა უფლებებიც. ყოველივე ზემოთ თქმულიდან გამომდინარე მსგავსი ქმედებები ჩრდილს აყენებს ქვეყანას როგორც ვეტერინარული კუთხით, აგრეთვე საერთაშორისო ასპარეზზე ცხოველთა დაცვის კუთხითაც. სახელმწიფო სტრუქტურა რომელსაც ევალება ქალაქ თბილისში ცხოველებთან სწორად მუშაობა არ უნდა აძლევდეს თავს თვითნებობის  და ეპიზოოტოლოგიური წესებიდან გადახვევის უფლებას. მაგალითისთვის საკმარისი იქნება მოვიყვანოთ რამდენიმე შემთხვევა, დავიწყებ უახლესით:1.      29.06.2020 გლდანის ტერიტორიიდან იქნა აყვანილი 10 წლის ძაღლი, რომლის მიმართაც თვითმხილველის მონათხრობის მიხედვით ბავშვმა გამოიჩინა სისასტიკე რის საპასუხიდ ძაღლმა გაკაწრა ბავშვი ფეხზე. ძაღლი გადაყვანილი იქნა თბილისის მუნიციპალურ თავშესაფარში 10 დღიან დაკვირვებაზე, ამავე ძაღლზე იყო მოთხოვნა მიკედლების ადგილზე დაბრუნებისთვის. აღსანიშნავია რომ ეს იყო აღნიშნული ძაღლის პირველი გადაყვანა 10 წლის განმავლობაში, რაც ლოგიკურად გვაფიქრებინებს, რომ ძაღლი არ იყო აგრესიული. 10 დღიანი დაკვირვების გასვლის შემდეგ, რა დროსაც ძაღლს არ გამოვლენია ცოფის ნიშნები, იმის მაგივრად,  რომ ეპიზოოტოლოგიური წესის მიხედვით ძაღლი დაქვემდებარებოდა ცოფის საწინააღმდეგო ვაქცინაციას და დაბრუნებულიყო მიკედლების ადგილზე, ძაღლი დაექვემდებარა ევთანაზიას. მოგვიანებით გაირკვე დაკაწრული ბავშვის მშობლებისგან რომ აყვანილი და ევთანაზირებული ძაღლი არ იყო ის რომელმაც დაკაწრა ბავში, რის შესახებაც ბავშის მშობლებმაც დროულად შეატყობინეს თავშესაფრის თანამშრომლებს, თუმცა მიუხედავად ამისა უდანაშაულო ძაღლი მაინც იქნა ევთანაზირებული.2.      სოფელი დიღომი, 2019 წელის დეკემბერში რა დროსაც შემოღობილ ტერიტორიაზე მცხოვრებ ძაღლს დაუდგინდა ცოფი. დაავადებული ძაღლის ტერიტორიიდან 3კმ რადიუსზე მცხოვრები შეძლებისდაგვარად ყველა ქუჩის ძაღლი დაექვემდებარა ევთანაზიას იმის ნაცვლად, რომ დაქვემდებარებულიყო სავალდებულო ცოფის საზინააღმდეგო ვაქცინაციას, რაც ასევე ეკუთვნის ეპიზოოტოლოგიური წესების დარღვევას და რასაც მუნიციპალურ თავშესაფარს ავალდებულებს რიგი ვეტერინარული ჩანაწერები და წესები.3.      იდენტური შემთხვევა გვქონდა ფონიჭალაში 2019 წლის მაისი-ივნისში, რა დროსაც ქუჩის გასტერილებული, ვაქცინირებული და მარკირებული ძაღლები იყვნენ ტერიტორიიდან აყვანილი და ევთანაზირებულები, ხოლო პატრონიანი აუცრელი ძაღლები დაექვემდებარნენ სავალდებულო აცრებს. ამ კონკრეტულ შემთხვევაში ადგილი აქვს ორმაგ სტანდარტს, რადგან ცხოველი ცხოველია და დაავადებასთან მიმართებაში შეიძლება კლასიფიცირდებოდეს როგორც აცრილი და აუცრელი და არა პატრონიანი და უპატრონო, მით უფრო რომ ადგილი ქონდა მიკედლებული, ანუ მეთვალყურეობის ქვეშ მყოფ ძაღლების ევთანაზიას. აქაც კიდევ ერთხელ დაირღვა ეპიზოოტოლოგიური წესი.4.      