კერძო ტაქსებისათვის გამოიყოს სპეციალური პარკირების ადგილები თვითმმართველ ქალაქ თელავის ტერიტორიაზე

    გასაგებია, რომ ქვეყანაში დღევანდელ დღეს არის მძიმე სოციალური ფონი, ხალხს შემოსავალი არ აქვს და უკიდურესად გაჭირვებულია.

    ამის მიუხედავად, თითქმის ყოველი მესამე ავტომანქანა კერძო ტაქსია, უმეტეს შემთხვევაში გაუმართავი, ექპლუატაციისათვისა და მგზავრთა გადაყვანისათვის უვარგისი. ასევე აღსანიშნავია, რომ აღნიშნულ კერძო ტაქსებს მთელი დღის განმავლობაში დაკავებული აქვთ ქალაქში ისედაც მცირე რაოდენობით არსებული პარკირების ადგილები, ტროტუარები და ბორდიურები ადმინისტრაციულ, სამედიცინო, საგანმანათლებო, კომერციულ დაწესებულებებთან თუ საცხოვრებელ სახლებთან, რაც მოქალაქეებს აიძულებს ხშირ შემთხვევაში პარკირების წესების დარღვევით გააჩერონ საკუთარი ავტომობილები, რაც იწვევს საავარიო სიტუაციების შექმნას და საფრთხეს უქმნის მოქალაქეთა  ჯანმრთელობას.

ყოველივე ზემოაღნიშნულიდან გამომდინარე გთხოვთ მიიღოთ ზომები არსებული პრობლემის მოსაგვარებლად.