„ომით დაზარალებულ ქალთა საერთაშორისო ცენტრი“ არის არასამთავრობო ორგანიზაცია, რომელიც დაფუძნებულია „ქართულ-უკრაინული თანამეგობრობის ალიანსის“ ბაზაზე და რომელიც მუშაობს ომით დაზარალებული ქალების უფლებებზე. ორგანიზაციის მიზნებია - ომით დაზარალებულ ქალთა გაძლიერება; იძულებით გადაადგილებულ ქალთა სოციალიზაციის მხარდაჭერა, მათი საზოგადოებაში ინტეგრაცია; ომით დაზარალებულ ქალთა სოციალურ-ეკონომიკური და კულტურული აქტივობების მხარდაჭერა; კვლევითი და საგანმანათლებლო საქმიანობა; ომით დაზარალებულ ქალთა სამართლებრივი მხარდაჭერა და უფლებების დაცვის პროცესის მხარდაჭერა; სამიზნე ჯგუფის პრობლემების აქტუალიზაცია, ინფორმაციული მხარდაჭერა და სხვა. ამჟამად ორგანიზაცია აქტიურად მუშაობს ომით დაზარალებული უკრაინელი და ქართველი ქალების საკითხებზე.