აქვე უნდა აღინიშნოს ის ფაქტიც, რომ მუნიციპალური თავშესაფარი თავისი ქმედებით უგულებელყოფს ცოფის ვაქცინის ეფექტებს. მისი მიდგომებიდან გამომდინარე გამოდის, რომ სახელმწიფო, კერშოძო პირები და ორგანიზაციები სულ ტყუილად ხარჯავენ რესურსს ცხოველების ცოფის საწინააღმდეგოდ ვაქცინაციაში, იმიტომ რომ მათი ქმედებებით ჩანს რომ ისინი ვაქცინაციას არ აღიარებენ როგორც დაცის მექანიზმს, რაც საერთაშორისო დონეზეც კი არყევს მუნიციპალური თავშესაფრის, შესაბამისად სახელმწიფოს კომპეტენციას. აღნიშნულის საწინააღმდეგოდ მტკიცებულების სახით საკმარისი იქნება რამდენიმე უკვე ვაქცინირებული ქუჩს ძაღის სისხლის ანტისხეულებზე კვლევა-ტიტრაცია.ბატონებო, მოგმართავთ თხოვნით გაეცნოთ აღნიშნულ საკითხებს, გამოაშკარაოთ ამ და სხვა თემებზე არაკომპეტენტური გადაწყვეტილებების მიმღები პირები, სათანადო გადაწყვეტილება მიიღოთ მათ საქმიანობასთან დაკავშრებით და ეპიზოოტოლოგიურ წესებს დააქვემდებაროთ მუნიციპალური თავშესაფრის ყოველი ქმედება, აქვე იქნეს გათვალისწინებული როგორც ქვეყნის იმიჯი, მოსახლეობის და მიმკედლებლების ინტერესიც და არა კონკრეტული პირების ორმაგი სტანდარტები რომლებიც ისედაც სავალალო მდგომარეობაში მყოფ ვეტერინარიას კიდევ უფრო დიდ ჩრდილს აყენებს.
gallery images

მოვითხოვთ სასწრაფოდ მოიხსნას თანამდებობიდან ვახტანგ ლომჯარია, ცხოველთა მონიტორინგის სააგენტოს დირექტორი!

მოვითხოვთ სასწრაფოდ მოიხსნას ცხოველთა მონიტორინგის სააგენტოს დირექტორი ვახტანგ ლომჯარია დაკავებული თანამდებობიდან!რადგან ის ცხოველების მასიურ ხოცვაზეა გადასული.1.არ ითვალისწინებს ადამიანებისა და ცხოველების მიმკედლებლების თხოვნას, პირადი შუღლისა და კონფლიქტის გამო ხოცავს მიკელდებულ ცხოველებს.2. ვერ პოულობს რესურსს უმწეო ლეკვისა და კნუტის გადასარჩენად,რის გამოც მათ კლავს.3. უბრალო დაავადების გამო ან რაიმე დაავადების პრევენციის მიზნით ჯანმრთელ, ვაქცინირებულ ცხოველებს აქტიურად ხოცავს (გასული თვის განმავლობაში 30 მდე ჯანმრთელი ძაღლია დაძინებული).4.ხდება ქალაქის მასშტაბით მიკედლებული,ზოგ შემთხვევაში მოხუცი ძაღლების უკონტროლო გადასმა-გადმოსმა, რაც უმეტეს შემთხვევაში იწვევს ცხოველის დაღუპვას. 5. ფლანგავს სააგნტოს ბიუჯეტს არამიზნობრივად. სამსახურში თანამშრომლების 80% დაასაქმა მისი ნათესავები, მეზობლები და ა.შ, რამაც გამოიწვია სამსახურის არასწორი მუშაობა.ჩვენ, ცხოველების გულშემატკივრები, ძაღლების მიმკედლებლები, ცხოველთა დამცველები და უბრალო მოქალაქეები ვითხოვთ სასწრაფოდ მოიხსნას თანამდებობიდან ვ.ლომჯარია!
