სტიპენდიის გაცემის ერთ-ერთი კრიტერიუმი სპორტულ აქტივობებში მონაწილეობა გახდა. დამატებითი საკონკურსო ქულის მოსაპოვებლად სტუდენტს ზემოხსენებულ აქტივობაში მხოლოდ ''მონაწილეობა'' სჭირდება. შესაბამისად თუ იგი მონაწილეობას მიიღებს ჭადრაკის ჩემპიონატში, რომელსაც პირველივე ტურში გამოეთიშება - დამატებით ქულას მაინც მოიპოვებს. ვფიქრობ აღნიშნული მაგალითი ნათლად გვიჩვენებს ამ გადაწყვეტილების სამართლიანობას.

შესაძლოა იმ უნივერსიტეტის სტუდენტებისთვის, რომელთათვის სამეცნიერო საქმიანობა მეათე ხარისხოვანია, ეს ცვლილება არ იყოს გულსატკენი, თუმცა თბილისის სახელმწიფო უნივერსიტეტის სტუდენტისთვის, რომლისთვისაც სამეცნიერო კვლევა ესოდენ პრიორიტეულია - ორმაგად მტკივნეულია. სამწუხაროა, რომ მეცნიერების დაფასების ნაცვლად მისი გაფერმკრთალებისა და გაუფასურების მცდელობებს ვადევნებთ თვალს