ყოველი სასწავლო წლის დაწყების პირველ დღეს ჩატარდეს ზღაპრის ფესტივალი!

             სასკოლო ცხოვრება ერთი დიდი ზღაპარია და ამ პერიოდს ყველა ადამიანი ტკბილად იხსენებს. ყველას უნდა ზღაპრული ცხოვრება და ზღაპარში მოხვედრა. ბევრ ქვეყანაში დაწესებულია ზღაპრის ფესტივალები და ვფიქრობ, არც ჩვენი ქვეყანაა ამ მხრივ გამონაკლისი.

             ყოველი სასწავლო წლის დაწყება მოსწავლეებისთვის და მასწავლებლებისთვის დიდი ზეიმია. მაგრამ ის უფრო სტიმულისა და ენერგიის მიმცემი იქნება თუ მას სხვა იერსახესა და ელფერს შევმატებთ. 

            მოდით,  გავულამაზოთ ბავშვებს ახალი სასწავლო წლის დაწყების პირველი დღე და ჩავატაროთ ზღაპრის ფესტივალი როგორც თბილისში, ისე სხვადასხვა რეგიონებში.

            ფესტივალებზე საშუალება მიეცემათ ყველა მონაწილესა და დამსწრე საზოგადოებას რომ მონაწილეობა მიიღონ ზღაპრული კოსტუმებით, დაესწრნონ ზღაპრულ წარმოდგენებს, შეიძინონ სხვადასხვა ზღაპრის წიგნები, მოიხატონ სახე ზღაპრულ გმირებად.

            სკოლებს ექნებათ საშუალება რომ სკოლის ტერიტორია  ზღაპრულ სამყაროს დაამგვანონ.  მოაწყონ ზღაპრული მარათონები,  გასაყიდად გამოიტანონ მოსწავლეთა ხელნაკეთი ნივთები, წარმოადგინონ ცეკვა-სიმღერები, სპირტული შეჯიბრებები და იუმორისტული ნომრები მოსწავლეების შესრულებით. მშობლებისთვის მოაწყონ ჩაის საღამოები და სასწავლო წლის დაწყების პირველი დღე გადააქციონ ზღაპრულ ზეიმებად.