gallery images

აჭარის ავტონომიურ რესპუბლიკაში მოღვაწე მუსიკალური ბენდების და შემოქმედებითი ჯგუფების ერთობლივი განცხადება

ახალი კორონავირუსის გავრცელების გამო, არაერთი კულტურული ღონისძიება გადაიდო როგორც ქვეყანაში, ისე მის ფარგლებს გარეთ, რამაც პირდაპირი და მძიმე ზეგავლენა იქონია ჩვენზე - შემოქმედებით ჯგუფებზე, მუსიკალურ ბენდებსა და შემსრულებლებზე. მიუხედავად იმისა, რომ მოიხსნა ინფექციის გავრცელების პრევენციისთვის დაწესებული ზოგიერთი შეზღუდვა, კულტურული ღონისძიებების ორგანიზება და მათი ჩატარება კვლავ ვერ ხერხდება, ორგანიზაციებისთვის თუ კერძო დაწესებულებებისთვის (კლუბებისთვის და ბარებისთვის) დადგენილი შეზღუდვების გამო. ამ გამოწვევებს კიდევ უფრო ამძაფრებს ეკონომიკური კრიზისი კერძო სექტორში და ტურისტების სიმცირე აჭარის ა/რ-ში, რაზეც ასევე იყო დამოკიდებული ჩვენი შემოსავალი.ჩვენთვის ცხადია, რომ პანდემია არ დასრულდება უახლოეს თვეებში და სიტუაცია შესაძლოა კიდევ უფრო დამძიმდეს. თუ შესაბამისმა უწყებებმა დროულად არ დაიწყეს პამდემიით გამოწვეული კრიზისის დაძლევის გრძელვადიან სამოქმედო გეგმის შემუშავება, ჩვენ აღმოვჩნდებით უკიდურესად მძიმე სიტუაციაში. აჭარის განათლების, კულტურისა და სპორტის სამინისტრო მიერ გამოცხადებული კონკურსი ფესტივალების ჩატარებასთან დაკავშირებით, ვერ უზრუნველყოფს რიგი იმ პრობლემების მოგვარებას, რაც დღეს შემოქმედებითი ინდუსტრიების წინაშე დგას.მნიშვნელოვანია, რომ სახელმწიფო უწყებებს, ამ შემთხვევაში, აჭარის ავტონომიური რესპუბლიკის განათლების, კულტურისა და სპორტის სამინისტროს და ქალაქ ბათუმის მერიას, ჰქონდეთ ადეკვატური კომუნიკაცია შემოქმედებითი სფეროს წარმომადგენლებთან, ისეთი ფორმით, სადაც დაინტერესებულ პირებს გვექნება საკუთარი აზრის დაფიქსირების და პრობლემურ საკითხებზე დისკუსიის შესაძლებლობა. ურთიერთობა არ უნდა შემოიფარგლებოდეს ერთეულ ინდივიდებთან შეხვედრებით. ყოველივე ამას უნდა მიეცეს შესაბამისი ფორმალური და სტრუქტურული სახე. აქედან გამომდინარე, მოვუწოდებთ აჭარის ავტონომიური რესპუბლიკის განათლების, კულტურისა და სპორტის სამინისტროს, ასევე ქალაქ ბათუმის მერიას, შექმნან შესაბამისი სექტორული ჯგუფი, შემოქმედებითი ინდუსტრიების წარმომადგენლების, მათ შორის მუსიკოსების, არტ მენეჯერების და დარგის შესაბამისი სპეციალისტების მონაწილეობით, რათა დაიწყოს დისკუსია და გადაიდგას კონკრეტული, ქმედითი და ეფექტური ნაბიჯები კულტურის სფეროში არსებული უმძიმესი მდგომარეობის გამოსასწორებლად. საინიციატივო ჯგუფი:შემოქმედებითი ინდუსტრიების გამოწვევები
gallery images

გაიხსნას სახელმწიფო საზღვრები!

პანდემიით გამოწვეულმა კრიზისმა სრულად გააჩერა და დააზარალა ტურიზმის სექტორი. დაიხურა სასტუმროების 90%,  დაიკეტა კვების ობიექტები, ტურისტული სააგენტოები,  დაიკარგა დაახლეობით 100 000 სამუშაო ადგილი.ამ სფეროში დასაქმებულ ფიზიკურ და იურიდიულ პირებს მძიმე ტვირთად აწევთ საბანკო სესხები, რომელიც  4.5 მილიარდ ლარს შეადგენს.ჩაკეტილი საზღვრების პირობებში ქუჩებში მრავლდება წარწერები -დაკეტილია,  ქირავდება, იყიდება.ევროპამ საქართველო მწვანე ქვეყნების სიაში შეიყვანა და გაგვიხსნა საზღვრები, თუმცა საქართველოს მთავრობამ უარი უთხრა დასავლეთს და საზღვრების გახსნა გაურკვეველი ვადით გადაიდო.ასეთ პირობებში, თითოელი დღე ნიშნავს დამატებით დაკეტილ ობიექტბს,  შემოსავლის გარეშე დარჩენილ ოჯახებს,  ათობით ათასი ადამიანის შიმშილისთვის გაწირვას.მოაწერეთ ხელი პეტიციას. ერთად მოვთხოვოთ მთავრობას, ეპიდუსაფრთხოების წესების სრული დაცვით, დროულად  გახსნას ქვეყნის საზღვრები!
