მედიის თავისუფლების დაცვა საქართველოში

ჩვენ, საქართველოს მოქალაქეები, მოვითხოვთ:

საქართველოში მედიის თავისუფლების მდგომარეობა მნიშვნელოვნად გაუარესდა. ჟურნალისტებზე ზეწოლა, ცილისწამების სარჩელების გამოყენება კრიტიკული მედიასაშუალებების წინააღმდეგ, ძალადობრივი ინციდენტები და ხელისუფლების მხრიდან მედიის მიმართ აგრესიული რიტორიკა ხელს უშლის თავისუფალი და ობიექტური ინფორმაციის გავრცელებას.

მედიის თავისუფლება დემოკრატიული საზოგადოების ერთ-ერთი უმნიშვნელოვანესი ფასეულობაა. მისი შეზღუდვა საფრთხეს უქმნის საქართველოს დემოკრატიულ განვითარებასა და ევროინტეგრაციის პროცესს.

ამიტომ მოვითხოვთ:

1. ხელისუფლებამ შეწყვიტოს ჟურნალისტებისა და მედიასაშუალებების წინააღმდეგ აგრესიული რიტორიკა და შეუწყოს ხელი დამოუკიდებელი მედიის საქმიანობას.

2. საქართველოს მთავრობამ უზრუნველყოს ჟურნალისტების უსაფრთხოება, გამოიძიოს მედიის წარმომადგენლებზე განხორციელებული თავდასხმები და დამნაშავეები სათანადოდ დაისაჯონ.

3. საქართველოს პარლამენტმა განიხილოს და მიიღოს კანონპროექტი, რომელიც გააძლიერებს მედიის დამოუკიდებლობას და ჟურნალისტების დაცვას.

4. შეწყდეს ცილისწამების სარჩელების ბოროტად გამოყენება კრიტიკული მედიასაშუალებების წინააღმდეგ, რაც აზიანებს გამოხატვის თავისუფლებას.

მოვუწოდებთ საქართველოს მთავრობას, პარლამენტს და შესაბამის უწყებებს, მიიღონ კონკრეტული ზომები მედიის თავისუფლების დასაცავად და უზრუნველყონ ჟურნალისტების უსაფრთხოება.