✅ "გამოვა" არის  მოძრაობა, რომელიც აერთიანებს ადამიანებს,რიგით მოქალაქეებს,  ვისაც აწუხებს საქართველოს  განგრძობითი ოკუპაციისა და ანექსიის საკითხი. ჩვენი აზრით, ყოველი პრობლემა თუ გამოწვევა, რომელიც ჩვენს სამშობლოს უდგას დღის წესრიგში, სწორედ ერთი, მთავარი და ძირითადი მიზეზით არის განპირობებული; ამ მიზეზს ეწოდება მეზობელი ქვეყნის ძალმომრეობა და სურვილი, იმპერიული ჩექმა მუდმივად ჰქონდეს მიბჯენილი თავისუფლებისა და დამოუკიდებლობის მოყვარული ერებისათვის! ✅ დღეს, როდესაც მსოფლიომ ცხადად დაინახა ბოროტების მანქანის შეუნიღბავი სახე, მიზნობრივი და თანმიმდევრული, წინააღმდეგობრივი  პროტესტი აუცილებლად უნდა არსებობდეს ქვეყანაში, რომელსაც, მიუხედავად მცირერიცხვოვნობისა და ტერიტორიის სიმცირისა უაღრესად  დიდი წვლილი მიუძღვის სწორედ რუსულ იმპერიასთან დაუღალავ ბრძოლაში. არაერთი ადამიანის გმირული თავდადება და მსხვერპლშეწირვა უდევს საფუძვლად ჩვენი ქვეყნის დღევანდელობას, სწორედ ამიტომ, მიგვაჩნია - ბრძოლას ყოველთვის აქვს აზრი! ✅ მაშინ, როცა ძალა ერთობაშია !-  თავისუფალი, დამოუკიდებელი და ნამდვილი, ევროპული ქვეყანა აუცილებლად გამოვა! ✅ ✊  #gamova #გამოვა #ძალაერთობაშია