gallery images

მასიურ ვაქცინაციასთან და „კოვიდ 19“ ვაქცინის უსაფრთხოებასთან დაკავშირებით

მასიურ ვაქცინაციასთან და „კოვიდ 19“ ვაქცინის უსაფრთხოებასთან დაკავშირებითსაქართველოს პრემიერ - მინისტრსსაქართველოს პრეზიდენტსსაქართველოს ოკუპირებულ ტერიტორიებიდან დევნილთა,  შრომის, ჯამრთელობის დასოციალური დაცვის მინისტრსსაქართველოს დაავადებათა კონტროლის ცენტრსჩვენმა ქვეყანამ საერთაშორისო ორგანიზაციებთან თანამშრომლობით  შეძლო  კორონა ვირუსის შეჩერება. დაავადებისადმი სწორი მიდგომა და სამედიცინო  მომსახურეობის  ხელმისაწვდომობა, გახდა    სიკვდილიანობის და გართულებების  მნიშვნელოვანი  შემცირების წინაპირობა.მაგრამ, დღეს ვდგავართ  ისეთი  საფრთხის  წინაშე, როგორიცაა არასაკმარისად გამოცდილი ვაქცინით  მოსახლეობის მასიური ვაქცინაციის პროგრამაში მონაწილეობა2020 წლის 4 ივნისს,  გლობალური ვაქცინაციის  სამიტმა  მხარი  დაუჭირა  ვაქცინების გამარტივებული წესით  დაჩქარებულ შექმნასა და ლეგალიზებას,  მათი  სწრაფი გამოყენების და  რეალიზაციის  მიზნით.  ხელმომწერთა შორის იყო საქართველოს მთავრობაც. ქვეყანაში, სადაც ყოველ მეორე მოქალაქეს აქვს 1 ან მეტი ქრონიკული  დაავადება, მოსალოდნელია გართულებების მიღება და  დაავადებების პროვოცირება.მოვითხოვთ, რომ  საქართველოში გამოყენებული იყოს მხოლოდ ისეთი ვაქცინა, რომელიც იქნება გამოკვლეული  ყველა დაწესებული საერთაშორისო სტანდარტის დაცვით.    ვაქცინაცია  უტარდებათ  ადამიანებს  გარკვეული  დაავადებების  პრევენციის  მიზნით. ამ პროცედურის უსაფრთხოებისათვის საჭიროა სათანადოდ იყოს გამოკვლეული და  შესწავლილი ვაქცინის ეფექტურობა, მისის გრძელვადიანი  გავლენა  იმუნურ  სისტემაზე  და მისი  პოტენციური  როლი  ქრონიკული  დაავადებების  განვითარებასთან  მიმართებაში.მასიური  ვაქცინაციის  დროს შეუძლებელია  ინდივიდუალური რისკების  შეფასება, რასაც  ხშირ   შემთხვევაში    გაუთვალისწინებელი  შედეგები მოსდევს. ბოლო  30 წლის განმავლობაში, საერთაშორისო საზოგადოებისათვის კარგადაა ცნობილი კორონოვირუსების  საპრევენციო ვაქცინის შექმნის არაერთი უშედეგო  მცდელობა და  სავალალო შედეგები.  ამიტომ მეცნიერები განსაკუთრებული  სიფრთხილით ეკიდებიან კოვიდ-19 ს ვაქცინის დაჩქარებული წესით შექმნის და გამოყენების საკითხს.   ბოლო წლებში  ადმინისტრირების  შედეგად  გამოვლენილია  250  000   დეფექტური  ვაქცინა  ჩინეთში, ადგილობრივი  კომპანიის  ტრაგედია  პოლიომიელიტთან  დაკავშირებით,   პარალიზების  და  სიკვდილის 450  000 შემთხვევა  ფილიპინებში,   დაზარალებულები  ინდოეთში, კერძოდ  დენგში. აღნიშნული ნეგატიური შემთხვევები მიუთითებენ იმაზე,  რომ  სერთიფიცირების  გამარტივება  ტრაგიკულად  არათავსებადია  ვაქცინების  უსაფრთხოებასა  და/ან  ეფექტურობასთან.    