,,არა ცხოველის მიტოვებას – დროა დავიცვათ მათი სიცოცხლე!“

დღეს საქართველოში ათასობით მიტოვებული შინაური ცხოველი შიმშილსა და საფრთხეში ცხოვრობს. ცხოველების მიტოვება ქუჩაში ხდება ყოველდღიურად, შედეგად კი ვაწყდებით ჰუმანურ ტრაგედიას, გარემოს დაბინძურებას, და აგრესიასთან დაკავშირებულ რისკებს.

ვერ ვიქნებით ცივილიზებული საზოგადოება, თუ თვალს დავხუჭავთ ამ უდანაშაულო არსებების ტანჯვაზე ისევ ჩვენივე ბრალეულობით. 

ჩვენ, ამ პეტიციის ხელმომწერები, მოვითხოვთ, რომ საქართველოს პარლამენტმა დაამტკიცოს კანონი, რომელიც:

 

1. კრძალავს ცხოველის მიტოვებას – როგორც ადმინისტრაციულ, ისე სისხლის სამართლებრივ დონეზე;
2. ამკვიდრებს მიკროჩიპის სავალდებულო სისტემას, რომ ცხოველის მფლობელობა და პასუხისმგებლობა ზუსტად დადგინდეს;
3. აწესებს მკაცრ სანქციებს:
   
   • პირველი დარღვევა – მინიმუმ 2000 ლარის ჯარიმა;
   • მეორე დარღვევა – 6 თვემდე თავისუფლების აღკვეთა;  
     4. ავალდებულებს მფლობელს, რომ თუ აღარ შეუძლია ცხოველზე ზრუნვა, აუცილებლად შეატყობინოს შესაბამის სამსახურს და უზრუნველყოს უსაფრთხო გადაცემა;
     5. სახელმწიფოს ავალდებულებს, აწარმოოს საგანმანათლებო კამპანიები ცხოველებზე ზრუნვის, მიტოვების შედეგების და ცხოველთა უფლებების შესახებ.

        ცხოველზე პასუხისმგებლობა იწყება მისი აყვანის მომენტიდან. მიტოვება არ არის გამოსავალი – ეს არის უმეცრების და გულგრილობის გამოხატულება.

        მოვუწოდებთ პარლამენტარებს, სახელმწიფო უწყებებს და ადგილობრივ თვითმმართველობებს, გადადგან კონკრეტული ნაბიჯები ამ კანონის მისაღებად.

        „დავიცვათ ისინი, ვინც მხოლოდ ერთგულებას და სიყვარულს გასცემს და იმავეს იმსახურებს ჩვენგან.“