დღის  წესრიგში  დგება  ახალი სტანდარტების  შემუშავების  აუცილებლობა,  მაკონტროლებელი  სისტემის გამკაცრება. ვაქცინების  ტესტირება უნდა ტარდებოდეს როგორც  ეროვნული, ასევე  დამოუკიდებელი  ლაბორატორიების  მიერ, რათა თავიდან  იქნას  აცილებული  ვაქცინების შენახვისა  და  ტრანსპორტირების  დროს  რაიმე  ტიპის  ტექნიკური ხარვეზი  თუ  ფალსიფიკაცია.ვაქცინაციის  შედეგებზე  პასუხისმგებლობა  უნდა აიღოს სახელმწიფომ და შესაბამისმა  ორგანოებმა საზოგადოებას უნდა  წარუდგინონ სარწმუნო  მონაცემები მისი კვლევების შედეგების, ეფექტურობისა და გამჭირვალობის შესახებ.მაგრამ  დღეისათვის პასუხისმგებელმა  პირებმა ხელი  მოაწერეს სრულიად საწინააღმდეგოს, სერთიფიცირების  გამარტივებას.    საზოგადოებაში  ვაქცინაზე დაკარგული ნდობის  აღდგენის  მიზნით, მოვითხოვთ,  სანამ  შესაბამისი ორგანოების მიერ გაიცემა   რაიმე ტიპის რეკომენდაცია ან  ნებართვა,  ყველა ვაქცინაზე  საზოგადოებას წარედგინოს შემდეგი ტესტირება-კვლევების ჩატარების დამადასტურებელი დოკუმენტაცია:-              ხანგრძლივი (სტანდარტული) კლინიკური გამოცდა, არამარტო  ვაქცინების მწარმოებელი ფირმების, არამედ  დამოუკიდებელი ორგანიზაციებიდან ;-              ეფექტურობასა და უსაფრთხოებაზე გრძელვადიანი (სტანდარტული) კვლევები, და არა „რამოდენიმე დღიანი“;- კანცეროგენობაზე;- ფერტილობაზე; (რეპროდუქციის უნარი)- ორსულობაზე გავლენა და ტესტი ნაყოფის განვითარებაზე;- მუტაგენობაზე;- ინერტული პლაცებოტესტირება;- კვლევები ვაქცინის უსაფრთხოებაზე  ბავშვის ასაკთან შეფარდებაში.განსაკუთრებით ვითხოვთ კვლევებს კომბინირებული ვაქცინების და კოვიდ-19-ის ვაქცინის ერთდროულად გამოყენების შედეგების შესახებ, როგორც გეგმიური, ასევე სეზონური გრიპის და პნევმოკოკის შემთხვევაში.როგორც წესი, კვლევების უმრავლესობა ტენდენციურია და ადგილი აქვს ინტერესთა კონფლიქტს, რადგანაც  ლიცენზირებამდე კვლევები ძირითადად ტარდება  ვაქცინის მწარმოებლის მიერ, რომელსაც აქვს ბიზნეს ინტერესი. აუცილებელია  დამოუკიდებელი ექსპერტების მოწვევა ვაქცინებთან დაკავშირებული დასკვნებისა და რეკომენდაციების გაცემის დროს და ასევე ვაქცინაციის პოლიტიკის განსაზღვრისას. თუ „ჯანმო“ და ჩვენი მთავრობა იღებს პასუხისმგობლას, წინასწარ შერჩეული (პრეკვალიფიკაციით)  ვაქცინების უსაფრთხოებაზე,  მაშინ ასევე უნდა აიღოს პასუხისმგებლობა ამ ვაქცინებით ჩატარებული ვაქცინაციის  შესაძლო გართულებებზე.მთელი მოსახლეობის იძულებითი  ვაქცინაციაიმ ვაქცინით, რომლის ეფექტურობა და უსაფრთხოება არ არის საკმარისად გამოცდილი, არის უსაფრთხოების ნორმების დარღვევა და იძულებითი აპრობაცია.ეს ადამიანის უფლებათა დარღვევაა, რაც ეწინააღმდეგება:•             ადამიანის უფლებათა დაცვის საერთაშორისო კონვენციას;•             საქართველოს კონსტიტუციას;•             ნიურნბერგის კოდექსს;•             ადამიანის უფლებათა დაცვის  პაქტს;•             ევროკავშირის ადამიანის უფლებების ძირითად ქარტიას;•             ბავშვთა უფლებების გაეროს კონვენციას;•             სამედიცინო სფეროში ადამიანის ღირსებისა და უფლებების დაცვის ევროპის საბჭოს კონვენციას;•             ბიომედიცინაში ადამიანის უფლებების კონვენციას;•             პაციენტის უფლებების ევროპული ქარტიას;•             გაეროს სამოქალაქო  და პოლიტიკური უფლებების საერთაშორისო პაქტს;•             ჟენევის „ მსოფლიოს მედიკოსთა ასოციაციის“ ასამბლეაზე მიღებულ 1948 დეკლარაციას; •             საქართველოს კანონს „პაციენტის უფლებების შესახებ“;•             სხვა საერთაშორისო ნორმატიულ აქტს და აღიარებულ ნორმებს, რომელთა მიხედვითაც ნებისმიერი სამედიცინო ჩარევა უნდა მოხდეს მხოლოდ ადამიანის ან მისი მეურვის „ინფორმორებული თანხმობით“,  რაც გულისხმობს იმას, რომ ის უნდა იყოს გაფრთხილებული ნებისმიერი მოსალოდნელი რისკების შესახებ და მხოლოდ ამის შემდგომ მიიღოს გადაწყვეტილება ნესბიემიერი სამედიცინო ჩარევის შესახებ.საერთაშორისო ნორმები და ადამიანის უფლებების დაცვის აღიარებული პრინციპები კრძალავენ ადამიანის ნებართვის გარეშე სამედიცინო ჩარევას, ვაქცინაციას, ექსპერიმენტების ჩატარებას.მოვითხოვთ: ხელისუფლებამ აიღოს პასუხისმგებლობა ვაქვინაციასთან დაკავშირებულ რისკებზე, მინიმუმამდე დაიყვანოს ეს რისკები  და უზრუნველყოს ნებაყოფლობითი ვაქცინაცია სრული „ინფორმირებული თანხმობის“ საფუძველზე.მხოლოდ ასეთ შემთხვევაში შესაძლებელი  სამედიცინო სისტემისა და ვაქცინაციისადმი. საზოგადოების ნდობის აღდგენა,წინასწარ გიხდით მადლობას
gallery images

პარლამენტის ეროვნული ბიბლიოთეკის მკითხველები

პარლამენტის ეროვნული ბიბლიოთეკის ვებგვერდზე განთავსებული განცხადების მიხედვით, ბიბლიოთეკას მუშაობა უნდა განეახლებინა 2020 წლის 16 ივნისს, მაგრამ ამ თარიღმა გაურკვეველი ვადით გადაიწია, რასაც ადმინისტრაცია "კონკრეტული უწყებიდან" რეგულაციების მოლოდინით ხსნის.პოსტპანდემიურ პირობებში მთავრობის ანტიკრიზისული გეგმა გულისხმობდა ყველა ტიპის საჯარო თუ კერძო დაწესებულების თანმიმდევრულად გახსნას. 16 ივნისის მდგომარეობით, თითქმის ყველა სახის ორგანიზაცია სრული დატვირთვით ფუნქციონირებს, ბიბლიოთეკები კი კვლავაც კარანტინის რეჟიმში რჩებიან ანუ უკვე სამ თვეზე მეტია სრულიად დაკეტილ მდგომარეობაში მკითხველებისთვის. მოგეხსენებათ, რომ სასწავლო წლის დასასრულს ვუახლოვდებით და ათასობით სტუდენტს გვიწევს სადიპლომო ნაშრომების დაცვა, გვიახლოვდება ეროვნული გამოცდებიც, თემების დასაწერად და სამუშაოდ კი აუცილებლად გვესაჭიროება ბიბლიოთეკები. გთხოვთ, გაითვალისწინოთ ჩვენი მდგომარეობა და უახლოეს ხანებში განაახლოთ ბიბლიოთეკების მუშაობა.